Daniel 5:23 - Nobonob Baibel

²³ Na amu helom, amge na ii heme, gemu ele ii hettem. Iitta. Na Naɗi, hab attan daatte, na Nug ele mehqak hekkulahnu hettem. Na he, laa ag nuhig mettid lagppan kap akkan uɗieg, na, nahipad okkai, na waatad, am na waatad amge waatadnab iitta ele ag amuppa wain lanana, ag kayak dottolkad golppa, silwappa, brasppa, aenppa, adppa, menppa hak ele binalag meppig. Kayak dottolkad amu ag keeke laa amelagppa anidkkulagnu iitta, ag daulagppa keeke laa dooglagnu iitta, ag dabmakppa keeke laanu diignu doyak tutukku aoglagnu elele iitta. Na amu heme, amge na Kayak, Nug nahip bau dayak, nahip oiyak ele Nug eppegppa aɗatte amu, na Nug binag ii meme.

Daniel 5:23 ပူးပေါင်းရင်းမြစ်များ

Genesis 14:19

Mattowa amu, nug Abram inam itittom. “Kayak Attannab Laa Oh Eɗattak Nug hab, wan ele haatom amu, Nug na itidkkunu ool daatte.

Genesis 2:7

Dimppa Yawe Kayak Nug wan gappud awa, amuppa danab heum. Ha amu, Nug danab amu noob oɗeppa ouɗi iwale, bau dayom.

2 King 14:10

King Jehoas nug King Amasaianu nai amu anam nob ma, nug nai baula tuɗitta, inam mattiom. “Ao, da doottem, na ban hena, Edom aqona eɗadna, na gemu beɗuppa tak oittem. Na ban amu eɗidme, amge na nahip wanppaib daanna, gaman ahaɗ! Aɗinu na eheɗ nidakkunu hettem? Aɗinu na heppe, na, Juda ele nena qekkulag?” Jehoas nug nai amu Amasaianu eɗua me ukkom.

Job 12:10

Doɗ oh ag Nug eppegppa daaegeg, Nug a, ag bau daatteb. Nug a, ag mauhtteb. Ao, danab ah oh ele, Nug ag ulah matte, ag bau daatteb. Nug ii madatte amu, ag mauhtteb.

Job 31:4

Kayak Nug dahil oiyak iite anidtte? Ge, da aɗi keeke nakok nakok hettem amu, Nug iite dootte?

Sam 104:29

Haen na ii ehanadkkutnu dabmena, dimattai, ag eheɗ nau baɗatteb. Yo, na ag ouɗi ii mattai, ag mauhtteb. Ag mauhna, ag eɗun gappud metteb.

Sam 115:16

Hab attan ukke ukke, adekku batatte, amuam Yawenu, amge nug wan danab ah oh mattom.

Sam 139:3

Da ib atten awe matte gokkul amu, na ib amu tatam oot maitte, da adeppa niikkul amu, na amu ele matu oot maittom. Ge, ib oh da gottem amu, na doottem.

Sam 146:4

Ag mauhna, ag eɗun gappud metteb. Ao, ag mauhtteb haen amuppa, ag keeke oh hekkulagnu maittak aoppig amu ukka, iitta mette.

Prowerb 20:24

Yawe Nug danab ɠagattag dilag oiyak atognotte; amunu laa nug nukka, nug attem ha, nuhig oiyak atognokku?

Aisaia 13:11

⌊Yawe Nug atte. “Deɗ amuppa⌋ da geha danab ah oh wan ohppanu aun aɗi ag nau heppig bu aqakkul. Ao, da geha danab ah oh wan ohppanu aun aɗi ag nau hak danab ah daatteb ele, da ag hipunin heppig, da amunu bu aqakkul. Da amu, da dada ha laa eɗittaknu dabmak awak danab, ag beɗuppa tak kobol dim lamidtteb ele, da geha heppi, ahilag kobol amu oh iitta mekku. Ao, danab ah ag laa dilagppa oo doyak ii doon nau hadatteb, da geha ag eheɗ hadappi, ag onilag am qe nak daaglag.

Aisaia 14:13

Na nakka, nahip dabmakppa, na ame. “Da geha attannab hab eɗitten tein ukken daakkul. Geha da heppi, dahil sia king am Kayaknu hoɗoppai daatteb eɗatta ta daakku. Da geha anam hein, da geha sia king dahilppa qauko kayak qagmena daattebppa daakkul. Ao, da geha qauko ⌊kayak daatteb, da⌋ amuppa attannab daakkul.

Aisaia 2:12

Yawe Nukka Ɠagattag Oh Ele, Nug haen tituanom daatte, amu haen amuppa Nug epeɗiak uɗat okkai hekku. Nug epeɗiak haaha, dada danab ah onilag qeeb nekku. Haen amuam Dada danab ah oh dilag epeɗiaknu haen, Am keeke ⌊hamu⌋ oh, danab ah ag amunu enanag doon, gamalag ahatte ele epeɗiaknu haen ele.

Aisaia 33:10

Yawe Nug atte. “Gemu da ahakkul. Ao, da gemu kobol okkai heppi, danab ah ag da onil okkai meɗaglag. Ge, da uɗat okkai heppi, ag da binal okkai meɗaglag.

Aisaia 37:19

Genab, ag wan amu ohppan kayak am akkaeg, aab aɗuppa teeg ewatte, iitta meppig, amge ag amu heppignu diig am, kayak amu, ag am kayak genab iitta; ag am men, ad ele hoiyak aakkuib. Danab ag kayak amu eppelagppa heppig.

Aisaia 37:23

Na aun aon aon qettan, nuhignu dabittak nai ele mattime? Na aun qattiɗ qettame? Na aun noobppa, da na eɗitten oittem bia oime? Na kobol nau amu oh da Yawe, da Israel dilag Kayak Oppiaawak Ele, na dahilppa nau amu oh heme.

Aisaia 42:5

Kayak, Nug Yawe, Nug hab ha, abenppa me daatte; Ao, Nug wan ele ha, wanppan keeke bau daatteb oh ele heum. Nug wanppan danab ah oh bau dayak madatte. Ao, Nug aun aɗi wanppa oitteb amu, nug ag ouɗi madatte. Amu Kayak, Nug Yawe, Nugib nuhig maɗi nid amegppa geha atte.

Jeremaia 10:23

O Yawe, da doottem, ig danab ig ikka, ig ihinig oiyaknu ulumnab ii aɗattem. Ao, ig aɗi aɗi ihinigppa bekku amu, ig amu ii gumattem.

Jeremaia 48:26

Moap danab ah ag Yawe waappa dayaknu uun, ag Nug oɗe tappaeg neum amunu, kekeɗ ag heppeg, Moap ag uɗa nak doyeg! Ag danab nug le ɠagattag huana la, kaaka qe, bahaha, na qa, bahakppa niia, buɗibɗib oiya, dimppa kaaka qak iitta me, uɗa nak nau dootte, Moap ag amubia doyeg!

Jeremaia 50:28

Babilon dilag uug awak haen digma beebeb, Israel danab ah laa ag Babilonnu ahan, eɗun oolna Israel wanppa gona, Sion appa ag Yawe, Nug ig Israel, ihinig Kayak, ag Nug Babilon dilag daup anukka nug laug heeg nauhom, gemu Nug kobol nau amu heppignu nob aakku mattomnu madippeg doyeg!

Jeremaia 50:29

Amu Yawe Nug atte. “Babilon ag da, Yawe, Israel dilag Kayak Oppiaawak Ele, ag da oɗel tappaeg neum amunu, kekeɗ ag laa appeg, latppa ban hetteb ag uɗin, Babilon aqeg! Ag Babilon talilidna daanna heppeg, Babilon laippu laa aib oola ukkom. Babilon danab ah ag eheɗ heppig amunu, ag nob matteg! Ag eheɗ digdig heppig, amubia ahilagppa heig!

Esekiel 28:17

Na beɗun ohppa keeke anttaknu eheɗ laa ii dayom amunu, na nakka, nahipnu enanag doome; na dada danab bena daame. Ao, na binan nahip okkainab ele dabmena, na doyak dabmak ena ele nahip hee, kaliak dayom. Na anam heme amunu, da buɗitti, wanppa nome. Ao, da hei, na king laa noolagppa keeke hamu bia daye, ag na aon aon nidappig.

Esekiel 28:2

“Danab bekka, na Tair dilag king amegppa, ‘Naɗi Yawe Nug inam atte,’ ana, na nai imu ele appe doyaɗ! ‘Na ootppa dada kobol henan, na, “Da am kayak laa, da kayak laanu sia enanagppa yu gamagppa iikku daattem,” mattin attem. Amge na am danabib, na kayak laa iitta. Na doyak dabmak ena nahipnu am kayak laanu bia daatte dabmettem, amge iitta!

Esekiel 28:5

Na keeke daden ma me, laa uɗia daden mekkunu uɗat doon autna aona, kobol amu na dim lamidna hena, en huanaknab aome. Na en okkainab aon aɗattem amunu, na nakka na nahipnu enanagnab doon, na dada danab daattem,’ ” awa atte.

Esekiel 31:10

Anam amunu, Naɗi Yawe Nug inam atte. “Ad amuam elabnab ta, ad laa oh eɗatta ta, dada ha, ‘Da laa oh eɗadttem,’ dabmeum,

Daniel 11:12

Ag nug eppegppa anam daappeg, wan yau uɗitteppanu king nug dada danab ba dayaya heeb, ⌊nuhikkud daup ag⌋ danab tausen gane aqaglag, amge nug ele na qekku.

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Daniel 8:11

Qeqeɗi tatam nakok dayom amu, qeqeɗi amu nug nukka nug ha, nug Kayak, hab daup oh gumadtte, nug Nug bia daakkunu wagai ma haaha, nug laa ag deɗ oh doɗ manan, Kayak medatteb ele, nug he, ag mana mettak amu ii heegeg, nug he, Kayaknu mettid lag am keeke hamu bia dayom.

Habakuk 2:4

Laa nug Kayak noobppa genab tutukku hak danab daatte, nug Yawenu ooppa genab dootte amunu, nug bau daakku. Ao, am anam, amge antte! Laa daatte, nug dada danab daatte. Ge, nuhig oo hak am kaliak ele.

Aposel 17:25

Amu Kayak Nug keeke laanu tutu mettete amunu, ig danab ig Nug ehanidkkunig? Iitta. Nug nukka eleleib daatte. Nug nukkaib he, danab oh ag bau daatteb; ge Nug he, ag hik aotteb.

1 Korint 8:4

Aria, doɗ teppu main kayak hambuppuak dottolkad madatteb, lanak amunu da inam attem. Ig doottem, kayak hambuppuak amuam keeke genab iitta; danabnu dabmak aakkuib. Amunu ag dottolkad hetteb am keeke laa genab ii ippunigtte. Kayak laippu aakkuib daatte.

1 Timoti 3:6

Kristen bau nug enaen mak, ikki okkai kobol ele haaha, nug Satan na qa nob nau awom bia na qemanu, nug Kristen tamaniaknu gumaknu ikki aib dayom.

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.

Revelesen 9:20

Danab laa oh, daup amu ag keeke nau amuppa ii aqaeg mauhppig ele amu, ag oolag ii eɗue, eppelagppa keeke laala hadappig amu ag ii uuppig. Iitta. Ag tuɗidna, kayak hambuppuak dottolkad golppa, silwappa, brasppa, menppa amu adppa ele eppelagppa hadappig amu, ag amu noolkadppa dup nona, binalkad meppig. Kayak hambuppuak dottolkad amu ag ii neegtteb, ag nai ii dootteb, amu ag ele oiglagnu elele iitta. Aria, ag ouɗi nau binalag mak kobol ahilag ele ii uuppig.

Ikki Danab 16:23

Samson nug anam daye, Pilistia dilag ikki danab ag deɗ laa gamag ahak okkai hena, ag doɗ kuɗum manadna, ahilag kayak Dagon mettanna, ag nug humidnana appig. “Ihinig kayak nug he, ig kekeɗ ihinig Samson eɗidmut!” aon appig.

1 Samuel 17:26

⌊Ag nai amu mattieg, Dawit nug nai amu doya, genab madippigtai dookkunu,⌋ nug Israel ban danab laa guguitta dayom ele amegppa ana, oɗ metta aum. “Danab laa nug nob, Pilistia danab amu ele ban heya, Israel ted nug danab amu qeeb mauheb, amuppa nug heeb, uɗa nak nau guittak ele ihinigppa daatte iitta meeb amu, aria geha Saul nug keeke aɗi ena nuhignu hekku? Ele amu, Pilistia umu, nug am iitta aɗi laa amu, nug nukka nuhignu attem dabmette amunu, nug aha, Kayak bauklelnu ban danab ig, nug guhig ahaknu nai ihinignu ette,” awa aum.

1 Samuel 17:36

Da, nahip maɗi nid, da laion am bea ele aqati mauhpiɗ, amubia Pilistia danab umu, nug iitta aɗi laa amu, da qeppi mauhkku. Aɗinu? Nug nuhig ewakppa, nug Kayak Bauklel elenu ban danab dilagnu guhig ahaknu nai eum.