Daniel 5:18 - Nobonob Baibel

¹⁸ O king, Kayak Attannab Laa Oh Eɗadtte amu, Nug na mamen Nebukatnesar king abenab metta, ɠagattag, binag amahlak oppiaawak ele, aria ɠagattag okkai naɗi ele nug mettom.

Daniel 5:18 ပူးပေါင်းရင်းမြစ်များ

2 King 25:28

Ewil Merodak nug Jehoiakin amegppa nai ena mattia, Ewil Merodak nug king laa oh nug ele Babilon daappig amu, nug Jehoiakin amu oh dilag aben eɗittak mettom.

Sam 47:2

Aɗinu? Yawe Attannab Laa Oh Eɗattak amu, danab nug Nug toppa dayaya, nug ebehi oh bodoetta le mette. Ao, Nug am king anuqak, nug danab ah wan atu ohnu gumadtte.

Sam 7:17

Da geha Yawe Nug genab tutukku hak kobol dim lamidtte amunu, da nuhignu, “Ena heme,” awe akkul. Da geha Yawe, Nug Attannab Laa Oh Eɗattak amu, da Nug onig humaknu ahi edakkul.

Sam 9:2

Nahipnu amu, da ool gamag huanaknab ahakku. Ao, O Kayak Attannab Laa Oh Eɗattak, da geha na oninnu humittak ahi edakkul.

Sam 92:8

Nau hak danab ah dilagppa anam aakku bekku, amge O Yawe, na keeke oh dilag okkai daattem. Na hanhan hab attan onin binan okkai ele daattem.

Jeremaia 25:9

da heppi, Babilon dilag king Nebukatnesar, dahil maɗi nid, nug nuhikkud daup ele, aria, laa oh ag wan imunu laih yawalti uɗitteppanu daatteb ele, ag Nebukatnesar nuhikkud daup ele oh banelag uɗiglag,’ awa atte. Amu Nug atte. ‘Da heppi, ag uɗin, ag wan imu aoglagnu, ag ippan danab ah, wan laala wan imu talilittak daatteb ele amu, ag ele oh ban hekkulag. Da heppi, wan imu, amu wan laala wan imu talilittak daatteb ele, ag dahilnuib, dahil pelemppa daaglag. Ag anam daappeg, wan laappan danab ah ag anidna, ameg iɗuak doon, ahilagnu, “Keeke hamunab,” dooppeg, wan imu, wan amu oh am hanhan padal mak anamib daaglag.

Jeremaia 27:5

Da Yawe, da ɠagattag okkai ele, amu da ɠagattag amuppa da wan imu, danab ah wanppa daatteb, doɗ wanppa daatteb ele oh hattami. Da amu oh hattami amunu, da aun nug keeke amunu okkai daakkunu ool hette amu, da keeke amu oh nug eppegppa mettem.

Jeremaia 27:7

Wanppan wan oh ag nug waappa maɗi nid daan, nuhig uɗat hekkulag; nug bekka, nuhignu ele anamib daanna; nug alag, nuhignu ele anamib daaglag. Aria, anam dayebeb ukkeb, Nebukatnesar alagnu haenppa Babilon bu awak haen beeb, wanppan wan anen anen kuɗum, ahilkad king ɠagattag ele ag ahan heppeg, Babilon ag waalagppa daaglag.

Gayak Nai 3:35

o laa nug Kayak Attannab Laa Oh Eɗattak noobppa layagnu nai doya mala hettoɗia epeɗia elele mettak kobol dim lamidkkunu uukku dayeb,

Gayak Nai 3:38

Keeke ena, keeke uug naunab ele; keeke amu oh Kayak Attannab Laa Oh Eɗattak nai maditteppa iite bette?

Esekiel 31:11

diig amunu da hei, wan laappan okkai nug ad amu nau heumnu bu medakkunu nug eppegppa dayom. Da ad am uui,

Daniel 4:17

Danab ah ag Kayak Attannab Laa Oh Eɗattak Nug wanppanu ɗo maɗoɗ oh gumadtte dooglagnu, ag auntai laa nug ɗo maɗoɗ laa dilag okkai daakkunu amu, Kayak Nugib he, danab laa, danab onig eletai, o danab onig iittanab eletai, nug huu dilag okkai daatte dooglagnu amu, amu miag atitte. Nai awa ukkak danab ag nai imu mattieg, laa dootteb. Ao, laa ag Kayaknu oppiaawak ele daatteb, ag keeke imu bekkunu nai imu atteb,’ awa eum.

Daniel 4:19

King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Daniel 4:2

Da Kayak Attannab Laa Oh Eɗattak, Nug nuhignu dabmettaknu kobol danab haknu elele iitta, amu uɗat ɠagattagnab ele, Nug dahilnu heum amu appi dooglagnu gamag ahak doottem.

Daniel 4:32

Laa ag lamidppeg, na danab ah ii daattebppa, appa doɗ dakkuɗ ele daaglag. Daan, na makau gikkiɗah latteb bia gikkiɗah lakkut. Maɗ eblaih aɗit ele na anam daappe ukkeb, na Kayak Attannab Laa Oh Eɗattak Nug wanppanu ɗo maɗoɗ oh gumadtte, Nug aun ahilag okkai daakkunu oo he, king abenabppa mette doon, dabmak amu tutukku doon elele aɗan oikkut, dimppa am na eɗun ena daakkut,” awa aum.

Daniel 4:34

Kobol amu oh Nebukatnesar, nuhigppa be, dimppa Nebukatnesar nug aum. “Haen anam daakkulnu dayom am iitta me, da, Nebukatnesar, da amel humen, neekki, hab attan te, ⌊Kayak dabmei, Nug he,⌋ dahil dabmak eɗua, danab dilag dabmak, kaaka iitta aakku dayom. Kayak anam he, dahilppa anam be, da Kayak Attannab Laa Oh Eɗattak binag memi. Da binag onig okkai ele Laa hanhan daatte mettami. Aɗinu? Nuhig ɗo maɗoɗ am hanhan alet daatte. Ao, nuhig wan atu gumak am anamib alet, ii tuqa awak daatte.

Daniel 5:21

Nuhig dabmak eɗua, doɗ dilag bia daye, laa ag lamitteg ukke, nug danab ah ii daattebppa donki dakkuɗ ele daanna, nug makau gikkiɗah latteb bia gikkiɗah laum. Baito habppanu na, nug laittom. Nug anam daye ukke, nug Kayak Attannab Laa Oh Eɗattak Nug wanppan ɗo maɗoɗ oh gumadtte, Nug aun nug ahilag okkai daakkunu oo hette, nug king abenab medatte, nug dabmak amu tutukku doya, elele aɗa oiye, uug aguppa batom.

Daniel 6:22

Dahil Kayak Nug da eheɗ laa Nug noobppa ii hemi aniɗa, O king, da nahipnu ele eheɗ laa ii hemi ele anttom amunu, Nug he, nuhig engel laa uɗia he, laion ag oɗelag aahekkulagnu elele iitta daan, ag da laiɗkkulagnu elele iitta. Ag da guittak laa ii meɗappig,” awa aum.

Aposel 26:13

O king, da aam ameg tutukku bia, haen amuppa oiiyi, amahlak laa hab aabppanu na, da amu laala da ele gomut amu ig talilikka amahalikke anidmi. Amahlak amuam aamnu amahlak eɗittak.

Aposel 26:19

Aria King Agripa, Kayak da aɗi hekkulnu tuleglegppa ippuniɗom amu, da Nug oɗe tappai ii neum.

Aposel 7:48

Amge Kayak Attannab Laa Oh Eɗattak, Nug lag danab hetteb amuppa ii daatte. Amu propet laa nug nai amunu mattiom am inam.

Duteronomi 32:8

Laa Attannab Laa Oh Eɗattak, Nug wan anen anen danab mattom. Ao, Nug danab ah wan anen anen matte daappig. Nug amu haaha amu, Nug Israel ag wan elele daaglagnu laa dilag tom ag mattom. Ao, Nug Israel ag ebqak gane daaglagnu dabmaama, wan laa, ag aulag daakkunu, ahilagnu otiom.