Daniel 5:12 - Nobonob Baibel

¹² Danab amuam onig Daniel, amge king nug onig ataɗa, Beltesasar aum. Da danab amu, nuhignu ami, amubia nug dabmak pehettak ele, nug doyak ele, nug diignu doyak tutukku ele. Amge amuib iitta. Iitta. Nug laa tul niiom amu, nug tul niiak amunu meu mehuqkkunu elele. Nug nai meunabnu diig, nai meu uug elenu diig ele, nug nai amu oh diig mehuqeb, laa dookkunu elele. Amunu na Daniel onigppa eppe uɗiowa, nug nai eppeg laa yom umu, nug nai amunu meu mehuqeb dookkut,” awa aum.

Daniel 5:12 ပူးပေါင်းရင်းမြစ်များ

Sam 16:3

Amu Yawenu danab ah ag nuhignu oo metta ii uuak kobol dim lamidna ihinig wanppa daatteb, ag am danabnab, ahnab ele daatteb. Da ahilagnu enanagnab doottem.

Prowerb 12:26

Genab tutukku hak danab nug dabmak elelenab awa, laa ele layam batatte; amge nau hak danab ag mauhnoak henana, ag nauppa watteb.

Prowerb 17:27

Danab nug doyak ena ele nug nai kuɗum ii maditte; danab nug diignu doyak tutukku ele, nug oppoɗi paha ii bette.

Esekiel 28:3

Na nahip dabmakppa, na, “Doyak dabmak ena dahil am Danielnu eɗidtte; da keeke oh lokkumak daatte doottem,” anan oittem.

Daniel 1:17

Ag ee amuib laeg, Kayak Nug nid bau waɗele amu doyak ena ele matta, Nug ag kaya digdignu diignu doyak tutukku, am dabmak unuqagnu diignu doyak tutukku ele ag mattom. Nug amu matta, Nug he, Daniel nug tul niiak digdig, tulegleg digdig ele anattaknu diig doya, mehuqkkunu ehah ele mettom.

Daniel 1:7

Ag onilag Hibru naippa anam daatte amge Nebukatnesarnu ikki danab dilag okkai nug amu uua, nug ag Babilon onilag awa ataɗattom. Nug Daniel onig laa Beltesasar ataɗa, Hanania onig am Satrak ataɗa, Misael onig amu Mesak ataɗa, Asaria onig am Abetnego ataɗom.

Daniel 2:26

Ariok nug king amegppa anam a, king eɗua, Daniel, onig laa Beltesasar, nug nug oɗ mettom. “Na da aɗi tul niimi, tul amunu meu ele appe dookkulnu elelete?” awa oɗ mettom.

Daniel 4:19

King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Daniel 4:8

Ag elele iitta, dimppa Daniel nug gumiɗa uɗie, da tul niie, aɗi anidmi amu, da nug amegppa ai doyom. Nug onig laa am Beltesasar. Laa nug dahil kayak onig amu awa, oela qettom. Aria, kayak ouɗi am nuhigppa daatteb.

Daniel 5:14

Laa kayak ouɗilag nahip-ppa dayeye, na dabmak meu unuqagnu ele, na dabmak pehettak ele, na doyak dabmak ena okkainab ele a doomi.

Daniel 5:16

Ag elele iitta, amge na tul niiaknu meu mehuqkkutnu, na keeke uug elenu diig ele mehuqkkutnu elele aeg doottem. Amu na nai eppeg laa gililppa yom amu ebqena, nuhig meu ele appe dookkul dayeb amu, da lamen perpel metten, baagppan sen golppa hak ele metten, da heppi, na Babilon gabman ooppa okkainab, da, laippu laa ele, i waantippaib daakkut. Laa oh ag na waatppa daaglag,” awa aum.

Daniel 6:3

Ewam amu ag laa anam gumadna daaegeg, Yawenu Ouɗi Daniel ehanittette, ewam amu oolagppa Daniel nug enanagnab he, King Darius nug antta, nug Daniel nug ɗo maɗoɗ oh nug gumom ele ⌊king waappa⌋ gumadkkunu maittak awom.

Daniel 6:4

King nug anam maittak awe, danab okkainab aɗit laa, danab okkai 120 laa ele ag Daniel gumak uɗat nuhig haaha, eheɗ laa heeb anidna, king amegppa akkulagnu dabmeppig, amge ag meidna daaegeg, nug eheɗ laa ii heum amunu, ag nuhig eheɗ hak laa king amegppa akkulagnu laa iitta. Daniel nug nuhig uɗat elelenab haaha, kobol eheɗ laa nukka ehanidkkunu aɗi laa ii heum amunu, danab laa amu ag nuhigppa eheɗ laa anidkkulagnu elele iitta.

Kolosi 1:29

Diig amunu da dahil ɠagattag ohppa da uɗat amu hekkulnu heɗiag okkai hettem. Kristus Nug nukka da uɗat anam hekkulnu ɠagattag okkai nuhig da meɗa, Nug da tappaɗilele hettem.