Daniel 5:11 - Nobonob Baibel

¹¹ Nahip ɗo maɗoɗppa danab laa daatte, kayak ouɗi nuhigppa daatteb. Na mamen nug king dayeye, laa ag danab amu nug dabmak meu unuqagnu ele, nug dabmak pehettak ele, nug doyak dabmak ena ele amu, laa ag nug amubia daye anidppig. Nug kayak daatteb bia daye anidppig. Am Nebukatnesar, nug na mamen, nug king, nug danab amu nug am Babilon dilag baɗ mak danab, emaɗ danab, doyak danab, eman danab ele dilag okkai daakkunu tituana, nug aben amuppa meum.

Daniel 5:11 ပူးပေါင်းရင်းမြစ်များ

Genesis 41:38

Ag anam doon amu, Paro nug nuhikkud danab amelagppa aum. “Ig danab laa nug Kayak Ouɗi ele imubia ii anidmata. Laa ippa ii daatte,” awa aum.

2 Samuel 14:17

Amu da, nahip maɗi ah, da ele dabmemi. ‘Dahil naɗi, dahil king, nug Kayaknu engel bia, nug aɗi kobol am ena, aɗi kobol am nau amu, nug oo maittak awaknu ehah awom daatte amunu, nug heeb, da oolppa uug iitta, maɗoɗ ele daakkul,’ aakku dabmemi,” awa aum. Nug anam awowa amu, nug nai tuɗitta, Dawit amegppa aum. “Yawe, Nug nahip Kayak amu, Nug na ele daaglahnu ool daatte,” awa aum.

Esekiel 28:3

Na nahip dabmakppa, na, “Doyak dabmak ena dahil am Danielnu eɗidtte; da keeke oh lokkumak daatte doottem,” anan oittem.

Esekiel 28:4

Na ⌊genab keeke laalanu⌋ doyak dabmak ena ele, diignu doyak tutukku ele aɗan oittem. Anam amunu, amuppa na en okkai digdig laa ele nahipnu qagmeme. Ao, amuppa na gol, silwa ele huanak aon, nahip en maknu oo anen anenppa meme.

Daniel 1:4

Am Nebukatnesar nug Aspenas Israel laa tituanadkkunu ana, nug Israel ag am inam elenu aum. Ag nid danab bau. Ag beɗulagppa eheɗ laa iitta. Ag iɗulag tuqak ele. Ag nid danab sul hena, keeke digdignu doyak aoglagnu uug iitta ele. Ag sul nakok okkai aon malappig ele. Ag keekenu diignu doyak tutukku paha aɗaglagnu uug iitta ele. Dimppa ag king ehanidkkulagnu elele. Aria Aspenas nug anam tituanattowa, nug Babilon dilag nai, ahilag kaya yaak daatteb ele ippunadkkunu nug amegppa aum.

Daniel 2:11

O king, na ig hekkunignu attem am uug naunab ele, ig amu hekkunignu elele iitta. Danab laa nug king atte bia hekkunu iitta, kayak agib amu hekkulagnu elele, amge kayak ag danab oolagppa oinna ii daatteb,” aon appig.

Daniel 2:22

Nug keeke unuqagnab daatte, keeke lokkumak daatte, Nug keeke amu he, miag atitte. Nug aɗi keeke gatatuppa daatte am dootte. Nuhig dayak abenppa amu, appa ele amahlak Nug ele daattep.

Daniel 4:18

Da Daniel amegppa anam mattie, da tuɗitten, nug amegppa ami. Da, Nebukatnesar, da tul niien, keeke anam anadmi. Doyak danab laa ag dahil ɗo maɗoɗppa daatteb, ag tul niiak amunu meu appeg dookkulnu elele iitta amunu, O Beltesasar, na amunu meu appe doyei! Da doottem, kayak ouɗi nahip-ppa daatteb amunu, na elele,” awe ami.

Daniel 4:5

Da anam dayeye, deɗ laa da tul niie, da baɗami. Da niiak abenppa tul niien, tulegleg anidmi amu, tuleglegppa keeke digdig anadmi ag heeg, da eheɗ nau baɗami.

Daniel 4:6

Da eheɗ nau baɗami amunu, da laa ag Babilon dilag doyak danab oh ag da gumiɗna uɗin, tul amunu meu appeg dookkulnu onilagppa eppeg uɗiglagnu haknunab nai ag mattami.

Daniel 5:14

Laa kayak ouɗilag nahip-ppa dayeye, na dabmak meu unuqagnu ele, na dabmak pehettak ele, na doyak dabmak ena okkainab ele a doomi.

Daniel 5:7

King nug beɗu anam he, king nug emaɗ danab, doyak danab, eman danab ele ag uɗiglagnu onilagppa baag okkaippa e doeg, king nug aum. “Aun nug nai eppeg laa ba yom umu ebqa, nuhig meu ele ab dookkul amu, da lamen perpel ele metten, baagppan sen golppa hak ele metten, da heppi, nug Babilon gabman ooppa okkainab, da, laippu laa ele, nug i waantippaib daakku. Laa oh ag nug waappa daaglag,” awa aum.

Aposel 12:22

Nug nai mattie, danab ah ag amu doona inam aon eppig. “Nai mattiom umu am kayak laa baag. Danab baag iitta,” aon appig.

Aposel 14:11

Pol nug anam heum amu appan danab anidppig ele, ag Likonia nailagppa inam qalan appig. “Kayak aɗit aakku danab bia wanppa neya uɗiya, ihinigppa bepiɗ,” aon appig.

Aposel 16:16

Deɗ laa ig unuqittak abenppa ukkautut, begbeg maɗi nid ahin laa, nug ooppa ouɗi nau ele, nug ibppa uɗanig teum. Ouɗi nau amu nug he, nid ahin amu nug butti aɗi keeke aɗi bekkunu amu miag atiom amunu, nid ahin amu, nuhig gumak danab ag men doɗo kuɗumnab aodppig.

Revelesen 3:9

Iikkud antte! Da heppi laa ag, ‘Ig am Juda,’ aon atteb, amge ag am Juda tutukku iitta, ag am Satannu daupib, ag geha na noomppa dup nokkulag, da nahipnu ool mauhtte ele dooglag.