Daniel 4:9 - Nobonob Baibel

⁹ Daniel nug da gumiɗa uɗie, da nug amegppa ami. “Beltesasar, na doyak danab oh ikki amu, kayak ouɗi nahip-ppa daatteb am da doottem. Aɗi keeke lokkumak daatte, o lokkumaknab daatte, o lokkumak attemnab daatte amu, na keeke amu heppe, miag atiak daakkunu elele. Da tul niien, keeke uug ele anidmi amunu, da tul niiak amu appi doon, na amunu meu appe doyei!

Daniel 4:9 ပူးပေါင်းရင်းမြစ်များ

Genesis 41:38

Ag anam doon amu, Paro nug nuhikkud danab amelagppa aum. “Ig danab laa nug Kayak Ouɗi ele imubia ii anidmata. Laa ippa ii daatte,” awa aum.

Aisaia 33:18

Na anidnana, na tatam ootppa baɗak eheɗ nau dayom amu, na baɗak amunu dabmenana, na ootppa inam akkut. “Danab okkai ag heeg, ig men doɗo takisnu gane ewaknu doomut amu, ag adeppa daatteb? Ao, laa ag heeg, ig men doɗo okkai takisnu ag eppelagppa memut amu, ag adeppa daatteb? Ge, laa ag men doɗo ig mattamut aon, lakka ebqeppig ele amu, ag adeppa daatteb? ⌊Yawe he, gemu ag oh iitta meppig; ag ii daatteb⌋,” aon akkut.

Aisaia 54:14

Ag genab tutukku hak kobol dim lamidnana, tutukku, ɠagattag anamib daaglag. Yawe Nug heeb, keeke laa ag baɗaglagnu ii daama amunu, eheɗ hak laa eppelagppanu amu, eheɗ hak amu ahilagppa bekkunu aib dabmeppig. Ao, Yawe Nug heeb, baɗak nau ag gukkuattak ii daama amunu, ag baɗak naunab ahilagppa bekkunu aib dabmeppig!

Esekiel 17:23

Ge, da geha ad sida eppeg, Israelnu qauko attan appa ebakkul. Da anam eppen malappi, ad amu eppeg benana, meulkad ele okkulag. Am ad enanag daakku. Ai iɗu iɗunu ag ad amu attan teɗ maadkkulag. Ao, ag ebekkud oolagppa appa ena, elele daaglag.

Esekiel 28:3

Na nahip dabmakppa, na, “Doyak dabmak ena dahil am Danielnu eɗidtte; da keeke oh lokkumak daatte doottem,” anan oittem.

Daniel 1:20

Ag kingnu ikki danab daaeg, king nug aɗi doyak dabmak ena elenu keeke, o diignu doyak tutukkunu keeke, nug amunu oɗ mattom amu, ahilag oɗmak nob amunu am ena, elelenab. Wan amuppan baɗ mak danab digdig, ag ele oɗmak amunu nob king medappig, amge ahilag nob, amunu meu am huppu nakokib awom. Daniel laikkud ele dilag nob am meu okkainab king ippunittom. Kingnu ɗo maɗoɗ ohppan danab amu, ag oh anamib.

Daniel 2:47

Nebukatnesar nug anam ha mala, nug Daniel amegppa aum. “Genabnab genab, nahip Kayak Nug kayak laa oh eɗattak daatte; Nug king laa oh dilag okkai daatte; Nug dimppa aɗi bekkunu daatte danab ippunadtte. Aɗinu ⌊ig amu doognignu elele⌋? Nug he, keeke lokkumak dayom imu amu, na he, miag atiom,” awa aum.

Daniel 2:48

Nebukatnesar nug anam awowa, nug he, Daniel nug danab okkainab abenabppa te, king nug keeke ena ena kuɗum Daniel mettom. Nug he, Danab okkainab abenabppa teum amu, aben amuam nug prowins onig Babilon, nug prowins amunu danab ah dilag okkai daya gumattatta, nug Babilon wannu danab doyak ele oh ele gumattom.

Daniel 4:18

Da Daniel amegppa anam mattie, da tuɗitten, nug amegppa ami. Da, Nebukatnesar, da tul niien, keeke anam anadmi. Doyak danab laa ag dahil ɗo maɗoɗppa daatteb, ag tul niiak amunu meu appeg dookkulnu elele iitta amunu, O Beltesasar, na amunu meu appe doyei! Da doottem, kayak ouɗi nahip-ppa daatteb amunu, na elele,” awe ami.

Daniel 4:5

Da anam dayeye, deɗ laa da tul niie, da baɗami. Da niiak abenppa tul niien, tulegleg anidmi amu, tuleglegppa keeke digdig anadmi ag heeg, da eheɗ nau baɗami.

Daniel 4:8

Ag elele iitta, dimppa Daniel nug gumiɗa uɗie, da tul niie, aɗi anidmi amu, da nug amegppa ai doyom. Nug onig laa am Beltesasar. Laa nug dahil kayak onig amu awa, oela qettom. Aria, kayak ouɗi am nuhigppa daatteb.

Daniel 5:11

Nahip ɗo maɗoɗppa danab laa daatte, kayak ouɗi nuhigppa daatteb. Na mamen nug king dayeye, laa ag danab amu nug dabmak meu unuqagnu ele, nug dabmak pehettak ele, nug doyak dabmak ena ele amu, laa ag nug amubia daye anidppig. Nug kayak daatteb bia daye anidppig. Am Nebukatnesar, nug na mamen, nug king, nug danab amu nug am Babilon dilag baɗ mak danab, emaɗ danab, doyak danab, eman danab ele dilag okkai daakkunu tituana, nug aben amuppa meum.

1 Samuel 4:8

Gadonnab gadon! Uug nau aakku tonikkom daatte. Kayak uɗippig ele amu, ag am kayak ɠagattag ele. Ag heeg, uug naunab kuɗum Isip danab ah ele aqe ukke, atu taɗakppa gogppa te, ag nauhna autna aoppig. Aun nug kayak amu eppelagppanu awigkku? Laa iitta!” aon appig.