Daniel 4:5 - Nobonob Baibel

⁵ Da anam dayeye, deɗ laa da tul niie, da baɗami. Da niiak abenppa tul niien, tulegleg anidmi amu, tuleglegppa keeke digdig anadmi ag heeg, da eheɗ nau baɗami.

Daniel 4:5 ပူးပေါင်းရင်းမြစ်များ

Genesis 41:1

Grep titia mettak danab nug daug atie ukke, maɗ aɗit dimppa amu, Paro nug tul niiom. Tulppa nug le Nil daugppa dayeye,

Daniel 1:7

Ag onilag Hibru naippa anam daatte amge Nebukatnesarnu ikki danab dilag okkai nug amu uua, nug ag Babilon onilag awa ataɗattom. Nug Daniel onig laa Beltesasar ataɗa, Hanania onig am Satrak ataɗa, Misael onig amu Mesak ataɗa, Asaria onig am Abetnego ataɗom.

Daniel 2:1

Aria Nebukatnesar king abenab awe, maɗ laippu uue, maɗ aɗit ooppa Nebukatnesar nug tul niiom. Nug tul niia, aha, dabmak huanaknab awa, eɗua niikkunu elele iitta.

Daniel 2:3

Ag anam nug noobppa daaegeg, nug ag amelagppa aum. “Da tul niimi amunu, da dabmak huanak aottem. Ag tul niiak amunu meu appeg dookkulnu hettem,” awa aum.

Daniel 4:10

Da niieye tul niien, tuleglegppa keeke digdig anadmi am iikku. Da tul niie, da neekki ukke, da noolppa wan gamagppa ad laa anidmi. Ad amuam elabnab.

Daniel 4:13

Da abenppa niieye, tuleglegppa keeke digdig anidmi, amu andette, da neekki ukke, da noolppa nai awa ukkak danab laa, nug Kayaknu oppiaawak ele, nug hab attannu neum anidmi.

Daniel 4:15

Ag ad amu oppeg qiikku, amge ad diig, diɗi ele uuppeg, ag anam wanppa gikkiɗah ooppa dayeg! Ag ⌊ad diig amu ɠagattag daakkunu,⌋ ag aen, bras ele aon, anen anenppa ring hena heppeg, ad diig talilippeg, ag qakkeg! ⌊Ad diig amuam danab laa ippunadtte.⌋ Aria, nug anam dayebeb, baito habppanu naana qeebeb, nug doɗ oolagppa, atuppa dayaɗ!

Daniel 4:19

King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Daniel 5:10

Ag anam daaegeg, kuin kaino nug king, nuhikkud danab okkai ele ag nai mattiegeg doya, nug ag ee lappigppa uɗia, king amegppa aum. “O king, na hanhan bau daakkutnu ool daatte. Na aib doon ottainna baɗame! Na iɗun ele aib hakkab eppom!

Daniel 5:11

Nahip ɗo maɗoɗppa danab laa daatte, kayak ouɗi nuhigppa daatteb. Na mamen nug king dayeye, laa ag danab amu nug dabmak meu unuqagnu ele, nug dabmak pehettak ele, nug doyak dabmak ena ele amu, laa ag nug amubia daye anidppig. Nug kayak daatteb bia daye anidppig. Am Nebukatnesar, nug na mamen, nug king, nug danab amu nug am Babilon dilag baɗ mak danab, emaɗ danab, doyak danab, eman danab ele dilag okkai daakkunu tituana, nug aben amuppa meum.

Daniel 7:1

⌊Amge amu oh ii nak haenppa,⌋ Babilon dilag king Belsasar nug king abenab awa, maɗ laa ii ukkom, nuhig king dayaknu maɗ tatamnu amu, Daniel nug tul niiom. Nug niiak abenppa niiaya, tul niia, tuleglegppa keeke digdig anttom. Nug tul anam niia, aɗi aɗi anttom amu, nug amunu nai ikki ikki am yom.

Daniel 7:28

Da Daniel, da anam aakku antten doomi, amu da dabmak huanak aomi. Da iɗul am hakkab eppom, amge da laa amegppa amunu laa ii mattimi.