Daniel 4:4 - Nobonob Baibel

⁴ Da, Nebukatnesar, da dahil lag enanagnabppa dayeye, oolppa maɗoɗ doyeye, keeke elelenab ele daami.

Daniel 4:4 ပူးပေါင်းရင်းမြစ်များ

Aisaia 56:12

Ag akka akka nug amegppa mattin atteb. “Ahappeg! Ig gota, wain aotu! Ao, ig gota, bia aot lapput ukkeb, oonig didikku. Ig amu hetata oipput, butti am ele deɗ ena, gemu bia daakku, amge gemu bianab ii daama. Iitta! Buttinu oo gamag ahak am gemunu eɗidkku,” aon atteb.

Jeremaia 48:11

Yawe Nug inam atte. “Moap huu ag digmena, wan ahilagppa ena, hamuib daaegeg uɗie, gemu ele ag anam daatteb. Danab wain hette ele nug botolppa ina, balalppa me, uɗalak keeke iitta hamu daatte, amubia Moap huu ag daappig, gemu ele daatteb. Kekeɗ ag uɗin eɗadna diieg, wan laappa diia ukka laih me dayak danab ah ii daappig. Anam amunu, danab nug wain botolppa ina me, hamu uɗalak ele iitta dayaya, lanak baag dayom, anamib daatte amu, amubia Moap ag anam daappig, gemu ele aakku daatteb.

Esekiel 28:17

Na beɗun ohppa keeke anttaknu eheɗ laa ii dayom amunu, na nakka, nahipnu enanag doome; na dada danab bena daame. Ao, na binan nahip okkainab ele dabmena, na doyak dabmak ena ele nahip hee, kaliak dayom. Na anam heme amunu, da buɗitti, wanppa nome. Ao, da hei, na king laa noolagppa keeke hamu bia daye, ag na aon aon nidappig.

Esekiel 29:3

na nug amegppa, ‘Naɗi Yawe, Nug inam atte,’ awona, na nai imu ele appe doyaɗ! ‘Paro, Isip dilag king, da nahip hak amunu eheɗ doyeye ool ii medattem. Na wagai naɗi Nil lenu lenagppa daatte bia daattem. Na, “Nil Le am dahil, da le dahil daakkunu bappaidmi,” aon attem.

Daniel 2:11

O king, na ig hekkunignu attem am uug naunab ele, ig amu hekkunignu elele iitta. Danab laa nug king atte bia hekkunu iitta, kayak agib amu hekkulagnu elele, amge kayak ag danab oolagppa oinna ii daatteb,” aon appig.

Daniel 4:19

King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Daniel 5:8

Kingnu doyak danab amu oh ag king dayomppa doppig, amge ag oolagppan laa nug nai amu ebqa, nuhig meu ele ab, king dookkunu laa elele iitta.

Sepanaia 1:12

Amu da haen amuppa da, Yawe, da lam aɗe ugekke, da Jerusalem aab ooppa, aben ohppa neegppi gokku. Ao, da amu hein, da laa ag hipunin henan daan, amu haknu enaib dootteb bu madakkul. Ag ahilag haknu uug laa ii dootteb. Ao, ag, ‘Yawe Nug aɗi keeke laa ii hema. Ge, Nug keeke ena, o keeke nau nakok laa ii hema,’ anan oitteb.