Daniel 4:35 - Nobonob Baibel

³⁵ Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Daniel 4:35 ပူးပေါင်းရင်းမြစ်များ

Job 23:13

Da anam hettem, amge Kayak Nug dahilnu aɗi hekkunu dabmeum ele amu, Nug hette. Aun Nug heeb, Nug dabmak eɗukku? Laal iitta! Kayak Nug aɗi hekkunu oo hette amu, Nug aakku hette.

Job 34:29

Kayak Nug manin haen daakkunu akku dayeb amu, laa nug manin amu heeb nauhkkunu elele iitta. Ao, Kayak Nug laa Nug anidmanu iɗu hautkku dayeb amu, laa nug neekkeb ukkeb anidkkunu elele iitta. Ge, Kayak Nug laa, nug Kayaknu, nuhig haknu ele uuak dootte, danab amu nug danab ah dilag gumak danab daamanu, danab amu nug danab ah dilag eheɗ hattamanu, Kayak nug wanppan wan anen anen, danab anen anen ele dilag okkai dayakib daatte.

Job 40:2

“Laa nug da, Da Dakka Ɠagattag Oh Ele, nug da ele nai auɗ ona auɗ dotte ele amu, nug da daul ele batakkute? Ge, laa nug da, Kayak, nug da naippa yaaiɗtte amu, nug da mattiminu nob aakku da meɗaɗ!” awa aum.

Job 42:2

“Da doottem, na keeke oh hekkutnu elele. Na keeke laa hekkutnu maittak aome dayeb amu, laa nug heeb, na ii hemananu elele iitta.

Job 9:4

Kayak Nug keeke oh dootte, doyak dabmak ena nuhig am bodok iitta. Nuhig ɠagattag ele okkai, naɗi ele. Laa nug wagai ma, Kayak eɗidkkunu haaha eɗidkkute? Iittanab iitta!

Sam 135:6

Yawe Nug habppa, wanppa, yuppa, amu yu unuqagppa ele aɗi hekkunu dabmette amu, Nug hette.

Sam 33:14

Yo, Yawe Nug nuhig sia kingppanu neekke ne, danab ah oh wanppa daatteb anadtte.

Sam 39:5

Na he, dahil bau dayak haen am tutunab daatte. Nahip neekkakppa, da wanppa bau daattem, bau dayak amunu digma ukka, gogppa tak am keeke ii ba ukkom bia daatte. Ao, danab ah dilag bau dayak haen am tutunab; amuam danab laa nug hik tutuib haen laippuib awom bia daatte.” Sila.

Sam 49:1

Danab ah oh ag imu doyeg! Ao, wanppan danab ah oh ag daulag human doyeg!

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Eklisiastis 8:4

King nug aɗi ab, nuhikkud danab ah ag aakku hekkulagoitte. Laa nug king amegppa, “Na aɗin hettem,?” akkun elele iitta.

Aisaia 19:17

Ag geha baɗan ottaina, ag Juda dilag ele geha eheɗ nau baɗaglag. ⌊Genabnab genab!⌋ Isip ag Yawe Nukka Ɠagattag Oh Ele, ⌊ag Nug Juda dilag Kayak daatte doon, ag⌋ Nug ag ahilagnu aɗi hekkunu maittak awom daatte dooglag amunu, haen danab laa nug Isip danab laa amegppa, “Juda,” ab amu, Isip danab amu nug geha eheɗ naunab baɗakku.

Aisaia 26:9

Tuqanppa, dabmak dahil oh nahip-ppa dayeye, da na ele daagnihnu ool huan daatte? Wagɗeb buttua amu, da ouɗil na ele oh daagnihnu oo huana hette. Aɗinu? Haen na nai doya mala hettoɗia epeɗia elele mettak kobol dim lamidna, wan danab ah oh toliadna gumadttem amu, haen amuppa wanppan danab ah ag genab tutukku hak kobolnu dabmak aotteb.

Aisaia 43:13

Ge, keeke laa oh ii dayom haenppa, da Kayak daami. Aɗi da eppelppa daatte amu, aun laa nug amu aɗila aokkute? Da aɗi keeke hettem ele amu, aun laa nug heeb, keeke da hemi ele am eɗua, tatam dayom bia daakkute?” Yawe Nug anam atte.

Daniel 6:27

Nug danab ehanatte, ag qagaiettakppa ii daatteb. Nug ehanatte, ag padal ii metteb, Nug habppa, wanppa ele uɗat naɗi, Nug heumnu at daatte amu uɗat ɠagattagnab ele hette. Nug Daniel ehanitte, qagaiettakkppa ii dayeye, laion ag nuhignu eheɗ laa ii heppig,” awa yom.

Jona 1:14

Ag eeɗkkulagnu elele iitta anidppig amunu, ag Yawe unuqidna appig. “O Yawe, na nakka, na oot daye, na he, yu imu aakku eheɗ ahom amunu, O Yawe, ig na unuqidttem. Ig danab imu buɗipput, yuppa noa mauheb amu, na amunu nob mena, ii iqamnanu oɗ medattem. Yo, na danab laa nug danab laa eheɗ laa ii heum ele, nug nug qe mauhtte, na nug nob medattem, na amubia ihinignu ii hemananu oɗ medattem,” aon unuqidppig.

Aposel 11:17

Amu anukka tatam ig Naɗi Jesus Kristusnu oonigppa genab doomut amu, Kayak Nug nuhig Ouɗi ig mekkom, anamib gemu ag ele Kayak Nug ag mattom. Kayak hette amunu, da nuhig ib oo ii nepa.” Pita anam awa aum.

Aposel 4:28

Ag anam hekkulagnu qagmena anam heppig amu, Kayak na nahip ɠagattagppa, nahip doyak dabmak ena eleppa keeke oh anam bekkunu anukka ib amunu ame amu, ag amuib heppig.

Aposel 5:39

Amge genab Kayak Nug keeke amu he bette amu, ag Nug ippu oo nekkulagnu am elele iitta. Ag anam hena amu, ag aakku Kayak ele ban hekkulag,” awa aum.

Aposel 9:5

Anam awa a, Saul nug aum. “Naɗi na am aun?” awa oɗ mettom. Oɗ mette amu Naɗi Nug eɗua aum. “Da am Jesus; na da eheɗ heiɗttem.

1 Korint 10:22

Ig anam hepput, Naɗi Kristus Nug ihinignu, dahilppa anam daalon dabmak aɗa daakkunu dabmettemte? Ig nuhig ɠagattag eɗidkkunignu elelete?

1 Korint 2:16

Kayak naippa, nai laa amunu inam daatte. “Aun laa nug Naɗi ulum nai medakkunu elele daakkunu nug Naɗinu dabmak oh anttom? Laa iitta!” Amge Kristusnu dabmak ihinigppa daatte ⌊amunu, laa nug Kayak Ouɗi iitta ele, nug epeɗigkkunu elele iitta⌋.

Epesus 1:11

Ig Kristusnu uɗat okkaippa Kayak bekkod daattem. Kayak Nug keeke oh attem bekkunu dabmette amu, anamib bette amunu, Nug ig nuhikkudnab daagnignu dabmaama meikkom daatta, ig Nug bekkod daattem.

Josua 2:2

⌊Amge danab laa doyata,⌋ Jerikonu king amegppa aum. “Antte! Israel danab aɗit laa tueb imu ippa uɗipiɗ. Aa ihinig wan lokkumakppa italakkulahnu uɗipiɗ,” awa aum.

1 Samuel 3:18

Eli nug anam aum amunu, Samuel nug keeke amu ohnab mattie doyom. Nug nai huppu nakok laa ii lokkumom. Nug amu mattie, Eli nug doya, nug aum. “Nug am Yawe. Aɗi kobol Nug noobppa am ena amu, nug anamib haɗ!” awa aum.