Daniel 4:21 - Nobonob Baibel

²¹ Ad amu uɗukkud am enanag, meu ele am huanak oum. Doɗ, am danab ah ele ag nuhig meu aon lappig. Doɗ wanppa oitteb, ag ad amu waappa ena daaegeg, ai hagagaɗna oitteb ele, ag ad ebekkudppa teɗ mena daappig.

Daniel 4:21 ပူးပေါင်းရင်းမြစ်များ

Sam 104:17

Ai ag appa teɗualag hetteb. Ai stok amu, ag ag laulkad ad pain attan hetteb.

Esekiel 17:23

Ge, da geha ad sida eppeg, Israelnu qauko attan appa ebakkul. Da anam eppen malappi, ad amu eppeg benana, meulkad ele okkulag. Am ad enanag daakku. Ai iɗu iɗunu ag ad amu attan teɗ maadkkulag. Ao, ag ebekkud oolagppa appa ena, elele daaglag.

Esekiel 31:6

Ai hab waappa hagagaɗna oitteb oh ag gona, eppeg ohppa teɗ meppig. Ge, wanppan doɗ dakkuɗ oh ag ele gona, ad amu waappa ag teɗulag mena, nalkad menuadppig. Wanppan huu okkainab, ɠagattag ele, ag oh ad naɗi amu logoppa aakku daappig.

Daniel 2:38

Nug danab, ah, doɗ wanppa oitteb, ai hab waappa hagagaɗna oitteb ele na eppenppa meum. Danab, doɗ, ai ele ag adeppa adeppa daatteb amu, Kayak Nug he, na ahilag okkai daattem. Dottog ikki golppa hak am na ippunigtte.

Daniel 4:11

Ad anam daye ukke, okkai maama, ɠagattag ele ma teete, ikki ta, hab aɗom. Wanppan danab ah oh, ag wan atu adeppa adeppa daatteb amu, ag anidkkulagnu elele.

Daniel 4:20

Na tul niin, na ad laa, ad amuam okkai, ɠagattag ele ba, ikki am hab aɗe, wan atu ohppan danab ah ag ad amu anidkkulagnu elele daappig anidme.

Daniel 4:22

O king, na amu anidme amu, ad okkai ena amu, am naib ippunigtte. Na king bena, onin okkai ba male, na ɠagattag ele daattem. Na onin okkainab meeme ukke, gemu ad ba hab aɗe, danab ah oh anidkkulagnu elele daappig bia, wan atu ohppanu danab ah ag nahipnu dootteb. Nahip gumak am ukke ukke, wan umanab daattebppa batatte.

Luk 13:19

Nug am ad mastet aeg bette amubia. Danab laa nug ad mastet aeg amu awa, dad nuhigppa eppe, dimppa nug ba, okkai mewowa ad daatte, ai ag uɗin eppegppa daatteb,” awa aum.