Daniel 4:19 - Nobonob Baibel

¹⁹ King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Daniel 4:19 ပူးပေါင်းရင်းမြစ်များ

Genesis 31:35

Amunu Rahel nug mameg amegppa aum. “Mama, da gemu ah dilag oɗe ele, diig amunu da ahakkulnu elele iitta amunu, na oot aib nauhom,” awa aum. A amu, Laban nug aben oh neekka oiyom, amge nuhikkud kayak hambuppuak dottolkad amu ii anattom.

Genesis 32:18

Nug anam ab amu, na inam appe dookku. ‘Doɗ imu oh amu maɗi nid nahip Jakopnu. Nug nuhig danab okkai Esau, hamu mettak nuhig daakkunu me uɗieye, nug dim uɗitte,’ aon akkut,” awa danab amu amegppa aum.

Genesis 40:12

Nug anam a amu, Josep nug aum. “Tul niiak amunu diig am inam. Muɗi grep eppeg ewam am deɗ ewam ippunidtte.

1 King 18:7

Aria, Obadaia ugekke, ibppa nug Elaiya ele nug uɗa tepiɗ. Obadaia nug Elaiya doyom amunu, nug gateg qaun o, gomela, iɗu wanppa ma, nug inam awa oɗ mettom. “Na genabte dahil danab naɗi Elaiyate?” awa oɗ mettom.

Eksodas 32:32

amge gemu da na, na ahilag hipunin amu uhuqna madakkutnu oɗ medattem. Da na anam oɗ medattem, amge na ahilag hipunin amu ii uhuqkkut dayeb amu, na danab ah nahipad onilag yaame, buk amuppa da onil daatte amu, na da onil amu obikkutnu oɗ medattem,” awa aum.

Jeremaia 29:7

Da hei, ag Babilon appa diia ukka laih me dayak danab ah daatteb, amu ag appa aab okkai attenppa daatteb amu, ag aab amu maɗoɗ, keeke kuɗum ele daakkunu uɗat heig! Ag da, Yawe, ag da aab amu ehanidppi, ena daakkunu unuqiɗeg! Aɗinu? Aab amu ena, elele daakku dayeb, ag ele ena, elele daaglag,” awa atte.

Jeremaia 4:19

O gadon, da, ⌊Jeremaia, da⌋ guittak naunab nau doottem. Da danab guittak nau doya, beɗu itoɗia hette, guittak amubia da doottem. Da oolppa guittak nau anam doottem. Gamalppa uttu taub dahil huanaknab qutu qutu edatte. Da oɗel qamutak daakkulnu elele iitta. Aɗinu? Da ban bekkun daatte, da amunu trampet iwalak aakku doyen malami. Ao, da ban hettebnu ewak aakku doomi.

Daniel 1:7

Ag onilag Hibru naippa anam daatte amge Nebukatnesarnu ikki danab dilag okkai nug amu uua, nug ag Babilon onilag awa ataɗattom. Nug Daniel onig laa Beltesasar ataɗa, Hanania onig am Satrak ataɗa, Misael onig amu Mesak ataɗa, Asaria onig am Abetnego ataɗom.

Daniel 2:26

Ariok nug king amegppa anam a, king eɗua, Daniel, onig laa Beltesasar, nug nug oɗ mettom. “Na da aɗi tul niimi, tul amunu meu ele appe dookkulnu elelete?” awa oɗ mettom.

Daniel 2:37

O king, na am wanppan king laa oh eɗattak daattem. Kayak, hab attan daatte, Nug na king daakkutnu tituanitta, Nug ɠagattag, ebehi okkai, binag amahlak oppiaawak ele na metta,

Daniel 4:24

O king, tul niime amu, nuhig meu am iikku, amu Kayak Attannab Laa Oh Eɗattak, Nug uug laa dahil naɗi, nuhigppa bekkunu ɗo meum amu, am iikku.

Daniel 5:12

Danab amuam onig Daniel, amge king nug onig ataɗa, Beltesasar aum. Da danab amu, nuhignu ami, amubia nug dabmak pehettak ele, nug doyak ele, nug diignu doyak tutukku ele. Amge amuib iitta. Iitta. Nug laa tul niiom amu, nug tul niiak amunu meu mehuqkkunu elele. Nug nai meunabnu diig, nai meu uug elenu diig ele, nug nai amu oh diig mehuqeb, laa dookkunu elele. Amunu na Daniel onigppa eppe uɗiowa, nug nai eppeg laa yom umu, nug nai amunu meu mehuqeb dookkut,” awa aum.

Daniel 5:18

O king, Kayak Attannab Laa Oh Eɗadtte amu, Nug na mamen Nebukatnesar king abenab metta, ɠagattag, binag amahlak oppiaawak ele, aria ɠagattag okkai naɗi ele nug mettom.

Daniel 5:19

Kayak Nug king abenab attannab nug mettom amunu, wan atu ohppan danab ah, nai ohppan danab ah ele ag na mamen baɗidna, hahaɗppig. King nug laa mauhkkulagnu oo heum amu, nug he mauhppig. Laa nug ag bau daaglagnu oo heum amu, nug he, ag bau daappig. Laa nug ag okkai daaglagnu oo heum amu, nug he, ag okkai daappig. Laa ag onilag iitta daaglagnu oo heum amu, nug he, ag onilag iitta daappig.

Daniel 7:15

Da, Daniel, da anam tuleglegppa keeke digdig anadmi, da amunu da oolppa uug nau doyen, da amunu dabmak huanaknab ele aomi.

Daniel 7:28

Da Daniel, da anam aakku antten doomi, amu da dabmak huanak aomi. Da iɗul am hakkab eppom, amge da laa amegppa amunu laa ii mattimi.

Daniel 8:27

Da, Daniel, da amu antten malen, da beɗul gai-iitta me, da deɗ nakok kuɗum oɗe mein daami. Da oɗe mein daai ukke, eɗue ahen, kingnu uɗat tuɗitten hemi. Da tulegleg anidmi amu, da amunu dabmak huananab aomi. Laa nug tulegleg amunu diignu doyak tutukku aɗakkunu elele iitta.

Habakuk 3:10

Ao, na wanppa nee, qauko ag uɗalppig. Le ui eheɗ oum. Yo, yu huana koɗkoɗ qe, oqotti okkai oum.

1 Samuel 1:15

Eli nug anam a amu, Hana nug nob ma aum. “O naɗi dahil, amuam genab iitta. Da le ɠagattag laa ii lami; da uug naunab doottem, amunu da Yawe unuqitte aute aottem.

1 Samuel 24:8

Saul nug wan oɗe ooppanu ba ukke, Dawit ele wan oɗe ooppanu dimittim ba, Saul dookkunu inam eum. “O Naɗi dahil, na king!” Nug anam e, Saul nug eɗua neekka, Dawit antte, Dawit nug gateg qaun o, gomela, iɗu wanppa meum.

1 Samuel 26:15

Apner nug nob ma, anam a, Dawit nug aum. “Na Saulnu ban daup ikki anuqak iittate? Na am Israel oolagppanu danab laa oh iite eɗadttem? Na anam aakku daattem dayeb, am aɗinu na king, nug am nahip okkai amu, aɗinu na nug ii dabmettame? Aɗinu? Gemu geha iikkunab danab laa haen tutu dayaknu aab kalak na daattemppa nug king nahip qeeb mauhkkunu uɗiom; king nug am nahip okkai.

1 Samuel 3:17

Samuel nug anam a amu, Eli nug oɗ mettom. “Kayak Nug na amenppa aɗi aum? Na nai amu aib lokkumme. Na nai amu nakok laa lokkumkkut dayeb amu, Kayak Nug bu okkainab medakkunu ool daatte,” awa aum.