Daniel 4:14 - Nobonob Baibel

¹⁴ Laa amu nug baag okkaippa ewa aum. ‘Ag uɗin, ad imu oppeg qiiaɗ! Ebekkud oh otaɗadna, uɗukkud matagna akkan, meu ele agappeg, laih laih ukkeg! Doɗ ad amu waappanu oolna goppeg, ebekkudppanu, ai ele ag ukkeg!

Daniel 4:14 ပူးပေါင်းရင်းမြစ်များ

Job 24:20

Ag mauhegeg, ag anilkad ahilagnu daulag atitte. Gawat ag beɗulag moɗppa heeg nauhtte. Danab laa ag hipunin danab dilagnu haen elab ele ii dabmetteb; ag paha ahilagnu daulag atitte. Ao, hipunin danab ag ad qiia na qette, ahilagppa amubia bette.

Jeremaia 27:5

Da Yawe, da ɠagattag okkai ele, amu da ɠagattag amuppa da wan imu, danab ah wanppa daatteb, doɗ wanppa daatteb ele oh hattami. Da amu oh hattami amunu, da aun nug keeke amunu okkai daakkunu ool hette amu, da keeke amu oh nug eppegppa mettem.

Jeremaia 51:6

Ag wan laappan danab Babilon daatteb ag, ag Babilon uun ooleg! Ag mauhmananu ag Babilon uun, oolna laih ukkeg! Babilon hipunin heppig, diig amunu ag nauhkkulag. Ag nauhkkulag amunu, ag laa ag appa daappeg, Babilon ag ahilag hipuninnu nob amu aoppeg, ag laa ag ele Babilon beɗulagppa ag nob amu aon nauhmananu, ag appa aib daappig. Babilon danab ah ag hipunin heegeg uɗie, gemu ele heegeg, Yawe Nug eheɗ hak amunu nob tutukku madakkunu haen uɗiom daatte amunu, kekeɗ ag heppeg, Babilon nauhkku.

Jeremaia 51:9

⌊Amu danab laa ag akkulag.⌋ “Ig hepput, Babilon ena daalo, amge elele iitta. Nug eɗua ena daakkunu ib laa iitta. Babilonnu bu awak am okkainab. Ge, bu amuam okkai naɗi amunu, ig Babilon uuta, ig eɗut anen anen ig wanenigppa gota daatu!” aon akkulag.

Esekiel 31:10

Anam amunu, Naɗi Yawe Nug inam atte. “Ad amuam elabnab ta, ad laa oh eɗatta ta, dada ha, ‘Da laa oh eɗadttem,’ dabmeum,

Daniel 2:21

Kayak Nug wanppa aɗi keeke bekkulag, aria haen adekkuppa bekkulag ele gumatte. Nug he, danab laa king abenabppa tette. Nug he, danab amu king abenabppa ii daatte. Nug he, danab doyak dabmak ena ele nug doyak dabmak ena amu tuɗid ele aotte. Nug he, danab diignu doyak tutukku ele, nug diignu doyak tutukku tuɗid ele daatte.

Daniel 3:4

Ag anam daaegeg, nai ab dooglagnu danab laa aha, baag okkaippa inam a dooppig. “O danab ah, ag huu anen anennu, ag wanppan wan anen anennu, ag nai ohppanu, ag uɗin daatteb ele amu, king nug ag aɗi hekkulagnunab aum amu ag doyeg!

Daniel 4:12

Ad amu uɗukkud am enanag. Meu ele huanak; danab ah ohnab lakkulagnu elele. Doɗ wanppa oitteb ele ag ad amu waappa, nuhig logoppa ena daappig. Ai hagagaɗna oitteb ele, ag ebekkudppa teɗ mena daappig. Wanppan doɗ oh, danab ah oh ele ag ad amuppanu ee aon lappig.

Daniel 4:23

O king, na nai awa ukkak laa, nug Kayaknu oppiaawak ele, na nug hab attannu na, nai mattiom tulppa anidme. Laa amu nug aum. ‘Ag ad amu oppeg qiieb, heppeg nauhaɗ! Ag amu hekkulag, amge ag ad diig am uuppeg, wanppa, gikkiɗah ooppa dayebeb, ag ⌊ad diig amu ɠagattag daakkunu,⌋ ag aen, bras ele aon, anen anenppa ring hena heppeg, ad diig talilippeg, ag qakkeg! Ad diɗi am wan ooppa uuppeg dayaɗ! ⌊Amu ad diig amunu danab laa ippunadtte.⌋ Aria nug anam dayebeb, baito habppanu naana, qeebeb, nug doɗ bia dayebeb ukkeb, maɗ eblaih aɗit ele ukkeb, nug eɗua ena dayaɗ!’ Laa amu nug anam mattiom.

Daniel 4:29

Nebukatnesar nug tul niie ukke, kalam 12 uue, deɗ laappa king nug Babilon appa, nuhig lag enanagnab koɗokko uɗem mettakppa oiyaya,

Daniel 5:20

Amge na mamen nug nukka, nug onig huma, beɗuppa tak danab ba, nug dada danab ele ba dayaya, nug kobol ena hemanu dabmak nuhig ɠagattag eppom amunu, Yawe he, nug king ii daya, binag amahlak oppiaawak ele nuhig ele iitta meum.

Daniel 5:21

Nuhig dabmak eɗua, doɗ dilag bia daye, laa ag lamitteg ukke, nug danab ah ii daattebppa donki dakkuɗ ele daanna, nug makau gikkiɗah latteb bia gikkiɗah laum. Baito habppanu na, nug laittom. Nug anam daye ukke, nug Kayak Attannab Laa Oh Eɗattak Nug wanppan ɗo maɗoɗ oh gumadtte, Nug aun nug ahilag okkai daakkunu oo hette, nug king abenab medatte, nug dabmak amu tutukku doya, elele aɗa oiye, uug aguppa batom.

Matyu 3:10

Antteg! Epeɗiak haen am miag. Ad meu ii otte amu, nug mameg o qiie, aab aɗuppa mawe te eotte.

Matyu 7:19

Ad oh, ag meu ena ii otteb ele amu, danab ag oadna, aab aɗuppa akkaeg teeg eotteb.

Luk 3:9

Antteg! Epeɗiak haen am miag. Ad meu ii otte amu nug mameg o qiie, aab aɗuppa mawe te eotte,” awa aum.

Revelesen 10:3

nug laionnu gayak bia baag okkaippa eum. Nug anam e amu, hakkaɗ eblaih aɗit ele ag baalkadppa nai madippig.

Revelesen 18:2

Nug na, baag okkaippanab ewa aum. “Aab okkai Babilon onig, ɠagattag ele aakku na qeum! Aakku na qeum! Nug aakku ouɗi nau daaglagnu abenlag daatte. Ao, nug am ouɗi nau oh dayaknu aben. Ge, nug am ai ii lanaknu epeɗiak daatteb, amuam ai danab nug ahilagnu ooppa uuaknab dootte, am amu dilag aben daatte.