Daniel 3:4 - Nobonob Baibel

⁴ Ag anam daaegeg, nai ab dooglagnu danab laa aha, baag okkaippa inam a dooppig. “O danab ah, ag huu anen anennu, ag wanppan wan anen anennu, ag nai ohppanu, ag uɗin daatteb ele amu, king nug ag aɗi hekkulagnunab aum amu ag doyeg!

Daniel 3:4 ပူးပေါင်းရင်းမြစ်များ

Esta 8:9

King Ekserksis nug anam aum amunu, kalam ewam, onig Siwan, nuhig deɗ 23 amuppa, ag kingnu nai yaak danab onilagppa eeh uɗieg, Mordekai nug ag aɗi yaaglagnu mattieye, ag ɗo nai laa amu oh, Juda danab, gumak danab anuqaknab, amu prowinsnu gawana, amu prowinsnu anuqak danab ele, ag prowins 127, Ekserksis waappa daatteb ele, ag amu dilag yaaladppig. Wan amuam Kus appanu digma ukka, India wanak daatte. Amu ɗo nai amuam nai anen anenppa, nai yaak kobol anen anenppa ele, danab ah, Ekserksis waappa daatteb, amu Juda dilag ele yaaladppig.

Aisaia 40:9

O Sion danab ah, ag nai ena madippeg, laa dooglagnu maɗi ahilagppa daatte, amunu ag qauko laa attan teig! Ao, Jerusalem danab ah, ag nai ena madippeg, laa dooglagnu maɗi ahilagppa daatte amunu, ag qalan, enan mehuqeg! Ag qalan ena akkulagnu aib baɗappig. Ag, “Ahilag Kayak Nug uɗitte,” anana, Juda aab okkai, aab nakok ele ooppan danab ah appeg doyeg!

Aisaia 58:1

Yawe Nug atte. “Ag laa, ag dahil nai mattiglagnu daatteb, ag Israel danab ah ag dahil nai dooglagnu nai amu huana eppeg doyeg! Ag qinonob aib madippig! Trampet huana gaatte bia eppeg doyeg! Ag dahilad danab ah, ag da waalppa daaglagnu uun, dahil nai tappaeg neene oitteb, ag amunu appeg doyeg! Ao, ag Jakop buɗub, ag hipunin digdig henan oitteb amu, ag amunu appeg doyeg!

Daniel 3:10

O king, na ɗo laa meme amu, amuppa na laa ag trampet, dumuttum, gita diig laa, laia, harp, iwalaknu keeke laa, amu musik haknu keeke laa oh ele heppeg, danab oh ag dottog golppa hak noobppa dup nona binag mekkulagnu ame.

Daniel 3:3

Nug anam nai me ukke doon, Nebukatnesarnu ehanittak danab digdig, laa ag gumak danab anuqaknab daappig, laa ag aab gumak danab, laa am gawana, laa ag king dabmak mettak danab daappig, laa ag wan amunu men doɗo gumappig, laa ag epeɗiak danab daappig, am laa ag kingnu ehanittak anuqak danab laala oh ele, danab amu oh ag uɗin, ag dottog King Nebukatnesar qappom qeapiglagnu, ag dottog amu noobppa daappig.

Daniel 3:7

Danab amu anam a, danab appa daappig, ag dooppig amunu, haen laa ag trampet, dumuttum, gita diig laa, laia, harp, amu musik haknu keeke laa oh heegeg, danab ah, ag huu anen anennu, ag wanppan wan anen anennu, ag nai ohppanu, ag appa daappig amu, ag dottog golppa hak, King Nebukatnesar qappom, ag dottog amu noobppa dup nona binag meppig. ⌊Amge Satrak, Mesak, Abetnego ele ag dottog amu noobppa dup nona binag ii meppig.⌋

Daniel 4:1

Da Nebukatnesar, da pas imu danab ah, ag huu anen anennu, ag wanppan wan anen anennu, ag nai ohppanu amu, da ahilagnu pas imu mei gotte. Ag maɗoɗ okkainab ele daaglagnu ool daatte.

Daniel 4:14

Laa amu nug baag okkaippa ewa aum. ‘Ag uɗin, ad imu oppeg qiiaɗ! Ebekkud oh otaɗadna, uɗukkud matagna akkan, meu ele agappeg, laih laih ukkeg! Doɗ ad amu waappanu oolna goppeg, ebekkudppanu, ai ele ag ukkeg!

Daniel 6:25

Aria, amu dimppa King Darius nug nai laa huu ohppan danab ah, ɗo maɗoɗ ohppan danab ah, nai ohppan danab ah dilag ele inam yom. “Ag enanag, maɗoɗ ele daaglagnu ool daatte.

Hosea 5:11

Israel danab ah ag kayak hambuppuak dottolkad noolagppa dup nona binalag menan daan, uuglagnu uuppig oitteb, amunu geha kekeɗ ag eheɗ hattaglag. Ge, ag dahil bu mettak mattaglag.

Maika 6:16

Uug amu bekkunu diig am, ag Juda, ag Israel dilag king nau, Omri, ag nuhig ɗo dim lamidna, hipunin hetteb. Ao, ag Israel dilag king nau, Ahap, nug baekkudppa ele kobol ag aɗi aɗi heppig bia henana, Ahap aɗi ag kobol atten atten heppig amu, ag amu dim lamidna oitteb. Ag ahilag nai dim lamidtteb amunu, da laa ag heppeg nauhkkulagnu ippulag ii oo nepa. Da amu ii hepa amunu, wan laappan danab ah ag eheɗnab imadkkulag. Ao, wanppan wan oh dilag danab ah ag ahilagnu, ‘Keeke hamunab,’ dooglag,” awa atte.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.