Daniel 3:21 - Nobonob Baibel

²¹ King nug aum amunu, daup amu ag nid ewam amu, ag ahilkad lamen elab, trausis, ikkilagppan lamen, lamen laala ele takkaladppig ele anam daaegeg, daup amu ag aɗaladna, muɗippa hippaladna, buɗiatteg, aab huanak naunab nau ewomppa teppig.

Daniel 3:21 ပူးပေါင်းရင်းမြစ်များ

Genesis 39:20

Oo huan nauhe, nug Josep awa, maniguittakppa meum. Paro nug ele hanhan nuhikkud danab ag eheɗ heppig ele amu diia, maniguittak amuppa meum. Potipar nug Josep maniguittakppa anam me dayom, amge

Jeremaia 29:22

Danab aɗit amu aa Israel oolagppa eheɗ nau hepiɗ, gemu ele hettep amu, da doottem. Da anat-ttem. Aa mudippan lailti dilag ah ele ewau pakkua gappai heya, aa hambuppuak nai da ii matami, da aa mattiglahnu ii ami amu, aa nai amu mattiya, da ippuanatmi attep amunu, aa eheɗ hak ahilah, diig amunu qinob aa nob naunab aopeɗ, Juda danab ah oh ag Babilon wanppa diia ukka laih me dayak danab ah daatteb, ag laanu nug eheɗ laa awaknu anak waappa daakkunu akkulagnu hekkulag amu, ag inam akkulag. ‘Babilon dilag king nug Sedekaia, amu Ahap ele aab aɗuppa manate mauhpiɗ, amubia Yawe Nug heeb, nahip-ppa baɗ!’ aon akkulag.” Yawe Nug anam awa atte.

Daniel 3:20

Nug anam ana, nug daup nuhikkud ebehilag okkainab ele ag Satrak, Mesak, Abetnego ele aɗualadna, muɗippa qakkaladna, buɗiadppeg, aab amuppa nokkulagnu ag haknunab amelagppa aum.

Daniel 3:27

Ag dimittim uɗieg, kingnu ehanittak danab digdig, laa ag gumak danab anuqak, laa ag aabnu gumak danab, la ag gawana, laa ag king dabmak mettak danab ele, ag wana, nid ewam amu happutadna daan, ag neekkeg ukke, beɗulagppa guittak laa ii daye anidna, ikkilag uɗug nakok laa ii ewom, lamen elab ele nakok laa ii ewom anidna, beɗulagppa aab kahug uɗig nakok laa ele ii dooppig.

Daniel 3:6

Laa nug dottog amu noobppa dup noa binag ii mekku dayeb amu, laa ag nug pahanab aon, aab ewak huanaknab eotteppa buɗippeg gokku,” awa aum.

Matyu 13:42

ag akkan, agappeg aab aɗuppa tekkulag. Appa danab ag gaana, aelkad ele emalkkulag.