Daniel 2:46 - Nobonob Baibel

⁴⁶ Daniel nug tul niiak amunu Nebukatnesar amegppa a, Nebukatnesar nug Daniel binag okkai medakkunu nug noobppa gateg qaun o, gomela iɗu wanppa meum. Nug binag okkai Daniel metta, laa ag nug doɗ laa manan mettaknu, kalu danab ile muttuɗig enanag bette ele aon ilan, Daniel mettaglagnunab mattia aum.

Daniel 2:46 ပူးပေါင်းရင်းမြစ်များ

Daniel 3:5

Ag anam daappeg, laa ag trampet, dumuttum, gita diig laa, laia, harp, iwalaknu keeke laa, amu musik haknu keeke laa oh ele heppeg ag doon, ag dottog golppa hak King Nebukatnesar qappom noobppa dup nona binag meig!

Daniel 3:7

Danab amu anam a, danab appa daappig, ag dooppig amunu, haen laa ag trampet, dumuttum, gita diig laa, laia, harp, amu musik haknu keeke laa oh heegeg, danab ah, ag huu anen anennu, ag wanppan wan anen anennu, ag nai ohppanu, ag appa daappig amu, ag dottog golppa hak, King Nebukatnesar qappom, ag dottog amu noobppa dup nona binag meppig. ⌊Amge Satrak, Mesak, Abetnego ele ag dottog amu noobppa dup nona binag ii meppig.⌋

Daniel 8:17

Baag anam a, Gabriel nug da gukkuiɗa uɗie, da baɗak eheɗ nau doyen, da wanppa nein qemi. Da nein qein daaiyi, nug da amelppa aum. “Danab bekka, na imu doye! Tulegleg na anidttem imu, tulegleg imuam gog tak haennu keeke.

Lewitikas 26:31

Da heppi, ahilag aab okkai am nauhak daappeg, dup noa binag mak aben oh loppaɗppi neeb, ahilag mana mettaknu amu, da ool iinab hema. Mana mettak amunu muttuɗignu amu, da ool enanagnab doolo, amge da anam ii doopa.

Luk 17:16

Nug ukka, Jesus baegppa laippun gateg qaun o, gomela, iɗu wanppa ma, “Na ena heme,” aum. Danab amu nug am Samaria danab. ⌊Samaria Juda ele ag am layam iitta.⌋

Aposel 10:25

Ag qagmen daaegeg, gona tena, Pita nug Kornilius laug ooppa no, Kornilius nug doa, Pita noobppa paha gateg qaun o, gomela, binag meum.

Aposel 14:13

Amu kayak hambuppuak Susnu mettid lag am aab okkai daugppa heeg dayom. Amu lag amunu mana mettak danab nug makau dawai diiatta amu bala muɗippa giattak ele diiatta, aab okkai amunu aɗ odppa uɗie, nug danab ah ele ag doɗ main Pol, Barnabas ele mataglagnu heppig.

Aposel 28:6

nud amuppan danab ag nug dabmettan neekkidna, mat emalom abenppa titiɗeb anidkkulagnu o iitta mauha na qeeb anidkkulagnu dabmenan, ag haen elabnab daappig. Daappig amge Pol nug beɗuppa uug laa ii be anidppig amunu ag dabmak eɗun, inam appig. “Nug am kayak laa,” aon appig.

Revelesen 11:16

Anam aeg amu ikki danab 24 ag sia king ⌊anuqak⌋ talilidna, sia king ahilkadppa daatteb ele amu, ag laippun gatelag qaun ona, gomelna, iɗulag wanppa mena, ag dup nona, Kayak binag meppig.

Revelesen 19:10

Anam a amu da nug noobppa dup noin binag mekkulnu nug baegppa laippun gatel qaun oin gomelen, iɗul wanppa memi, amge nug da amelppa aum. “Na anam ii hemana! Da na, amu na laipad ele, ag oh Jesusnu oolagppa genab doonna, nuhignu mehuqtteb ele, da na ag ele, ig oh am Kayaknu maɗi nid. Na Kayak noobppa dup nona binag me! Aɗinu? Propet ag Kayak Ouɗi ɠagattagppa Jesusnu mehuqak heppig, amubia Jesusnu mehuqak oh am Kayak Ouɗi ɠagattagppa bette,” awa aum.

Revelesen 22:8

Da Jon, da nai imu doomi, keeke ele anidmi. Amu da nai doyen malen, keeke ele anitten malen, da engel nug keeke imu oh ippuniɗom ele, da dup noin nug binag mekkulnu nug noobppa gatel qaun omi,