Daniel 2:35 - Nobonob Baibel

³⁵ Men baeg wan tabatte ye, baeg amu nauha autanab awewe, men he, aen, wan, bras, silwa, gol ele huppu nakok nakok, uug iittanab ne, ulah iwale ukke, huppu nakok laa appa ii dayom. Danab nug ee aeg mumuɗaknu haenppa he, ulah ee aeg dappunkkeg iwale gotte, amubia dottog amuppa heum. Men dottog baeg anam ye, kobol anam dottogppa beum, amge men amu okkai maama, wan atu oh tona malom.

Daniel 2:35 ပူးပေါင်းရင်းမြစ်များ

Sam 103:16

Ulah nug bala iwale, iitta metteb; aben amuppa bala appa ii daappig bia daatte. ⌊Ig ele amubia daattem.⌋

Sam 22:27

Wan oh geha Yawe doona, Nug dim lamidkkulag. Yo, danab ah wan ohppan ag Nug noobppa dup nokkulag.

Sam 37:10

Haen elab iitta, nau hak danab ag qettoɗkkulag; Na ag mattialadna autna aokkut, amge na ag ii anadmana, ag gona malaglag.

Sam 37:36

amge haen elab iitta nug mauhom! Da nug mattimi, amge da nug ii anidmi!

Sam 46:9

Nug anam heehe, danab ah ag nug qak hekkulagnu elele iitta daatteb amunu, wanppa ban ii daatte. Nug ahilag lat tanig, ban ele qiialatta, guppiɗ ele aab aɗuppa manatte eotteb.

Sam 66:4

Wanppan danab ah oh ag na noomppa gatelag qaun ona, dup nona daatteb. Ag ahi ettanna, na binan humatteb. Yo, ag ahi ettanna, na binan humatteb.” Ag Nug amegppa anam aig! Sila.

Sam 86:9

Naɗi, na danab ah wan ohppan hattame, ag uɗin, na noomppa dup nona binan mekkulag. Ao, ag na onin am binag amahlak oppiaawak ele mettaglag.

Aisaia 11:9

Le yuppa ambeum, amubia danab ah huu ohnu, wan ohppa ag Yawenu dabmak amu aoppeg, ahilagppa ambekku. Anam daakku amunu, Yawenu qauko, qauko amuam Yawenu tituanak daatte, ⌊am qauko Sion aakku⌋ qauko amuppa ⌊wan ohppa ele⌋ laippu laa nug laa heeb ii nauhma; o keeke laa heeb ii nauhma, iitta!

Aisaia 8:9

Ag wan atu ohppan danab, ag ban hekkulagnu babaitteg! Amge ⌊Yawe Nug heeb,⌋ ag nauhkkulag. Ag danab ah oh wan uma umanu amu, ag oh ag daulag human, dabmetteg! Ag wan atu ohppan danab, ag ban hekkulagnu keeke oh babaitteg! Amge ⌊Yawe heeb,⌋ ag nauhna autna aoglag. Ao, ag wan atu ohppan danab, ag ban hekkulagnu keeke oh babaitteg! Amge ⌊Yawe heeb,⌋ ag nauhna autna aoglag. Ag ahan, ⌊Juda ele⌋ ban hekkulagnu dabmak naɗi aweg! Amge ⌊Yawe Nug heeb,⌋ ag nauhna autna aoglag. Ao, ag ahan ⌊Juda ele⌋ ban hekkulagnu maittak aon, ag nug ippunitteg! Amge ⌊Yawe Nug heeb,⌋ ag nauhna autna aoglag. Aɗinu? Kayak ig ele daattem.

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Hosea 13:3

Israel danab ah ag anam hetteb amunu, ⌊ag bu aoglag.⌋ Ag buttuanu bud paha qaɗaiedatte bia iitta mekkulag. Ao, ag geha buttua baito paha qaɗaiedatte bia qettoɗkkulag. Ag geha ulah iwale, ee aeg dappunkkeg ee aeg mumuɗaknu abenppanu laih gotte, amubia ag iitta mekkulag. Ao, ag geha aab laa kahug qatia taata ukka, iitta mette bia hekkulag.

Maika 4:13

Amunu Yawe Nug atte. “O Juda danab ah, ag ahan, danab nug ee aeg mumuɗtte, amubia ag kekeɗ ahilkad mumuɗatteg! Aɗinu? Ag amu hekkulagnu amu, da heppi, ag makau dawai qeqeɗi aenppa hak, baeg brasppa hak ele bia daan, ag wanppan wan kuɗum dilag daup eɗadna heppeg, mumuɗak haenppa wit keeke gumu heeg, huppu huppu nette, amubia ahilag kekeɗ ag nauhna autna aoglag.” Yawe Nug anam atte. Ag amu hewona amu, ag wan amu dilag danab ah dilag keeke, ag keeke amu ib pehettak iittappa aoppig ele amu, ag keeke amu aon, Yawe eppegppa mekkulag. Ao, wan amu dilag en amu, ag aon, Yawe, Nug am Naɗi, wan atu oh gumadtte ele, ag en amu aon, Nug mettaglag.

Sekaraia 12:3

Haen wanppan wan ohnu danab ag ahan, Jerusalem banelag uɗippeg, deɗ amuppa da heppi, Jerusalem amu men uug naunab, humaknu elele iittanab bia daakku. Aun nug men amu humakkunu hekku, nug guittak aokku, ⌊amubia aun nug Jerusalem heeb nauhkkunu hekku, nug guittak aokku⌋.

1 Korint 15:25

Amunu diig am, Kristus Nug keeke ohnu gumak danab dayebeb ukkeb, Kayak heeb, Kristus Nug nuhikkud kekeɗ oh tabatteb, ag nug baeg waappa wakkulagoitte.

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Revelesen 12:8

Ag ban henana, mat naɗinab amu nuhikkud daup ele ag ban eɗidkkulagnu ɠagattag iitta amunu ag tuɗidna, hab aabppa daaglagnu elele iitta.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.