Daniel 2:34 - Nobonob Baibel

³⁴ Na neegnana, laa Nug men laa qaukoppanu okkula awom, amge laa amu heum am danab laa iitta, na amu anidme. Laa Nug men amu okkula awe, dimppa men amu ukka, dottog amunu baeg wan tabatte, baeg amuam aen, wan ele qataqak, amu men baeg wan tabatte ye, baeg amu aakku nauha autanab awom.

Daniel 2:34 ပူးပေါင်းရင်းမြစ်များ

Sam 118:22

Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.

Aisaia 28:16

Ag anam atteb amunu, Naɗi Yawe Nug inam atte. “Antteg! Da geha Sion appa men ɠagattag, men enanag laa, ukku ɠagattag daakkunu ebappi dayebeb, ag amu qaɗeppa keeke oh heppeg tekku. Amu aun laa nug nuhignu ooppa genab dookku amu, nug ɠagattag, ena daakku.

Aisaia 60:12

Amunu diig am wan laappan danab huu atten ag, ag Juda waappa daanna, ehanadkkulagnu uuglag dayeb amu, da Yawe, da heppi, ag padal mena, iitta mekkulag.

Aisaia 8:9

Ag wan atu ohppan danab, ag ban hekkulagnu babaitteg! Amge ⌊Yawe Nug heeb,⌋ ag nauhkkulag. Ag danab ah oh wan uma umanu amu, ag oh ag daulag human, dabmetteg! Ag wan atu ohppan danab, ag ban hekkulagnu keeke oh babaitteg! Amge ⌊Yawe heeb,⌋ ag nauhna autna aoglag. Ao, ag wan atu ohppan danab, ag ban hekkulagnu keeke oh babaitteg! Amge ⌊Yawe heeb,⌋ ag nauhna autna aoglag. Ag ahan, ⌊Juda ele⌋ ban hekkulagnu dabmak naɗi aweg! Amge ⌊Yawe Nug heeb,⌋ ag nauhna autna aoglag. Ao, ag ahan ⌊Juda ele⌋ ban hekkulagnu maittak aon, ag nug ippunitteg! Amge ⌊Yawe Nug heeb,⌋ ag nauhna autna aoglag. Aɗinu? Kayak ig ele daattem.

Esekiel 32:28

Amu na Paro, na, amu nahipad daup ele, ag ele iitta aɗi dilag daup qep elabppa mauhna, moɗppa niitteb amu, ag ag ele anamib niiglag.

Esekiel 47:5

Am anam amu, danab amu nug baula melemel me ukke, 500 mita baula ukke, da le amunu noa ukkak am okkai, da baelppa mataɗkkulnu elele iitta anidmi. Aɗinu? Danab nug mataɗkkun hekku amu, nug ilog ma mataɗkku aakkuib.

Daniel 2:33

Gategppan ukka baeg baagppa batak am aenppa hak, aria baeg wan tabatte ele am aen, waa haknu wan aab aɗuppa ewak ele, am amu ele qataqak dayom.

Daniel 7:27

Anam beeb, Kayak Nug king daakkunu ehah, ɠagattag, aria onig, ɠagattag ele wan atu oh hab waappa wanppa daatteb, wan atu amu ohppanu aɗitta awa, nuhikkud danab ah oppiaawak ele madakku. Danab amu ag am Kayak Attannab Laa Oh Eɗattaknu danab. Kayak Nug, nuhig wan atu oh gumattak am iitta ii mema. Hanhan daakku. Wan atu ohnu danab okkai, ag Nug noobppa dup nona binag mena, oɗe dim lamidkkulag,” awa aum.

Daniel 8:25

Nug hambuppuak kobolppa keeke haknu doya auta autanab awa, kobol amuppa nug nuhig uɗat haaha, laa kuɗum ag amu ii dabmetteb ele eɗadkku. Nug nukka, nuhignu, “Da am danab enanag, laa oh eɗattak,” dabmaama oikku. Laa ag akka, ag ahilagnu, “Ig maɗoɗ ele iikku daattem,” abeppeg, nug heeb nauhkkulag. Nug Kayak, Nug laa oh eɗadtte amu, nug Nug ele ban hekkulahnu hekku. Nug keeke okkai amu oh hekku, amge laa, danab iitta, laa nug heeb nauhkku.

Sekaraia 12:3

Haen wanppan wan ohnu danab ag ahan, Jerusalem banelag uɗippeg, deɗ amuppa da heppi, Jerusalem amu men uug naunab, humaknu elele iittanab bia daakku. Aun nug men amu humakkunu hekku, nug guittak aokku, ⌊amubia aun nug Jerusalem heeb nauhkkunu hekku, nug guittak aokku⌋.

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.

Matyu 16:18

amunu, da na amenppa attem. Na am Pita, na am men, amu men imuppa da tamaniak dahil buukkul. Buuppi, Satannu ɠagattag nug qeeb ii nema.

Jon 1:13

Ag tiig makkulakppa o beɗunu kobolppa, o danabnu dabmakppa Kayak bekkod ii beppig. Iitta! Kayak Nug he, ag Nug bekkod beppig.

Aposel 4:11

Kristus Nug am ‘men laa, ag lag hak danab ag uuppig, amge Nug men anuqak beum daatte.’

2 Korint 5:1

Wanppan keeke haen tutuib daatte, hab aabppanu keeke am hanhannu ele amunu, ig imuam dabmettat doottem. Ig gemunu beɗunig am wan imuppaib oiyaknu daatte. Keeke hanhannu iitta, danab nug peh haen tutuib daakkunu hette, amubia. Anam daatte amu, aria peh nug nauhtte, amubia ig beɗunig gemunu nauhppeg amu, Kayak Nug beɗunig laa, lagnab bia, hab aab appa megakkunu daatte. Lag amuam Kayak Nug heum; danab laa ii heum. Nug hanhan daakku.

Hibru 9:24

Amuam Kristusnu mauhakppa beum. Kristus Nug Kayaknu mettid lag ooppa, danab ag eppelagppa heppig ele, Nug amu ooppa ii noum. Iitta! Nug hab aabppanab ukkom amunu, gemu Nug Kayak noobppa miag atia teum dayaya, danab ig ehanikkakka daatte.

1 Pita 2:7

Ag nuhignu oolagppa genab dootteb amu, ag nuhigppa ehanittak okkai aotteb, amge danab ah ag oolagppa genab ii dootteb amu, ahilagppa Nug inam beum daatte. “Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.”

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Revelesen 17:14

Medappeg, ag Sipsip Nag ele ban hena, Sipsip Nag Nug ag oh eɗadkku. Aɗinu? Nug am naɗi dilag Naɗi, amu king dilag King. Amu laa Nug ag onilagppa eum, Nug ag nuhig daaglagnu tituanattom, ag nuhignu oo metta ii uuak kobol dim lamidtteb ele, danab amu ag oh Sipsip Nag ele daana, ban eɗidkkulag,” awa aum.