Daniel 2:25 - Nobonob Baibel

²⁵ Daniel anam a, Ariok nug pahanab Daniel omala, king toppa ukka, nug king amegppa aum. “Da danab laa iikku mattien anidmi. Nug Juda danab ippa Babilon wanppa diia ukka, laih me dayak danab daatteb laa aakku. O king, nug na tul aɗi niime, tul amunu meu ele ab dookkutnu elele,” awa aum.

Daniel 2:25 ပူးပေါင်းရင်းမြစ်များ

Genesis 41:14

Grep titia leppu mettak danab nug anam a amu, Paro nug Josep uɗikkunu nai maniguittak nau gatatu eleppa me ukkom. Me ukke, ag paha Josep maniguittak amuppan aon uɗieg, nug id awa, lamen laa takka, Paro toppa ukkom.

Nehemaia 7:6

Amu anukka Babilon dilag king Nebukatnesar nug nuhikkud daup ele ag Juda danab eɗadna, danab ah aɗualadna, diin Babilon ukkaeg, appa ag diia ukka laih me dayak danab ah daappig ele amu, danab ah amu kuɗum ag aakku eɗun Juda wanppa, ahilkad aab anen anenppa, Jerusalem appa ele daaglagnu aakku goppig.

Prowerb 24:11

Laa ag laa eppelagppa ⌊diig iittappa⌋ mauhkkulagnu oitteb amu, na ag ehanadppe, ag aib mauhppig! Ao, laa ag laa eppelagppa ⌊diig iittappa⌋ mauhkkulagnu daatteb amu, na ag ehanadppe, ag aib padal meppig.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Daniel 1:6

Nebukatnesar nug anam a, Aspenas nug aakku tituanattom. Amu nug tituanattom oolagppanu waɗele ag am Juda nid; ag onilag am Daniel, Hanania, Misael am Asaria ele.

Daniel 5:13

Kuin kaino nug anam a, Belsasar doya he, laa ag Daniel omaleg, king toppa uɗie, king amegppa aum. “Da mamel nug danab ah laa Juda wanppan diia uɗie, ag ippa Babilon diia ukka, laih me dayak danab ah daatteb amu, na am amunu laate? Na Danielte?

Daniel 6:13

King nug anam a, ag nug amegppa appig. “Aakku amge, O king, Daniel, nug Judanu diia ukka laih me dayak danab daatteb oolagppan laa, nug nahipnu dab-ii-mette, ɗo na bappaidna he, laa ye, na onin meme amu, nug amu ele dab-ii-mette. Nug deɗ oh nuhig Kayak haen ewam unuqidtte,” aon appig.