Daniel 2:20 - Nobonob Baibel

²⁰ Nug binag maama, nug aum. “Ig hanhan Kayak binag metu! Doyak dabmak ena elenu diig, ɠagattagnu diig ele am Nugib.

Daniel 2:20 ပူးပေါင်းရင်းမြစ်များ

Genesis 14:20

Ao, Nug na ehanitte, na kekeɗ eɗadme amunu, ig Nug onig humatu!” awa aum. Awa a amu, Abram nug keeke oh awom, nug amunu obatak eblaih tanig ele ooppanu obatak laippu Melkisedek mettom.

1 King 8:56

“Ig Yawe binag humatu! Nug ig Israel, nuhikkud danab ah, Nug nai ana qakkom, amubia Nug ig maɗoɗ mekkom. Nug nuhig nai qakkak ena oh Moses, nuhig maɗi nid, nug oɗeppa ihinignu mattiom amu, nug nai amu oh hamu laa ii mattiom. Iitta. Nug nai amu oh, nug aum bia heum.

1 Stori 29:20

Dawit nug anam unuqitta, nug eɗua danab qagmeppig ele amelagppa aum. “Ag Yawe, ahilag Kayak, ag Nug binag meig!” awa aum. Nug anam a, danab oh ag Yawe, ag mamelkad aɗi dilag Kayak, ag Nug binag meppig. Ag amu hewona, ag Nug noobppa, Dawit noobppa ele gatelag qaun ona, gomelna autna aona, ag iɗulag wanppa mena daappig.

2 Stori 20:21

Jehosapat nug anam a, nug danab ah ele nai mattin, nug danab laa ag Yawenu ahi, ag ahi amu ettaladnana, ag Yawe, Nug dagom onig ɠagattag ele, Nug oppiaawak ele, ag amunu Nug binag okkainab menana, ag daup noolag aon gonana, ag ahi inam ettaglagnu tituanattom. Ag Yawe amegppa, “Ena heme,” aon aig! Aɗinu? Nuhig oo mauhaknab kobol hanhan alet daatte.

Nehemaia 9:5

Ag anam heeg, Lewi buɗubppan mana mettak danab iitta, ag oolagppan laa onilag Jesua, Katmiel, Bani, Hasapnea, Serebia, Hodia, Sebania, Petahia ele, ag appig. “Ag oh ahan hippaidna daan, ag Yawe, ahilag Kayak, ag Nug binag meig! Nug hanhan daatte. Nug digmak iitta, batak ele iitta,” appig. Ag anam awona, ag tuɗidna, Yawe amegppa appig. “O Yawe, na binan amahlak oppiaawak ele, amu danab ag na onin dabmenan humappeg, attannab, itittak ena oh, binag mak oh eɗittak daakkunu oonig daatte,” aon appig.

Job 12:13

Amge doyak dabmak ena elenu diig, ɠagattagnu diig ele am Kayak eppegppa daattep. Ao, ulum mettak nai, diignu doyak tutukku ele am nuhigppaib daattep.

Sam 113:1

Ag Yawe binag meig! Ag Yawenu maɗi nid, ag Yawe binag meig! Ao, ag Yawe onig humeg!

Sam 113:2

Ag gemu, hanhan ele Yawe binag meig!

Sam 115:18

Amge ig bau daattem amu, ig Yawe binag mettem. Ig gemu, hanhan ele Nug binag metu! Ag Yawe binag meig!

Sam 147:5

Ihinig Naɗi am onig, ɠagattag ele! Nug ebehi okkai ele! Diignu doyak tutukku nuhig am okkainab; am batak iitta ele!

Sam 41:13

Ig Yawe, Israel dilag Kayak, ig hanhan alet binag metu. Genab, anam dayaɗ! Genab, anam dayaɗ!

Sam 50:23

Danab laa nug ena heme anaknu ofa ha, da meɗakku dayeb amu, amuam ena. Amuppa nug da binal mette. Amu da nug ehanidppi, nug padal ii memanu ippu dahil ippunidkkulnu amu, nug ofa amuppa ib amu matultte.” Kayak Nug anam awa atte.

Sam 62:11

Kayak Nug nai laa mattiom. Ge, nug haen aɗit anam nai mattieye doomi. O Kayak, amuam, Naib ɠagattag daattem.

Prowerb 8:14

Danab ulum nai ena mettak, aria epeɗia ha dabmak ena awak ele dahilppa daattep. Ge, diignu doyak tutukku, amu ɠagattag ele dahilppa daattep.

Jeremaia 32:19

Amu na doyak dabmak ena okkai ele nahip-ppa, ɠagattag okkai nahip-ppa ele kobol danab haknu elele iitta hettem. Na danab oh neekkadna, ag aɗi aɗi hetteb amu, na ahilag hak amuppa na ag epeɗiadna, nob eleleib madattem. Laa na ahilag hak anidna, na nob ena madattem, laa na ahilag hak anidna, na nob nau madattem.

Esekiel 28:3

Na nahip dabmakppa, na, “Doyak dabmak ena dahil am Danielnu eɗidtte; da keeke oh lokkumak daatte doottem,” anan oittem.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Jut 1:24

Aria Kayak Nug ag dabmatta auta aweb, ag ii nena qemananu elele daatte, Nug nukka ag diia, Nug noobppa, aben amuam binag amahlak oppiaawak ele, appa nuhig neekkakppa ag oolagppa kaliak laa iitta ele, maɗoɗppan gamag ahak naɗi eleppa maatteb daaglagnu ele elele daatte.

Revelesen 5:12

Daanna ag ahi inam qalan edappig. “Sipsip Nag, ag anukka qeeg mauhom ele, Nug ɠagattag, enub, doyak dabmak ena ele, ebehi, binag amu binag amahalak oppiaawak ele, onig okkai ele aokkunu onig awom daatte,” anana edappig.