Daniel 2:19 - Nobonob Baibel

¹⁹ Daniel amelagppa anam mattia male, tuqan Kayak he, Daniel nug kingnu tul niiak amu tuleglegppa anttom. Nug antta aha, nug Kayak, hab attan daatte, nug Nug binag meum.

Daniel 2:19 ပူးပေါင်းရင်းမြစ်များ

Job 4:13

Tuqan danab huana niitteb haenppa, haen amuppa da tul niimi. Da tul niimi, amge tul niiak amuppa da oolppa maɗoɗ ii doyeye,

Sam 25:14

Laa ag Yawenu ebehilag oh bodoetta le mette amu, Yawe Nug ag ele layam batatte. Nug ag ehanatte, ag nuhignu nug tituana nai qakkak nainu meu dootteb.

Daniel 1:17

Ag ee amuib laeg, Kayak Nug nid bau waɗele amu doyak ena ele matta, Nug ag kaya digdignu diignu doyak tutukku, am dabmak unuqagnu diignu doyak tutukku ele ag mattom. Nug amu matta, Nug he, Daniel nug tul niiak digdig, tulegleg digdig ele anattaknu diig doya, mehuqkkunu ehah ele mettom.

Daniel 2:22

Nug keeke unuqagnab daatte, keeke lokkumak daatte, Nug keeke amu he, miag atitte. Nug aɗi keeke gatatuppa daatte am dootte. Nuhig dayak abenppa amu, appa ele amahlak Nug ele daattep.

Daniel 4:26

Ad diig, diɗi ele uuppeg daakkunu haknunab anak amu, amuam qinob, na Kayak Nug hab attan daya, wanppa keeke oh gumatte doon, dabmak amu tutukku doon elele aɗan oikkut, Kayak Nug heeb, laa ag heppeg, na king gemu daattem bia eɗun daakkut ippunidtte.

Daniel 4:9

Daniel nug da gumiɗa uɗie, da nug amegppa ami. “Beltesasar, na doyak danab oh ikki amu, kayak ouɗi nahip-ppa daatteb am da doottem. Aɗi keeke lokkumak daatte, o lokkumaknab daatte, o lokkumak attemnab daatte amu, na keeke amu heppe, miag atiak daakkunu elele. Da tul niien, keeke uug ele anidmi amunu, da tul niiak amu appi doon, na amunu meu appe doyei!

Daniel 7:2

Nug inam yom. “Da, Daniel, da tuqan tulegleg laa antten, tulegleg amuppa da neekki ukke, ulah waɗele, am yau, yawalti, qaban, kaɗag ele, ag oh uɗin iwalegeg, yu naɗi koɗkoɗ eheɗ qeum.

Daniel 7:7

Da tuqan tuleglegppa amu anttoya, tulegleg amuppa da neekki ukke, da noolppa doɗ ebqak waɗele anidmi. Doɗ amu nug iɗu am naunab. Laa anidkku amu, nug baɗak eheɗ nau awa, naunab aokku. Doɗ amu nug am ɠagattag okkainab ele. Nug aeg am okkai, aenppa hak. Nug doɗ laa awa, oɗoɗe, ebehi oh qiialatte, toppua ukke, teppu laala ii laum ele amu, nug baegppa eheɗ tappa oɗoɗom. Doɗ imuam doɗ laa oh bia iitta. Nug am laanab, nug qeqeɗi eblaih laih ele.

Amos 3:7

Am anam daatte amunu, Naɗi Yawe Nug aɗi keeke laa ⌊nuhikkud propet amelagppa qehakkak dayeye,⌋ ii hette. Ao, Nug tatam nuhikkud propet, ag am nuhikkud maɗi nid amu, Nug ag amelagppa nuhig maittak, lokkumak daatte, amu a doyeg hette.

Namba 12:6

Nug aum. “Aa nai dahil doyeɗ! Haen dahil propet danab laa ag oolagppa daatte amu, da Yawe, da tuleglegppa da diil, dahil nai ele nug ippunidttem, tul niiakppa da nug amegppa nai madittem.

Josua 22:33

Ag eɗun gona, aɗi nai, Ruben, Gad amu Manase huu mahaib ele madippig amu, ag Israel oh amelagppa mattieg, ag oh nai amunu oolag ena dayom. Ag amunu oolag ena daye, ag Kayak binag menana, ag Ruben, Gad, ⌊Manase huu mahaib⌋ ele, ag ahilag wan heppeg nauhkkunu ban hekkulagnu nai ii madippig.