Daniel 2:18 - Nobonob Baibel

¹⁸ Daniel nug ag amelagppa mattia mala, nug daup ag nug, nug laikkud ewam, Babilon dilag doyak danab laa oh ele aqamnanu, Daniel nug laikkud ewam ag Kayak, hab attan daatte, ag Nug oo doyakppa unuqidppeg, Nug ahilagnu oo gai-iitta doya oo matta ehanatta, Nug Daniel kingnu tul niiak ippunidkkunu aum.

Daniel 2:18 ပူးပေါင်းရင်းမြစ်များ

Genesis 18:28

O Naɗi, genab tutukku hak danab 45ib aab okkai amuppa daappeg amu, na heppe, aab oh nauhkkute?” oɗ metta aum. Nug anam a amu, Yawe Nug aum. “Iitta. Genab tutukku hak danab 45ib daappeg amu, da ii heppi nauhma,” awa aum.

Sam 136:26

Ig Kayak hab attan daatte amegppa, “Ena heme,” atu! Aɗinu? Nuhig oo mauhaknab kobol hanhan alet daatte.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Aisaia 37:4

Asiria dilag king nug he, nuhig ban daup ikki banppa o ban guguittakppa daatte, nug Kayak hanhan bau daatte awa awa qedakkunu uɗia, ⌊anam heum⌋ amunu Yawe, Nug nahip Kayak, Nug awa awa qettak nai amu Nug doyom ele, Nug nai amu dabmedakkutai. Nug dabmedatta, Nug Asiria dilag king bu medakkutai. Anam amunu, na ig Juda oɗo yaak daattem ele, na Yawe Nug ehanigkkunu unuqidkkutnu oɗ medattem,’ awa atte, aon appig.”

Jeremaia 33:3

‘Juda danab ah, ag da unuqiɗppeg, da unuqittak ahilag nob matten, da keeke okkainab, ag ii dootteb ele, danab ah ag ahilag dabmakppa mattin anidkkulagnu elele iitta, da keeke okkainab amu ag ippunadkkul,’ ” awe attem.

Esekiel 36:37

Amu Naɗi Yawe Nug inam ele atte. “Da paɗadppi, Israel danab ah ag unuqiɗppeg, da unuqittak ahilag amu doye heppi, anamib bekku. Da heppi, ag eheɗ appatna, kuɗumnab daaglag, sipsip huanak amubia.

Daniel 2:23

O Kayak, na da mamelad aɗi dilag Kayak, da na amenppa, ‘Ena heme,’ ainne, da na binan humattem. Na da doyak dabmak ena ele meɗan, na ɠagattag ele meɗame. Ig na keeke laanu oɗ mettaut, na da ippuniɗme. Na hee, ig kingnu tul niiak attem dayom amu, ig aakku amu doomut,” awa aum.

Daniel 3:17

Na heppe, laa ag buɗigppeg, aab ewak naɗippa tekkunig dayeb amu, Kayak, ig Nug waappa daatta nuhig maɗi nid daattem, Nug ehanikkeb, ena daagnignu elele. Nug elele amunu, ⌊Nug amu hekkunu ena anidkku dayeb,⌋ O king, Nug ehanikkeb, ig na eppenppa ii daamta.

Daniel 4:26

Ad diig, diɗi ele uuppeg daakkunu haknunab anak amu, amuam qinob, na Kayak Nug hab attan daya, wanppa keeke oh gumatte doon, dabmak amu tutukku doon elele aɗan oikkut, Kayak Nug heeb, laa ag heppeg, na king gemu daattem bia eɗun daakkut ippunidtte.

Jona 1:9

Ag anam aeg, Jona nug amelagppa aum. “Da Hibru danab. Da Yawe, Nug Kayak hab attan daatte, Nug yu, wan ele heum amu, da Nug noobppa dup noin Nug binag mettem,” awa aum

Malakai 3:18

Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.

Matyu 18:12

Am ag attem dootteb? Danab laa nug sipsip 100 ele, am laippu laa nug nukka matakka wana oiyaya, qettoɗkku dayeb amu, sipsip mamelag nug 99 uuatteb, qauko nakokppa daabppeg, nug ukka, laippu amu iite mattima?

Matyu 18:19

Anam amunu, da genab ag amelagppa attem, ag oh wan imuppa daatteb imu, ag oolagppanu aɗit laa keeke laanu oolah laippu meya, Kayak amunu oɗ medapeɗ amu, da Mamel hab aabppa daatte, Nug matakku.

Aposel 12:4

Nug aɗa amu nug Pita maniguittak ooppa meum. Nug maniguittak gumak danab ameg waɗele, ameg ohppa danab waɗele waɗele anam daappig, ag guman daaglagnu eppelagppa meum. Herot nug Pasowanu Hobul uueb, Juda noolagppa Pita epeɗia ⌊heeb mauhkkunu⌋ dabmeum.

Rom 15:30

O lailad, da ag ihinig Naɗi Jesus Kristusnu, amu Kayak Ouɗinu oo mauhak ihinignu dootte, amu ele dabmebeppeg, ag da aɗi aɗi uug maottem ele, ag da ele ig oh ig Kayak dahilnu unuqidkkunignu ahilkad dabmak maɗedattem.

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.

1 Samuel 17:37

Yawe Nug da ehaniɗe, laion, bea ele da ii iupiɗ, amubia nug da ehaniɗkku amunu, Pilistia amu nug da ii iuma,” awa aum. Dawit nug anam a, Saul nug nob ma aum. “Amu ena. Na goppe, Yawe Nug na ele goya, Nug na ehanidkkunu ool naɗi daatte,” awa aum.