Daniel 2:1 - Nobonob Baibel

¹ Aria Nebukatnesar king abenab awe, maɗ laippu uue, maɗ aɗit ooppa Nebukatnesar nug tul niiom. Nug tul niia, aha, dabmak huanaknab awa, eɗua niikkunu elele iitta.

Daniel 2:1 ပူးပေါင်းရင်းမြစ်များ

Esta 6:1

Amu tuqan amuppa king nug niikkunu elele iitta doyom amunu, nug nuhig maɗi nid laa nuhig gumaknu kaya bukppa yaak amu ebqeebnab dookkunu aum.

Jeremaia 25:1

Amu Josaia bekka Jehoiakim nug Juda dilag king abenab awa, nuhig king dayaknu maɗ maɗ waɗele ooppa, maɗ amuam Babilon dilag king Nebukatnesar, nuhig king dayaknu maɗ digmak, maɗ amuppa Yawe Nug nuhig nai laa Juda danab ah dilagnu Jeremaia mette doyom.

Daniel 2:3

Ag anam nug noobppa daaegeg, nug ag amelagppa aum. “Da tul niimi amunu, da dabmak huanak aottem. Ag tul niiak amunu meu appeg dookkulnu hettem,” awa aum.

Daniel 4:2

Da Kayak Attannab Laa Oh Eɗattak, Nug nuhignu dabmettaknu kobol danab haknu elele iitta, amu uɗat ɠagattagnab ele, Nug dahilnu heum amu appi dooglagnu gamag ahak doottem.

Daniel 4:5

Da anam dayeye, deɗ laa da tul niie, da baɗami. Da niiak abenppa tul niien, tulegleg anidmi amu, tuleglegppa keeke digdig anadmi ag heeg, da eheɗ nau baɗami.

Daniel 5:9

Doyak danab ag amu hekkulagnu elele iitta amunu, King Belsasar eheɗ nau baɗe, iɗu hakkabnab eppe, nuhikkud danab okkai ag dabmak huanak aoppig.

Daniel 6:18

Anam daye, king nug eɗua, nuhig lag enanagnabppa ukka, nug tuqan amu ee laa ii laum. Nug danab, o ah ag ahi keeke edappeg, ena dookkunu ele uuom. Nug niikkun elele iitta.

Daniel 7:1

⌊Amge amu oh ii nak haenppa,⌋ Babilon dilag king Belsasar nug king abenab awa, maɗ laa ii ukkom, nuhig king dayaknu maɗ tatamnu amu, Daniel nug tul niiom. Nug niiak abenppa niiaya, tul niia, tuleglegppa keeke digdig anttom. Nug tul anam niia, aɗi aɗi anttom amu, nug amunu nai ikki ikki am yom.

Daniel 7:15

Da, Daniel, da anam tuleglegppa keeke digdig anadmi, da amunu da oolppa uug nau doyen, da amunu dabmak huanaknab ele aomi.