Daniel 12:7 - Nobonob Baibel

⁷ Laa nug danab lamen linenppa hak takka, le attan dayom anam oɗ mette, nug eppeg naɗiap, naneh ele hume, habppa te, nug Kayak, Nug hanhan daatte, nug Nug onig awa, nuhig nai ɠagattag qetta, nug nai laa a doomi. Nai nug aum am inam. “Haen maha ewam, haen maha laanu maha ele ukkeb, keeke amu oh ba malakku. Danab ah ag Kayaknu oppiaawak ele ag akka ahilagppa ɠagattag laa iitta ele daappeg, haen amuppa keeke amu oh meu okku,” awa aum.

Daniel 12:7 ပူးပေါင်းရင်းမြစ်များ

Job 27:2

“Kayak, Nug genab bau daatte, Nug dahilnu nai doya mala hettoɗia epeɗia elele mettak kobol ii dim lamittom. Ao, Laa Nukka Ɠagattag Oh Ele, Nug genab bau daatte, Nug he, da oolppa nau ninig ele doottem.

Aisaia 62:12

Amu laa ag nuhikkud danab ah dilagnu, “Danab ah Yawenu oppiaawak ele,” akkulag. Ag, “Danab ah umu amu, Yawe Nug ag hipuninnu qagaiettakppanu eɗua uhuqak ha mattom,” akkulag. Ag Jerusalemnu, “Danab ah ag aab okkai amunu oolag hette,” anana, ag, “Aab okkai amu hamu dayom, amge gemu anam ii daatte. Danab ah ag eɗun, appa daatteb,” akkulag.

Esekiel 20:5

Na ippunadna, na inam appe doyeg!” awa aum. Nug anam ana, Nug da ag amelagppa inam akkulnu tuɗitta aum. “Naɗi Yawe Nug inam atte. ‘Haen da Israel danab ah ag dahilad daaglagnu tituanadmi amu, haen amuppa da eppel humen, dahil nai ɠagattag qetten, da ag amelagppa, “Da am Yawe, da ahilag Kayak daattem,” ami. Ag Isip daaegeg, da amu ain, da diil ele ag ippunadmi.

Daniel 10:5

da amel humen, neekki ukke, danab laa da noolppa dayom anidmi. Nug lamen linenppa hak takka, matagiɗ gol enanagppa hak imuagppa takkom.

Daniel 11:13

Aɗinu? Wan yawalti uɗitteppanu king nug eɗua, daup huanaknab, tatam qagmaattom eɗittak, qagmaadkku. Nug amu heeb, maɗ maɗ ukkebeb, haen ena antta, nuhikkud daup huanaknab, ag ahilkad bannu keeke ele elelenab, Isip ele ban hekkulagnu uɗiglag.

Daniel 12:6

Laa ⌊nug da amelppa nai tuleglegppa mattiom,⌋ nug lamen linenppa hak takkom ele, nug le attan dayeye, laa le daugppa dayom amu, nug danab amu oɗ mettom. “Keeke kobolnab tulelegppa anttom ele amu, keeke amuam meu okku; amu haen gane laa ele ukkeb, meu okku?” awa oɗ mettom.

Daniel 12:8

Nug anam aum, amge da, Daniel, da nug aum amu, da amunu diignu doyak tutukku ii aɗen, da nug oɗ mettami. “Aakku, amge O naɗi, imunu gogppa tak am attem?” awe oɗ mettami.

Daniel 4:31

Nebukatnesar nug anam mattia dayeye, haen amuppanab baag laa hab attannu na, inam aum. “King Nebukatnesar, laa nug na king daakkutnu ehah aakku aɗitta awom. Ɗo nahipnu aakku anam daatte.

Daniel 4:34

Kobol amu oh Nebukatnesar, nuhigppa be, dimppa Nebukatnesar nug aum. “Haen anam daakkulnu dayom am iitta me, da, Nebukatnesar, da amel humen, neekki, hab attan te, ⌊Kayak dabmei, Nug he,⌋ dahil dabmak eɗua, danab dilag dabmak, kaaka iitta aakku dayom. Kayak anam he, dahilppa anam be, da Kayak Attannab Laa Oh Eɗattak binag memi. Da binag onig okkai ele Laa hanhan daatte mettami. Aɗinu? Nuhig ɗo maɗoɗ am hanhan alet daatte. Ao, nuhig wan atu gumak am anamib alet, ii tuqa awak daatte.

Daniel 7:21

Da tuleglegppa neekki ukke daaiyi, qeqeɗi amu nug Kayaknu danab ah oppiaawak ele, nug ag ele ban henana, nug ag eɗattette anidmi.

Daniel 7:25

King amu nug Kayak Attannab Laa Oh Eɗattaknu nai nau anana, nug Kayaknu danab ah oppiaawak ele uug nau madatta, nug heeb, ɗo laala Kayak meum, keeke laala ele Kayak meum daatte baolikkunu hekku. Nug anam heebeb, Kayak Nug ib oo ii nekku amunu, king amu nug Kayaknu danab ah oppiaawak ele maɗ ewam maha ele eɗadkku.

Daniel 8:14

Laa nug anam oɗ mette, laa nug aum. “Kobol amu digmeppeg ukkeb ukkeb, buttua 2,300, am tueb ele 2,300 teeb, aakku malaglag. Malappeg, mana mettak danab ag heppeg, Kayaknu mettid lag eɗua, nuhignu tituana mettak daakku,” awa aum.

Daniel 8:24

Nug ɠagattag okkainab ele ba daakku, amge ɠagattag amu oh nuhig hakppaib ii bema. ⌊Iitta. Laa nug ehanitteb, ɠagattag okkainab ele daakku.⌋ King amu nug heeb, keeke kuɗumnab laa nauhakib daakku. Nug aɗi aɗi hekkunu heeb, am anamib bekku. Nug danab okkai ɠagattag ele eheɗ hatta, Kayaknu danab ah, ag Kayaknu oppiaawak ele daatteb, nug ag eheɗ hatteb, ag nauhkkulag.

Luk 21:14

Nug anam ana, Nug nai tuɗitta aum. “Ag nai amu nob attem ag ena daaglagnu akkulagnu dabmak huan aib aoppig.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Duteronomi 26:19

Ag anam hekkulag dayeb amu, Nug heeb, ag wan laa oh eɗattak daan, ag binag okkai, amu onig okkai ele aoglag. Ag geha Yawenu oppiaawak ele daaglag. Ag am Yawe, ahilag Kayak, ag nuhignu daaglag. Nug heeb, ag anam daaglagnu nai anan qakkom amu, Nug amubianab hekku. Moses nug anam mattiom.

Duteronomi 32:36

Aɗinu ⌊Israel dilag kekeɗ ag anam aoglag⌋? Yawe Nug nuhikkud danab ah gumadkku. Ao, Nug ahilagnu oo gai-iitta doya oo matta ehanadkku. Nug amu hekkunu diig am, Nug ɠagattag ahilag iitta meeb, anidkku. Ao, Nug laippu laa, nug begbeg maɗi nidte, o begbeg maɗi nid iittatai, nug ena iinab dayebeb anidkku.

Duteronomi 32:40

Aɗinu? Gemu amu, da eppel humai, habppa te, da attem. ‘Da genab bau hanhan daattem, genab amubia, nai imu am genab.

Duteronomi 7:6

Aɗinu? Ag Israel, ag am danab ah, Yawe, ahilag Kayak, Nug ahilagnu, nuhignu tituanak daatteb anadtte. Wanppan danab ah oh oolagppa, Yawe, ahilag Kayak, Nug ag danab ah nuhignab daaglagnu tituanattom. Ag am keeke enanagnab laa bia nuhignu daatteb.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

Revelesen 12:14

Amge Kayak Nug ai igel haug aɗit ele ah amu nug hagagaɗa, mat naɗinab uuitta, wan meu waknu nakokib eleleppa, aben Kayak Nug ah amunu babaittom daatteppa ukkeb, maɗ ewam kalam 6 ele ag nug atognonana, ee medappeg lanana daakkunu ukkom.

Revelesen 12:6

Meum amu, ah nug oola, wan meu waknu nakokib eleleppa, aben Kayak Nug nuhignu babaittomppa ag deɗ 1,260 atognonana, ee medappeg lanana daakkunu ukkom.

Revelesen 13:5

Kayak Nug nuhig oo ii neum amunu, doɗ dakkuɗ nug dada nai mattiaya, nug Kayaknu dabittak nai ele mattiom. Nug ele gumak uɗat kalam 42 hekkunu elele dayom.

Revelesen 4:10

ikki danab 24 amu ag laa, Nug sia king ⌊anuqak,⌋ appa daatte, Nug hanhan bau daatte ele amu, ag Nug noobppa gatelag qaun ona, Nug noobppa dup nona binag mena, ag anen anen ag ahilkad haɗ ag ikkilkadppanu aon, sia king ⌊anuqak⌋ guguittak maadna daaegeg, ikki danab ag inam atteb.

Revelesen 4:9

Hab daup waɗele Kayaknu bauklel aotteb ele, ag Kayak, sia king ⌊anuqak,⌋ appa daatte, Nug ele hanhan bau daatte, ag Nug binag, amu binag amahlak oppiaawak ele menana, “Ena heme,” aon aegeg,