Daniel 12:6 - Nobonob Baibel

⁶ Laa ⌊nug da amelppa nai tuleglegppa mattiom,⌋ nug lamen linenppa hak takkom ele, nug le attan dayeye, laa le daugppa dayom amu, nug danab amu oɗ mettom. “Keeke kobolnab tulelegppa anttom ele amu, keeke amuam meu okku; amu haen gane laa ele ukkeb, meu okku?” awa oɗ mettom.

Daniel 12:6 ပူးပေါင်းရင်းမြစ်များ

Sam 74:9

Kekeɗ ag anam heppig daye, gemu ig Kayak dabmettaknu kobol danab haknu elele iitta, Kayak Nug ig butti aɗi ehanigkkunu ippunigkkunu laa ii anidttem. Propet oh iitta meppig, ig danab laa waalagppa daattem. Amu haen gane laa ele ukkeb, am anamib daakkun daatte amu, ig ii doottem.

Esekiel 9:2

Nug anam awa e, da neekki ukke, danab eblaih laippu ele ag Kayaknu mettid lag nuhig tomppan keeke oh elenu aɗnu od yawalti uɗitteppanu daatte, ag od amuppanu uɗiegeg anadmi. Ag anen anen oh daɗib eppelagppa aɗualadna uɗippig. Ag uɗiegeg, danab laippu laa ag ele oh uɗippig. Danab amu linen lamen takka uɗiaya, nai yaaknu keeke ele awa uɗiom. Ag oh anam uɗin, ag qaɗab brasppa hak gukkuidna uɗin, amu daugppa appa daappig.

Daniel 12:5

Laa da amelppa anam mattia male, da, Daniel, da neekki ukke, aɗit laa anatmi. Laa nug le daug da daamippa daye, laa am le daug laih dayom.

Daniel 12:8

Nug anam aum, amge da, Daniel, da nug aum amu, da amunu diignu doyak tutukku ii aɗen, da nug oɗ mettami. “Aakku, amge O naɗi, imunu gogppa tak am attem?” awe oɗ mettami.

Daniel 8:13

Aria, da Daniel, da tuleglegppa amu antten, da laa Kayaknu oppiaawak ele daatte, nug nai mattieye, laa, nug ele Kayaknu oppiaawak ele, nug nug amegppa nai laa aum am, da ahilah nai doomi. Nug oɗ metta inam aum. “Tulegleg danab imu anidtte ele, nug tuleglegppa keeke digdig anidtte. Amu keeke amu oh ba malakku; amu haen gane laa ele ukkeb, keeke amu oh ba malakku? Tuleglegppa nug inam anidtte. Qeqeɗi amu nug heeb, deɗ oh Kayaknu mana mettak ii hemana, nug tappe nak nau heeb, nauhak okkainab daakku, nug heeb, Kayaknu mettid lag am nug eppegppa dayaya, keeke hamu bia daakku, amu nug Kayaknu daup eɗatta, heeb nauhkkulag,” awa aum.

Daniel 8:16

Nug tula ba, hibaitta daye, baag laa, Ulai le daugppa appa aum. “Gabriel, na danab imu nug tulegleg anidtte amu, na tulegleg amunu meu mehuqppe doyaɗ!” awa aum.

Matyu 24:3

Jesus Nug Olipnu Qaukoppa ta dayeye amu ippunittak awak danab ag akka gumidna goppig. Ag gona appig. “Na ig amenigppa ame amu, kobol amu haen ganeb bekku? Ele amu, epponak keeke aɗi tatam beeb, ig na uɗikkutnu, amu gog tak haen miag daatte ele doognig,” aon appig.

Mak 13:4

Nug oɗ medappig. “Na ig amenigppa ame amu, kobol amu haen ganeb bekku? Ele amu, epponak keeke aɗi tatam beeb, ig keeke amu oh bekkunu miag daatte doognig?” aon appig.

Epesus 3:10

Kayak Nug dabmak inam awom. Gemu Kristen tamaniak ooppan danab ah amu, ag nuhig doyak dabmak ena ele digdig kuɗum am miag atippeg, ikki danab, amu danab ag gumaknu ehah ele, ig danab ig ag ig amenigppa anidkkunignu elele iitta, ag ohnab dooglag.

1 Pita 1:12

Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.

Revelesen 15:6

Matulak dayeye, engel eblaih aɗit ele ag keeke nau danab uug okkainab madatteb eblaih aɗit ele danab ah aqadkkulagnu uɗat gumatteb amu, ag linen lamen hakkabnab, oppiaawak ele, ag amu takkona, ag momolagppa matagiɗ kaala gol ele taliliak ele takkan, Kayaknu mettid lagnu dimittim doppig.

Revelesen 19:14

Hab aabppanu ban danab ag ahilkad hos hakkab enanag qaɗelagppa daanna, Nug dim lamidppig. Ag linen lamen hakkab, oppiaawak ele ag beɗulagppa maadppig.

Revelesen 6:10

Anattitti, ag baalag okkaippa enana appig. “O Naɗi Nakka Ɠagattag Oh Ele, na am oppiaawak, kobol genabib dim lamidttem. Na haen ganeb danab wanppa daatteb, ag ig na ii uuittut, iqaeg mauhmut ele amu, na haen ganeb ag heppig amunu epeɗiadna, ig tiinignu nob ahilagppa eɗukkut?” aon appig.