Daniel 11:7 - Nobonob Baibel

⁷ Amu dimppa amu, ah mauhkku ele, nug tiig laippu, nug wan yau uɗitteppanu daatte, wan amuam Isip wan amu, nug wan amu dilag okkai ba daakku. Nug king ba dayaya, nug aha ukka, wan yawalti uɗitteppanu daatte, nug amu dilag king ele ban hekkulahnu gokku. Nug aha ukka ban ha, nug wan amunu aab aɗ ɠagattagnab ele, king aguppa daatte amu, nug amu ooppa ukka, nug wan amu eɗidkku.

Daniel 11:7 ပူးပေါင်းရင်းမြစ်များ

Job 14:7

Aɗinu? Am inam. Danab nug ad o qiie, ad mameg nug ad amu diɗippa eɗua ba daakkunu dabmak aɗa oikkunu elele. Ao, ad amuam baula ebekkud ele daakku.

Sam 109:8

Na uuidppe, nug bau haen elab daamanu oɗ medattem. Na heppe, laa nug ikki danab daakkunu uɗat nuhig awa daakkunu unuqidttem.

Sam 55:23

Amge, O Kayak, na nau hak danab hadappe nauhna iitta mekkulag. Laa makkuɗe mauhak danab, amu hambuppuak danab ele, ag danab bau daanna, ag mauhkkulag, amge na da padal mepanu ehaniɗkkutnu oolppa genab doottem.

Aisaia 11:1

Danab ag ad oeg qiia, dimppa ad amu ita bette, amubia Jesi buɗub ooppanu laa geha ba, nug king daakku. Ao, ad bunaɗom, diɗi ita qa ba meu otte, amubia Jesi buɗub laa dimppa ba, king dayaya, meu okku.

Aisaia 9:14

Ag anam hekkulag amunu, Yawe Nug Israel wan amu heeb, nauha auta aokku. Nug deɗ laippuppa Israel ikki, boob ele oh otaɗkku.

Jeremaia 12:2

Ag am ad na eppalatte, ag diɗilkad wan ooppanab noppig bia daatteb. Ag ena bena, meu otteb. Ag nahipnu hanhan oɗelagppa maditteb, amge ag oolag am na ele laippu iinab daatteb.

Esekiel 17:18

Juda dilag king nug Babilon dilag king amegppa nai ɠagattag qetta mattiom, amge nug Babilon dilag king ele nug tituana nai qakkak hepiɗ amu, nug nug tituana nai qakkak amu tippalom, amuppa nug nai ɠagattag qettak nuhignu ena iinab doyom. Nug nai qakkak amu dim lamidkkunu nuhig nai ɠagattag qetta a, nug Babilon dilag king ele eppeg aɗak hepiɗ, amge nug amunu hamu bia doya, Isip ehanidkkunu nai me ukkom amunu, nug bu ii eɗidma. Iitta. Nug bu genab aokku,” awa atte.

Daniel 11:40

Amu gog tak haenppa amu, wan yau uɗitteppanu daatte, appan dilag king nug wan yawalti uɗitteppanu daatte, appanu dilag king ele ban hekkun ahakku. Wan yau uɗitteppanu king nug anam aheb, wan yawalti uɗitteppanu dilag king nug doya, nug oppoɗi beeb, nug heeb, nuhikkud daup ag bannu karis attan daan, ban hetteb, nuhikkud daup ag hos attan daan, ban hetteb, nuhikkud bannu uub kuɗum huanak ele ahappeg, ag king laa amu ele ban hekkulagnu huan gokkulag. Wan yawalti uɗitteppanu king nug wan kuɗumnab obatata, ag ele ban haaha, le ui wa gotte bia gokku.

Daniel 11:6

Anam dayeb, maɗ laala ukkebeb, wan yau uɗitteppanu daatte, amu wan yawalti uɗitteppanu daatte, wan aɗit amunu king aɗit aa layam bataya, nai qakkaglah. Amu wan yawalti uɗitteppanu king nug wan yau uɗitteppanu king aɗeg aweb, nug wau daakku. Anam, amge ⌊layam batak nai amu hepeɗ nauheb,⌋ wan yawalti uɗitteppanu king wau nug ele ɠagattag ii daama. Anam amu laa heeb, wan yawalti uɗitteppanu king nug, nug wau, wan yau uɗitteppanu king aɗeg amu, aria aa bekkalah, amu laa ah amu omala uɗiom ele, ag oh mauhkkulag.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Luk 12:20

Nug dabmak nuhigppa anam aum, amge Kayak Nug amegppa aum. ‘Na am Kayak dab-ii-maama ii dim lamittak danab! Gemu tuqan imuppanab amu, na mauhkkut. Anam am, keeke oh na bappaidme daatte amu, aun nug aokku,’ awa aum?”