Daniel 11:6 - Nobonob Baibel

⁶ Anam dayeb, maɗ laala ukkebeb, wan yau uɗitteppanu daatte, amu wan yawalti uɗitteppanu daatte, wan aɗit amunu king aɗit aa layam bataya, nai qakkaglah. Amu wan yawalti uɗitteppanu king nug wan yau uɗitteppanu king aɗeg aweb, nug wau daakku. Anam, amge ⌊layam batak nai amu hepeɗ nauheb,⌋ wan yawalti uɗitteppanu king wau nug ele ɠagattag ii daama. Anam amu laa heeb, wan yawalti uɗitteppanu king nug, nug wau, wan yau uɗitteppanu king aɗeg amu, aria aa bekkalah, amu laa ah amu omala uɗiom ele, ag oh mauhkkulag.

Daniel 11:6 ပူးပေါင်းရင်းမြစ်များ

Job 38:15

Anam amunu, nau hak danab ag ⌊ahilag uɗat uutteb⌋; ag tuqan, gatatu ele ahilag hak nau kuɗum hetteb, amge aam be, ag ahilag gatatu manak aakku daatte. Ao, da hei, aam ba, wan amahlak medatte amunu, nau hak danab ag ahilag hak nau hekkulagnu elele iitta; danab eppeg qiiom bia.

Sam 10:5

⌊Haen Kayak ahilag ib oo ii nette amu, haen amuppa⌋ nau hak danab ag keeke oh hetteb, amuppa ag eleleib hetteb. Ag na Kayak, ag nahip bu qak ag amelag meum daatte am ag ii anidtteb. Ag ahilkad kekeɗ eheɗ nau aon aon aqadtteb.

Esekiel 30:21

“Danab bekka, da hei, Isip dilag king Paro, nug gemu ɠagattagnab ii daatte, danab eppeg qiiom, amubia. Da hei, nug anam daye, laa nug ehanitteb, eɗua ɠagattag daakkunu iitta; nug am danab eppeg qiiom, nug eppeg eɗua, ɠagattag beeb, danab nug qep elab aɗakkunu elele daakkunu laa ehanitta, eppeg iteb, plasta ele qataqekkun laa iitta, amubia.” Nug anam aum.

Daniel 11:13

Aɗinu? Wan yawalti uɗitteppanu king nug eɗua, daup huanaknab, tatam qagmaattom eɗittak, qagmaadkku. Nug amu heeb, maɗ maɗ ukkebeb, haen ena antta, nuhikkud daup huanaknab, ag ahilkad bannu keeke ele elelenab, Isip ele ban hekkulagnu uɗiglag.

Daniel 11:15

Wan yawalti uɗitteppanu daatte, amu dilag king nug uɗia, nug wan yau uɗitteppanu aab okkai laa ele ban hekkulah. Nug nuhikkud daup ele ag aab talilidna daanna, aɗ letaglagnu ag wan buun gokkaɗppeg taata, aabnu aɗ eleleppa tekku. Wan am aabnu aɗ eleleppa teeb, ag aab aɗ ɠagattagnab ele amu aoglag. Ag aoppeg, wan yau uɗitteppanu daup ag daup laa amu noolagppa daan, ban hekkulagnu elele iitta. Ge, ahilkad daup enanagnab, ag daup laa amu ele ban henana, eɗadkkulagnu elele iitta.

Daniel 11:40

Amu gog tak haenppa amu, wan yau uɗitteppanu daatte, appan dilag king nug wan yawalti uɗitteppanu daatte, appanu dilag king ele ban hekkun ahakku. Wan yau uɗitteppanu king nug anam aheb, wan yawalti uɗitteppanu dilag king nug doya, nug oppoɗi beeb, nug heeb, nuhikkud daup ag bannu karis attan daan, ban hetteb, nuhikkud daup ag hos attan daan, ban hetteb, nuhikkud bannu uub kuɗum huanak ele ahappeg, ag king laa amu ele ban hekkulagnu huan gokkulag. Wan yawalti uɗitteppanu king nug wan kuɗumnab obatata, ag ele ban haaha, le ui wa gotte bia gokku.

Daniel 11:7

Amu dimppa amu, ah mauhkku ele, nug tiig laippu, nug wan yau uɗitteppanu daatte, wan amuam Isip wan amu, nug wan amu dilag okkai ba daakku. Nug king ba dayaya, nug aha ukka, wan yawalti uɗitteppanu daatte, nug amu dilag king ele ban hekkulahnu gokku. Nug aha ukka ban ha, nug wan amunu aab aɗ ɠagattagnab ele, king aguppa daatte amu, nug amu ooppa ukka, nug wan amu eɗidkku.

Sekaraia 11:16

Aɗinu? ⌊Na anam heppe, amuam piksa laa bia daakku.⌋ Am da paɗappi, ikki danab nau nug Juda danab ah gumadkku. Ikki danab amu nug sipsip gumak danab ag sipsip ii gumadtteb bia daakku. Sipsip gumak danab nau ag sipsip mauhkkulagnu hetteb am ii ehanadtteb; sipsip yuɗ qettoɗppig ele ag ii mattialadtteb; sipsip laa ag guittak aoppig ele ii ehanadtteb; sipsip beɗulag ena ele amu, ag ee ii madatteb. Ag helob bia amu, ag ii hetteb. Iitta! Ag sipsip beɗulag enanag ele am aqadna lanana, ⌊huppu nakoknab tippalmananu,⌋ ag baelkad di ele oppat-tteb. Ikki danab nau amu, nug anam hekku.