Daniel 11:40 - Nobonob Baibel

⁴⁰ Amu gog tak haenppa amu, wan yau uɗitteppanu daatte, appan dilag king nug wan yawalti uɗitteppanu daatte, appanu dilag king ele ban hekkun ahakku. Wan yau uɗitteppanu king nug anam aheb, wan yawalti uɗitteppanu dilag king nug doya, nug oppoɗi beeb, nug heeb, nuhikkud daup ag bannu karis attan daan, ban hetteb, nuhikkud daup ag hos attan daan, ban hetteb, nuhikkud bannu uub kuɗum huanak ele ahappeg, ag king laa amu ele ban hekkulagnu huan gokkulag. Wan yawalti uɗitteppanu king nug wan kuɗumnab obatata, ag ele ban haaha, le ui wa gotte bia gokku.

Daniel 11:40 ပူးပေါင်းရင်းမြစ်များ

Aisaia 21:1

Nai meunab ele Babilon wanppanu Yawe he, Aisaia doyom ele am iikku. Wan laa, wan amuam atu taɗak, wan amunu danab ag danab ɠagattagnab, laa ag amu dilagnu baɗak eheɗ nau dootteb ele, amu wan amunu ban danab ag ulah ɠagattag kilibob atteb, Negeb atu taɗakppanu eheɗ uuetta uɗia, atu qette amu, ag amubia uɗin, Babilon heppeg nauhkku.

Aisaia 5:28

Ahilag lat aeg am aeg hawaɗnab, ahilag lat am omanak daaglag. Ahilkad hos am ag baelag di ɠagattag, men bia; panakkunu ele iitta. Ahilkad bannu karis am huan, pahanab gokkulag, bannu karisnu wil itoɗiak am ulah kilibob itoɗiaya gotte, amubia itoɗikku.

Aisaia 66:15

Aɗinu ⌊ag amu dooglag⌋? Antteg! Yawe Nug aab aɗu eleppa uɗikku. Nug ban danab bannu karisppa dayaya ulah kilibob gotte bia gotte, Nug anam bia uɗikku. Nug oppoɗi huana beebeb, danab ah eheɗ hetteb ele bu eheɗ madakku. Ao, nuhig oppoɗi bak am aab aɗu bia dayaya, Nug ag bu okkai madakku.

Jeremaia 4:13

Antteg! Danab amu, nuhikkud daup ele ag ulah lombig ye, paha paha laih gotte bia uɗitteb. Nuhig bannu karis ag kilibob huana gotte bia uɗitteb. Nuhig hos ag ai igel paha paha hagagaɗa gotte, ag amubia oitteb. Anam amunu, Juda danab ah ag anidna, ag, ‘O gadonnab gadon, ig eheɗ aognig! Gadonnab gadon. Aɗinu? Ig aakku padal mekkunig!’ akkulag.

Esekiel 38:4

Danab ag huk doɗ okkai oɗeppa mena eeɗtteb, amubia da na eɗuidppi daappe, da na eeɗitten heppi, na padal mekkut; na, nahipad daup oh ele. Da heppi, nahipad hos, nahipad daup, ag qep keeke elelenab aɗan, hos attan daan ban hetteb, amu nahipad daup huanaknab, laala ag guppiɗ okkai aɗatteb, laa ag guppiɗ nakok aɗatteb, ag oh qep elab human oitteb amu, da heppi, ag oh nauhkkulag.

Esekiel 38:9

Amu Gog na, nahipad daup, wanppan wan laalappan daup na ele daatteb amu, ag oh ahan, ulah huanak uɗitte bia gonana, lombig wan tonatte bia wan amu tonaglag.’ ” Yawe Nug anam atte.

Daniel 11:10

Nug eɗua ukkeb, dimppa nug bekkod ag ahan, ag daup huanaknab qagmaadna, ag ahan, le ui wa ukka, laa heeb iitta mekkunu elele iitta bia gona, ag wan yau uɗitteppanu daatte dilag aab aɗ ɠagattagnab daatte batak gona tekkulag.

Daniel 11:11

Ag gona wana teppeg, wan yau uɗitteppanu daatte, amu dilag king nug amu antta, oppoɗi beeb, ameg kokoɗ eppeb, nug aha, wan yawalti uɗitteppanu dilag king ele ban hepeɗ, nug eɗitteb, king amu, nuhikkud daup huanak ele ag nug eppegppa daaglag.

Daniel 11:13

Aɗinu? Wan yawalti uɗitteppanu king nug eɗua, daup huanaknab, tatam qagmaattom eɗittak, qagmaadkku. Nug amu heeb, maɗ maɗ ukkebeb, haen ena antta, nuhikkud daup huanaknab, ag ahilkad bannu keeke ele elelenab, Isip ele ban hekkulagnu uɗiglag.

Daniel 11:22

Nug king ba dayaya, nug wan laappan daup huanak ele ban hekku amu, nug ag eɗatta, heeb nauhkkulag. Nug amu ha, nug Israel danab ah, Kayak he, ag Nug ele nug tituanna nai qagappig amu, nug ahilag okkai am ele heeb nauhkku.

Daniel 11:25

Nug daup huanak qagmaatta, nug amu hekkunu dabmak awawa, ooppa ɠagattag doya, nug wan yau uɗitteppanu king baneb uɗikku. Nug uɗieb, wan yau uɗitteppanu daatte dilag king nug daup huanak, ɠagattagnab ele qagmaatta, king laa amu ele ban hekkulahnu uɗieb, daup amu oh ag ban hekkulag. Anam daakku, amge laa kuɗum ag wan yau uɗitteppanu daatte dilag king hambuppuidna, heppeg nauhkkunu hekkulag amunu, king amu nug ɠagattag ii daama.

Daniel 11:35

Haen amuppa danab doyak dabmak ena ele laala, ag oppiaawak, dubuttid iitta, ag eheɗ hak laa iitta ele daaglagnu, uug anam ahilagppa bekku. Uug amu beeb ukkeb, haen gogppa tekku. Aɗinu? Kayak Nug haen gog tekkunu tituanom amu, haen amuppa am gogppa tekku. Ii baolima.

Daniel 11:39

Nug kayak hambuppuak amu, nug nuhig ehanittakppa aab aɗ ɠagattagnab ele, laa oh eɗattak eɗadkku. Nug laa oh ag nuhignu, nug am ahilag okkai daatte miag maditteb amu, nug ag binalag madakku. Nug heeb, ag wan laalappan danab ah dilag gumak danab daaglag. Nug laa ag nuhignu, nug okkai daatte miag maditteb wan madakku.

Daniel 11:7

Amu dimppa amu, ah mauhkku ele, nug tiig laippu, nug wan yau uɗitteppanu daatte, wan amuam Isip wan amu, nug wan amu dilag okkai ba daakku. Nug king ba dayaya, nug aha ukka, wan yawalti uɗitteppanu daatte, nug amu dilag king ele ban hekkulahnu gokku. Nug aha ukka ban ha, nug wan amunu aab aɗ ɠagattagnab ele, king aguppa daatte amu, nug amu ooppa ukka, nug wan amu eɗidkku.

Daniel 12:4

Amge Daniel, keeke na anidme, buk itoɗiakppa yaak niitte am paha meu ii oma. Haen elab ukkeb, meu okku amunu, na nai amu qettoɗmanu aɗi hekkutnu daatte amu, na pehettak babaitte! Kuɗum ag doyak tuɗidna aoglagnu ag laih wana, eɗun laih dona, ahan laih gokkulag, ⌊amge doyak amu buk imuppa iikku daatte⌋,” awa aum.

Daniel 12:9

Da anam oɗ mettai, nug da amelppa aum. “Daniel, na maɗoɗ ele daye! Aɗinu? Nai imu qettoɗmanu babaittak aakku daatte. Am anam dayebeb ukkeb, gog tak haenppa nai imuam daakku.

Daniel 8:17

Baag anam a, Gabriel nug da gukkuiɗa uɗie, da baɗak eheɗ nau doyen, da wanppa nein qemi. Da nein qein daaiyi, nug da amelppa aum. “Danab bekka, na imu doye! Tulegleg na anidttem imu, tulegleg imuam gog tak haennu keeke.

Habakuk 3:14

Danab amu, nuhikkud daup ag ahan, huan uɗin, ig danab ɠagattag iitta ele, ig daɗek danab lokkumta daamut, ag ig lamigppeg, ig oolta, tamtam daagnignu, ag ig iqappeg mauhkkunignu dabmena, gamag ahak doon, danab ee lab iitta mekkunu hette bia ihinigppa hekkulagnu daappig amu, haen amuppa na daup amu dilag okkai, na danab amunu ban gudkkud aɗan, nuhig ban gudkkud igippa yaae noum.

Sekaraia 9:14

Yawe Nug nuhikkud danab ah dilagppa tula ba boppalatteb, nuhig lat doɗo oh pahanab, amemɗi pahaedatte bia gokkulag. Naɗi Yawe Nug trampet iwala, Nug ulah kilibob, atu taɗak yau uɗitteppanu daatte, appanu huana uɗitte, amubia Nug nuhikkud kekeɗ ele ban hekkulagnu gokku.

Revelesen 16:12

Ag oolag ii eɗue, engel ebqak 6 nug oppoɗi bak Kayak Nug danab dilag hipuninnu dootte amu, oppoɗi bak amu tappiɗ nuhigppanu gokkaɗe, Yupretis leppa no, le amu aam bedeppan king ag gona ban hekkulagnu ib bappaidkkunu qaɗaiettom.

Revelesen 9:16

Amu daup ag engel waɗele amu waalagppa ban danab hosppa daappig ele am huanaknab; am 200 milion. Da ahilag ebqak doomi.