Daniel 11:37 - Nobonob Baibel

³⁷ King amu nug mamekkud aɗi dilag kayak dab-ii-mema. Nug ah ag kayak laanu oolag mauhtte ele, nug laa amu dab-ii-mema. Ge! King amu nug kayak laalanu ii dabmema. Aɗinu? Nug nukka, nug kayak laa oh, Kayak genab ele eɗattak daatte dabmekku.

Daniel 11:37 ပူးပေါင်းရင်းမြစ်များ

Genesis 3:16

Yawe Kayak Nug anam awowa, Nug eɗua, ah amegppa aum. “Da heppi, nid awak haenppa na guittak okkai dookkut. Ao, na guittak doon, nid menuadkkut. Na gamutnu oot huanaknab daakku, amu nug na gumidkku,” awa aum.

Genesis 3:5

Kayak dootte, haen aa ad amu meu lakkulah amu, aa keeke ena, nau ele dooyya, Nug bia daaglah amunu, ⌊Nug ɗo meum⌋,” awa aum.

Solomonnu Ahi 7:10

Laa nug dahilnu oo mauhtte ele amu, da nuhig daattem; nug dahilnu, nug oo okkai daatte.

Aisaia 14:13

Na nakka, nahip dabmakppa, na ame. “Da geha attannab hab eɗitten tein ukken daakkul. Geha da heppi, dahil sia king am Kayaknu hoɗoppai daatteb eɗatta ta daakku. Da geha anam hein, da geha sia king dahilppa qauko kayak qagmena daattebppa daakkul. Ao, da geha qauko ⌊kayak daatteb, da⌋ amuppa attannab daakkul.

Aisaia 14:14

Da geha attan tein ukke, lombig eɗitten daakkul. Da dakka da hein, da geha Kayak Attannab, laa oh eɗattak daatte bia daakkul.”

Esekiel 24:16

“Danab bekka, da heppi, laa na nuhignu oot huanaknab mauhtte amu, nug mauhkku. Nug oɗe ma, haen elab dayaya ii mauhma. Iitta. Nug danab oɗe awa, pahanab mauhtte bia mauhkku. Nug mauhkku, amge na mahittak, gayak, ele nuhignu aib heme. Amen leb ele aib neum.

Esekiel 28:2

“Danab bekka, na Tair dilag king amegppa, ‘Naɗi Yawe Nug inam atte,’ ana, na nai imu ele appe doyaɗ! ‘Na ootppa dada kobol henan, na, “Da am kayak laa, da kayak laanu sia enanagppa yu gamagppa iikku daattem,” mattin attem. Amge na am danabib, na kayak laa iitta. Na doyak dabmak ena nahipnu am kayak laanu bia daatte dabmettem, amge iitta!

Daniel 11:36

Wan yawalti uɗitteppanu daatte, wan amunu king nug aɗi hekkunu oo hette amu, nug aakku hekku. Nug nukka haaha, nug kayak oh eɗattak dabmekku. Nug Kayak, kayak laa oh eɗattak daatte amu, nug nuhignu nai nau, laa nug nai amubia deɗ laa ii mattiom amu, nug nai amu nuhignu madikku. Kayak Nug danab ah hipunin heppeg, oppoɗi bak doya, bu madakkunu haen tituanom, haen amu iitta ii meebeb, king amu nug aɗi hekkunu dabmekku am hekku. Laa nug ib oo ii nema. Aɗinu? Kayak Nug danab ah ag eheɗ heegeg, bu atten aoglagnu dabmak awe ɠagattag eppom daatte amu, ag amu haenppa aoglagoitte.

Daniel 11:38

Nug kayak laa oh, Kayak genab ele ii dabmema, amge nug kayak laippuib binag mekku; amuam kayak laa aab aɗ ɠagattagnab ele ehanadtte atteb, kayak hambuppuak amu nug binag mekku. Nug mamekkud aɗi ag kayak amu ii dooppig. Nug kayak amu binag maama, gol, silwa, men daden nob okkainab ele, amu laa, nuhig daakkunu keeke, daden nob okkainab ele, am nug medakku.

Daniel 8:11

Qeqeɗi tatam nakok dayom amu, qeqeɗi amu nug nukka nug ha, nug Kayak, hab daup oh gumadtte, nug Nug bia daakkunu wagai ma haaha, nug laa ag deɗ oh doɗ manan, Kayak medatteb ele, nug he, ag mana mettak amu ii heegeg, nug he, Kayaknu mettid lag am keeke hamu bia dayom.

Duteronomi 21:11

ag aɗalatteg, ag eppelagppa daatteb ele oolagppa ah laa enanag, iɗu tuqak ele anidna, na nuhignu ena doon, na nug nahip ah daakkunu aokkutnu hekkuttai.

Duteronomi 5:21

Na layap wau aib amen qeeb aolomnab dabmak eheɗ aome. Laa amu, na layap laug, o wan nuhig, o maɗi nid nuhig, o nuhig maɗi ah, o nuhig makau okkai ebehi ele, o nuhig donki, o nuhig keeke laala ele, na amu ohnu na aib amen qeeb aolomnab dabmak eheɗ aome.” Yawe Nug nai amu oh Israel danab ah amelagppa aum.

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.

1 Timoti 4:3

Danab amu ag ewau matulak kobolnu aib anana, ee laalanu, Kayak Nug danab ag oolagppa genab dootteb, doyak diig genabib ele dootteb, ag ee amunu Kayak binag menana, ee amu aon lakkulagnu he beppig ele amu, hambuppuak danab amu ag ee amu ele lakkulagnu aib atteb.