Daniel 11:17 - Nobonob Baibel

¹⁷ Amu nug inam dabmekku. ‘Da dahilad daup ohnab, ban haknu keeke ohnab awen ele, da uɗie ukken, da heppi, wan yau uɗitteppanu dilag king nug da ele nai qakkagnih,’ dabmekku. Nug anam dabma, nug wagai ma, wan yau uɗitteppanu dilag king abenab aokkunu uɗia, aɗeg laa wan yau uɗitteppanu king, nug wau daakkunu medakku. Nug amu hekku, amge ii ehanidma.

Daniel 11:17 ပူးပေါင်းရင်းမြစ်များ

2 King 12:17

Juda dilag king Joas nug Yawenu mettid lag bappaidkkulagnu danab otiattom, amu dimppa Aram dilag king Hasael nug ban danab nuhikkud diie uɗin, Gat aab okkaippa ban hena, ag Gat eɗadna, aab ahilag amu aoppig. Aria, ag aab amu awona, ag Jerusalem aqaglagnu eɗun goppig.

2 Stori 20:3

Ag aeg, Jehosapat doya, nug baɗa aha, nug Yawe antta dim lamidkkunu Nug madikkunu dabmak ɠagattag awa, nug Juda danab oh ag ee ohnu kud mena daaglagnu nai me ukkom.

Sam 56:9

Anam ⌊amunu⌋ da na ehaniɗkkutnu oninppa ekkul. Da eppi, na heppe, deɗ amuppa kekeɗ dahilad ag bittumttum gokkulag. Ge, da imu doottem. Na, Kayak, na dahil ehanittak daattem.

Prowerb 19:21

Danab ag keeke laala haknu maittak digdig kuɗum aotteb; amge Yawe Nug aɗi bekkunu oo daatte ele amu, gog takppa amuib aakku bette.

Esekiel 17:17

Nug Isip dilag okkai Paro, nug nug ehanidkkunu dabma he, nai amu Isip wanppa ukkom, amge Paro, nuhikkud daup huanaknab, ɠagattag ele ag nug ii ehanidmana. Babilon dilag king nug nuhig daup ele ag uɗin, Juda dilag daup, danab ah ele kuɗum aqaglagnu hena, Jerusalem talilidna, ban henana, ag wan buun, aabnu aɗ elele mekkulagnu aon gokkaɗnana, bannu keeke laala ele bappaidkkulag amu, haen amuppa Paro nug Juda dilag king nakok laa ii ehanidma.

Esekiel 25:2

“Danab bekka, na Amon danab ah neekkadna, uug naunab ahilagppa beeb anidkkulagnu propet nai anana,

Esekiel 4:3

Na amu hewona, na tappiɗ aenppa hak aon, aab dottog amu daugppa mena, na heqo laih daakkut; amuam aennu aɗ bia aab okkai, na ele gamalahppa daakku. Na amu oh heppe, aen tappiɗ amu na noomppa dayebeb, na anam daanna, na kekeɗ ag aab amu eɗidkkulagnu oo mattan aqaglagnu maadna daaglag, ag daaglag bia na daakkut. Na daanna, anam hebeppe, Israel buɗub ag amu anidna, ahilagppa aɗi kobol bekkun daatte anidkkulag. Na hettem, amuam kobol bekkun daatte, amunu at daakku.

Esekiel 4:7

Na anam niin, na Jerusalem, kekeɗ ag uɗin oo mattan aqaglagnu meidna daaglag amu, na amunu dottog bappaidme, na amu neekkidna, na eppen, gukkan ukka, eppen doɗo batak, na eppen amu oh hautak iitta daanna, na uug naunab Jerusalem aabppa beeb daakkunu propet nai appe doyeg!

Daniel 11:19

Nuhig daup gumak okkai laa nug anam heeb, king nug eɗua, nug wanebppa aab aɗ ɠagattagnab laala eleppa ukka dayaya, king nug na qeeb, laa baula nug ii anidma.

Daniel 9:26

Amge haen maha 62 amu dimugppa ⌊huu laa⌋ ag heppeg, laa king daakkunu goɗen gokkaɗakppa tituanak ele, nug king ii daama, nuhig ehanittak laa ele ii daama. Wan laappan okkai, dimppa aha amu, nug nuhikkud daup ele ag uɗin, Jerusalem, Kayaknu mettid lag ele heppeg nauhkku. Ag le ui uɗia keeke he nauhtte, amubia ag Jerusalem, Kayaknu mettid lag ele heppeg nauhkkulah. Aria, amu dimppa ukkeb ukkeb, gog tak haen batak amu, ban hak, keeke heeb nauhak ele daakku.

Habakuk 1:9

Ag ohnab ag laa guittak nau mauhnoak mettak kobol aakkuib dabmenan uɗitteb. Ahilag ebqak am huanaknab. Ag ulah atu taɗakppanu uɗitte bia uɗitteb. Ag danab ah huanaknab, ihi yu ihippa niitte bia daaegeg, diin maniguadtteb.

Matyu 12:30

Am danab laa nug da ele layam iitta amu, nug dahil kekeɗ. Danab laa nug da keeke qagmettem ele, nug ii ehaniɗa qagmette amu, nug aakku keeke ehale gotte.

Luk 11:23

Am danab laa nug da ele layam iitta amu, nug dahil kekeɗ. Danab laa nug da keeke qagmettem ele, nug ii ehaniɗa qagmette amu, nug aakku keeke ehale gotte.

Luk 9:51

Amu Jesus Nug eɗua Mameg toppa gokkunu haen miag do doyaya, Nug Jerusalem gokkunu dabmak ɠagattag awom.

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.