Daniel 10:8 - Nobonob Baibel

⁸ Ag oolna gona, lokkumna daappig amunu, da dakka dayeye, da tulegleg ɠagattag amu anidmi. Da anittitti, da beɗul gai-iitta me, da iɗul hakkab eppe, da aɗi hekkulnu elele iitta daami.

Daniel 10:8 ပူးပေါင်းရင်းမြစ်များ

Genesis 32:31

Dimppa aam be, Jakop nug Penielnu aha, autaut ukkom. Aɗinu? Nug maɗog am guittak awom.

Eksodas 3:3

Antta, aakku Moses ⌊nug dabmak kuɗum awawa,⌋ nug nukka nukka mattia nug aum. “Keeke umu am aɗi keekenab? Da gukkuitten wain, aɗinu aab diditte, amge ad nakok umu ewa ii malatte amu, da anidkkul,” awa aum.

Daniel 10:16

Da anam daaiyi, laa beɗu danab bia nug da ottil nakokib aɗe, da oɗelppa digmein nai mattimi. Da laa da noolppa daye, nug amegppa ami. “O naɗi dahil, da tulegleg imu anittitti, tulegleg he, da beɗulppa guittak dooi, beɗul gai-iitta ma aut auta awom.

Daniel 10:17

Da am nahip maɗi nid. Na dahil okkai. Da attem heppi, na ele nai mattignih. Dahil ɠagattag iitta meum. Da noolppa hik aokkulnu uug doottem,” awe ami.

Daniel 7:28

Da Daniel, da anam aakku antten doomi, amu da dabmak huanak aomi. Da iɗul am hakkab eppom, amge da laa amegppa amunu laa ii mattimi.

Daniel 8:27

Da, Daniel, da amu antten malen, da beɗul gai-iitta me, da deɗ nakok kuɗum oɗe mein daami. Da oɗe mein daai ukke, eɗue ahen, kingnu uɗat tuɗitten hemi. Da tulegleg anidmi amu, da amunu dabmak huananab aomi. Laa nug tulegleg amunu diignu doyak tutukku aɗakkunu elele iitta.

Daniel 8:7

Nug qaietta ukka, sipsip dawai qekkunu huana ha, nug he, sipsip dawai qeqeɗi aɗit oh aakku qiipiɗ. Qeqeɗi qiieh, sipsip dawai nug ɠagattag daakkunu, aɗi laa hekkunu am elele iitta. Nug gai-iitta anam dayeye, meeme dawai duttune, sipsip dawai na qe, meeme dawai nug baegppa tappa oɗoɗe nauhom. Amu laa nug sipsip dawai ehanitteb, ena daakkunu elele iitta.

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

Matyu 17:6

Awa a amu, ippunittak awak danab ag nai amu doona, ag eheɗ nau baɗan, nena qena, iɗulag wanppa lokkumidna niippig.

Mak 9:6

Aɗinu nug anam aum? Ag baɗan daanna, nai laa anak iitta amunu, Pita nug nai amu aum.

Jon 16:32

Antteg! Haen aakku miag uɗiom. Ao, haen aakku doum. Laa ag ag lamadppeg, da uuiɗna, matatun appalagppa ukkadkkulag. Amge da dakka ii daapa. Iitta. Da Mamel Nug da ele daagnih.

2 Korint 12:7

Tatam danab laanu mattimi amu daib. Paradisppa amu Kayak Nug da keeke ippuniɗom ele, amuam keeke okkainab. Amunu diig amunu Kayak Nug da dakka onil huan humapanu Nug da beɗulppa keeke laa, qaun bia, da yaaiɗkkunu meɗom. Amuam Satannu maɗi nid, nug da dakka onil huan humapanu tappiɗeb nekkulnu daatte.

Revelesen 1:17

Da Nug anam anttena, mauhak bia Nug baegppa nein qemi. Amge Nug eppeg naɗiap da qaɗelppa ma dayeye, Nug da amelppa aum. “Na aib baɗame. Da hanhan daattem; anuqakppa, batakppa ele da daattem.