Daniel 10:3 - Nobonob Baibel

³ Mettid ewam amuppa da ee miti enanag ele laa ii lami. Da doɗ teppu, wain ele nakok iinab lami. Da le laye dimppa goɗen beɗulppa ele ii laidmi. Da anamib daai ukke, mettid ewam amu male, da eɗuen, ee oh lainne, beɗul ele atognomi.

Daniel 10:3 ပူးပေါင်းရင်းမြစ်များ

2 Samuel 19:24

Amu Saul alag Mepiboset, nug ele king uɗa tekkunu ukkom. Dawit nug Jerusalemnu aha ukkom, haen amuppa Mepiboset nug digma, ⌊Dawit mahittatta,⌋ nug baeg ii iha, id ii awa, lamen ele ii ihom ukke, King Dawit maɗoɗ ele eɗua uɗiom batak.

Job 33:20

Nug amu hette amunu, danab oɗe amu ele nug ee lakkunu elele iittanab dootte. Ao, nug ee enanagnabnu ooppa uuaknab dootte.

Daniel 10:12

Nug anam mattie, da hibaitten daai, nug tuɗitta aum. “Daniel, na aib baɗame. Aɗinu? Na digmena, diignu doyak tutukku aokkutnu henana, na nakka na nahip Kayak noobppa na onin qee neum, deɗ amuppanab Kayak Nug nahip unuqittak doya he, da ehanidkkulnu uɗikkulnu hemi,

Daniel 11:8

Nug anam ha, nug ahilkad kayak dottolkad gol, silwa eleppa hak amu, nug amu akka, nug ahilkad en, gol, silwappa hak ele akka, keeke amu oh diia, Isip gokku. Nug anam ha mala, maɗ nakok kuɗum nug wan yawalti uɗitteppanu daatte, nug amu dilag king baneb ele ii goma.

Daniel 6:18

Anam daye, king nug eɗua, nuhig lag enanagnabppa ukka, nug tuqan amu ee laa ii laum. Nug danab, o ah ag ahi keeke edappeg, ena dookkunu ele uuom. Nug niikkun elele iitta.

Amos 5:11

Ag daɗek danab keeke ebappig ele, ag attem attem ebappignu takis mekkulagnu heeg mattaeg; ag ee aeg awak dimppa ele takis amunu laa ele aotteb. Ag danab eheɗ amu hetteb ele, ag anam hetteb amunu, ag laulkad ena ena, men otaɗa babaittak eleppa hadappig amu, ag lag amuppa ii daamna. Ao, grep dad ag eppaladppig amu, ag amuppanu wain ii lamana.

Nahum 2:9

Ag anam hebeppeg, kekeɗ aab eɗidppig ele ag ekkulag. “Silwa huanaknab daatte amunu, ig aotu! Ao, gol ele huanaknab daatte amunu, ig aotu! En naɗi bodok iitta daatte. Ge, en imuam ebqaknu elele iitta,” enana akkulag.

Matyu 6:17

Amge danab ag na ee ohnu kud men daattem ii doomnanu, na ee ohnu kud men daanna, na iɗun ihan, ikkin qe! Na Mamen, Nug miag atiak ii daatte, Nugib dookku. Na Mamen, Nug keeke miag atiak iitta oh anidtte amu, Nug na nob ena eɗua medakku.

Luk 7:46

Amu na da ikkil goɗen ii laaidme, amge ah imu nug leppu muttuɗig enanag ele awa uɗia, da bael gokkaɗ qettom.

1 Korint 9:27

Genab, da Nai Ena danab laaib dooglagnu mehuqen, dimppa da hipunin hein nein qepanu, da dakka da beɗul qei ne, dabmak da ool unuqagppa daatte aakkuib da beɗul dim lamidtte.