Daniel 10:16 - Nobonob Baibel

¹⁶ Da anam daaiyi, laa beɗu danab bia nug da ottil nakokib aɗe, da oɗelppa digmein nai mattimi. Da laa da noolppa daye, nug amegppa ami. “O naɗi dahil, da tulegleg imu anittitti, tulegleg he, da beɗulppa guittak dooi, beɗul gai-iitta ma aut auta awom.

Daniel 10:16 ပူးပေါင်းရင်းမြစ်များ

Eksodas 4:10

Yawe Nug Moses amegppa anam aum, amge Moses nug Yawe amegppa aum. “O Naɗi, nai mattiak dahil, amu laa ittag ii aqatte. Aɗinu? Da oɗel uugnab daatte. Da lemaɗul ele uug daatte. Da anukka anamib daami, gemu ele, na da amelppa nai iikku madittem, amge da daamibia, da anamib daattem ⌊amunu, da uɗat amu hekkulnu elele iitta⌋,” awa aum.

Eksodas 4:13

Yawe Nug anam aum, amge Moses nug eɗua amegppa aum. “O Naɗi, ⌊gadon, da elele iitta.⌋ Na danab laa appe gokkunu oɗ medattem,” awa aum.

Eklisiastis 1:18

Aɗinu? Danab nug doyak dabmak ena okkai ele, nug ele oo doyak okkai ele. Ge, danab nug doyak okkai ele, nug ele ooppan guittak okkai ele.

Aisaia 6:7

Nug awa uɗia, aab ottag amu da ottilppa nakokib ma, nug da amelppa inam aum. “Antte, da aab ottag na ottinppa memi. Gemu na beɗunppa aab laa iitta. Gemu ⌊Naɗi Nug⌋ nahip hipuninnu nob nau nuhig uɗat naɗippa iitta mekkunu ha malom,” awa aum.

Jeremaia 1:9

Yawe Nug anam awowa, Nug eppeg bahia, da oɗel lauɗitta, Nug da amelppa aum. “Da dahil nai na oɗenppa aakku memi.

Esekiel 1:26

Amu da neekki te, tappiɗ daatte, amu attan amuppa da keeke laa sia king bia daye anidmi. Sia amuam men sapaia, anttak enanag ele, amuppa hak. Sia amuam tappiɗ diig laa miag guguittak iitta, attannab dayom, am da sia amuppa laa, Nug beɗu amu danab beɗu bia, da nug sia amuppa heɗep na dayeye anidmi.

Esekiel 3:27

Na anam daakkut, amge haen laa da na nai madikkutnu dabmekkul amu, da heppi, na oɗen am qamutak ii daamna. Na oɗen qamutak ii daamna, na ag amelagppa, ‘Naɗi Yawe, Nug inam atte,’ awona, nai laa da na ippunidkkul oh ele appe dooglag, amge Israel danab ah ag am nai tappe nak danab ah daatteb amunu, na madippeppe, aun laa nug dookku amu, nug dookku. Aun laa nug ii dookku amu, nug ii dooma. Amuam nahip keeke iitta, ahilagppa daatte.” Yawe Nug da amelppa anam aum.

Esekiel 33:22

Amu danab nug deɗ amuppa uɗia, da amelppa aum, amge danab amu nug da gumiɗa ii uɗiak haenppa, butti uɗikku amu, deɗ amuppa tueb Yawe Nug da nuhig uɗat hekkulnu aɗaila he, da oɗel oppate, nai mattimi. Anam amu, anam ukke, wagɗe buttua deɗ amuppa danab amu uɗiom. Amu Yawe Nug anam heum amunu, da oɗel qamuttak ii dayeye, da nai madikkulnu elele daye, da nai mattimi.

Daniel 12:8

Nug anam aum, amge da, Daniel, da nug aum amu, da amunu diignu doyak tutukku ii aɗen, da nug oɗ mettami. “Aakku, amge O naɗi, imunu gogppa tak am attem?” awe oɗ mettami.

Daniel 4:19

King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Daniel 7:15

Da, Daniel, da anam tuleglegppa keeke digdig anadmi, da amunu da oolppa uug nau doyen, da amunu dabmak huanaknab ele aomi.

Daniel 7:28

Da Daniel, da anam aakku antten doomi, amu da dabmak huanak aomi. Da iɗul am hakkab eppom, amge da laa amegppa amunu laa ii mattimi.

Daniel 8:15

Da Daniel, da tulegleg amu andette, da tulegleg amunu diignu doyak tutukku aɗakkulnu dabmein daaiyi, laa nug beɗu am danab beɗu bia, nug da noolppa tula ba, da noolppa hibaitta dayom.

Daniel 8:17

Baag anam a, Gabriel nug da gukkuiɗa uɗie, da baɗak eheɗ nau doyen, da wanppa nein qemi. Da nein qein daaiyi, nug da amelppa aum. “Danab bekka, na imu doye! Tulegleg na anidttem imu, tulegleg imuam gog tak haennu keeke.

Daniel 8:18

Da wanppa niiiyi, nug nai mattieye, da mauhak bia daaiyi, da iɗul wan yom. Da anam daai, nug aɗaila ehaniɗe, da hibaitten daami.

Daniel 8:27

Da, Daniel, da amu antten malen, da beɗul gai-iitta me, da deɗ nakok kuɗum oɗe mein daami. Da oɗe mein daai ukke, eɗue ahen, kingnu uɗat tuɗitten hemi. Da tulegleg anidmi amu, da amunu dabmak huananab aomi. Laa nug tulegleg amunu diignu doyak tutukku aɗakkunu elele iitta.

Daniel 9:21

haen amuppanab Gabriel, nug pahanab hagagaɗa, gumiɗa uɗiom. Nug da laa anukka tuleglegppa anidmi, nugib aakku. Nug mana mettak danab hanhan tueb meeme, doɗ laa manan, Kayak medatteb, nug tueb haen amuppa dahilppa uɗiom.

Luk 1:64

Nug nid onig ye anidna, ag dabmak kuɗum aoegeg amu, haen amuppanab Sekaraia nug oɗe oppate, lemaɗu uug iitta me, nug nai mattiaya, Kayak binag meum.

Luk 21:15

Aɗinu? Da geha da dakka ag nai akkulagnu oɗelagppa mein, dabmak ena ele madakkul. Geha kekeɗ ahilkad ag da nai madakkul amu otaɗna tabappeg nokkunu ele iitta.

Jon 20:28

Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.

Josua 5:14

Josua nug anam oɗ mette amu, danab amu nug nob ma aum. “Da ahilagnu laa iitta; da kekeɗ dilagnu laa ele iitta. Aɗinu? Da Yawenu ban daup ikki daattem,” awa aum. Nug anam a amu, Josua laippun gateg qaun o, gomela, iɗu wanppa ma, nug aum. “Da amu nahip maɗi nid laa. O naɗi, na da aɗi nahip hekkulnu oot daatte?” awa aum.

Revelesen 1:13

Anam andette amu da laa, nug danab bia, lam maknu balal amu oh oolagppa hibaitta dayeye anidmi. Nug lamen elab ukka baegppa batak takkowa, lamen golppa hak momoppa qakkom.

Ikki Danab 13:8

Ah nug anam Manoa amegppa mattie doya, nug Yawe unuqitta aum. “O Naɗi, Kayaknu danab laa uɗia, ah dahil amegppa nid laa menugnihnu aum amu, nug eɗua uɗia, i nid menugnih amu, i nid amunu ɗo attem attem laa ele dim lamidkkunihnu ab doognihnu na heppe, nug eɗua uɗia, ab doognihnu ool ohppa oɗ medattem,” awa unuqittom.

Ikki Danab 6:13

Yawenu engel nug anam aum, amge Gideon nug oɗeppa awa aum. “O Naɗi, gadon, amge Yawe Nug ig ele daattem dayeb amu, aɗinu keeke imu oh ihinigppa inam beum? Amu aɗinu Yawe Nug uɗat okkai, danab haknu elele iitta, ig mamenkad aɗi dilagnu he, ig mamenkad ag ig amenigppa amunu appig amu, aɗinu Nug anam ii hette? Yawe Nug ig Isipnu aikka iite uɗiom? Amge gemu amu, Yawe Nug ig uuikka, Midian eppelagppa meikkom,” awa aum.

Ikki Danab 6:15

Yawe Nug anam aum, amge Gideon nob ma aum. “Amge O Naɗi, da attem hein, Israel Midian eppelagppan eɗue diikkul? Aab ikki dahil am, Israel dilag huu okkai Manase ooppanu ɠagattag iitta daatte, amu da am ɠagattag iittanab baeladppa oolagppa daattem,” awa aum.