Daniel 10:12 - Nobonob Baibel

¹² Nug anam mattie, da hibaitten daai, nug tuɗitta aum. “Daniel, na aib baɗame. Aɗinu? Na digmena, diignu doyak tutukku aokkutnu henana, na nakka na nahip Kayak noobppa na onin qee neum, deɗ amuppanab Kayak Nug nahip unuqittak doya he, da ehanidkkulnu uɗikkulnu hemi,

Daniel 10:12 ပူးပေါင်းရင်းမြစ်များ

Sam 69:10

Haen da gayeye, kud daattem, haen amu danab ah laa ag dahilnu, “Keeke hamunab,” dootteb.

Aisaia 35:4

ag danab ah ag baɗan oitteb ele amelagppa inam appeg doyeg! “Ag ɠagattag dayeg! Ag aib baɗappig! Ahilag Kayak Nug ag ehanadkkunu uɗia, kekeɗ ahilkad amu, Nug ag eheɗ heppignu nob tutukku madakku. Nug uɗia, ahilkad kekeɗ nob madatta, bu nau madakku. Nug ag ehanatteb, padal ii memananu uɗikku.” Ag anam aon aig!

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Aisaia 41:14

O ag Jakop buɗub, ag ahilag ɠagattag am maɗuai bia, amge ag aib baɗappig. Ao, ag Israel danab ah ag ahilag ebqak am kuɗum iitta, amge ag aib baɗappig. Da Yawe, da ag ehanadkkul.” Yawe, Nug am ag Israel, ahilag qagaiettakppanu eɗua uhuqaknu ehanittak, Nug ele ag Israel, ahilag Kayak Oppiaawak Ele amu, Nug anam atte.

Aisaia 58:9

Ag anam hena, ag geha Yawe onigppa eppeg amu, Nug ag oɗelagppa aokku. Yo, ag geha Nug onigppa ehanadkkunu eppeg amu, Nug ag oɗelagppa awa, “Da iikku daattem”, akku. Ag laa ɠagattag iitta ele eheɗ ii hattaglag dayeb, ag laa dilagnu, “Ag am nau, keeke hamu,” ii dooglag dayeb, ag naippa laa guittak ii mattaglag dayeb,

Aisaia 65:24

Am inam bekku. Ag unuqiɗkkulagnu ii digmeppig haenppa da ehanadkkul. Ao, ag unuqiɗppeppeg doyen, ehanadkkul.

Daniel 10:11

Da anam daaiyi, ⌊danab da anidmi⌋ nug aum. “Daniel, Kayak nahipnu ooppa enanag dootte, amu na nai da na amenppa akkulnu hettem amu, na nai amu dabmettan autna awe! Laa he, da na gumitten uɗikkulnu uɗimi amunu, na hippaidna daye!” awa aum. Nug anam a, da hippaidmi, amge da hahaɗeɗe daami.

Daniel 10:19

Nug ɠagattag meɗe, ⌊danab da anidmi amu,⌋ nug aum. “O danab, na aib baɗame. Kayak Nug nahipnu ooppa enanag dootte. Na maɗoɗ, ɠagattag ele daye! Ge, na ɠagattag daye!” Nug nai anam da amelppa aawo, da ɠagattag awe, da ami. “O naɗi, na ɠagattag da meɗame amunu, na appe doyei!” awe ami.

Lewitikas 16:29

Ag keeke imu oh maɗ ohppa, kalam ebqak eblaih aɗit ele, kalam amunu deɗ eblaih tanig eleppa hekkulagoitte. Ag deɗ laippu amu ohppa amu, ag ee ohnu kud mena daanna, uɗat laa iinab hemana. Ɗo imu nug hanhannu, Israel danabnab, amu wan laihnu danab, ag uɗin, ag oolagppa daatteb ele, ahilag ohnu daatte.

Lewitikas 16:31

Deɗ amuam sabat deɗ, am hik awaknu deɗ; ag geha deɗ amuppa ee ohnu kud mena daaglagoitte. Ɗo imu amu, ahilagnu hanhan daakku.

Namba 29:7

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Ag kalam ebqak eblaih aɗit ele, kalam amunu deɗ eblaih tanig eleppa, deɗ amuppa, ag Yawe noobppa qagmena dup nona Nug binag meig! Ag ee ohnu kud mena daanna, uɗat aib heppig.

Matyu 28:10

Aa anam heeh amu, Jesus Nug aa amelahppa aum. “Aa aib baɗapiɗ! Aa goya, da lailadnab amelagppa apeɗ doona, ag Galili gona, appa da aniɗeg!” awa aum.

Matyu 28:5

Am engel nug ah aɗit amelahppa aum. “A aib baɗapiɗ! Da doottem, aa Jesus, ad emaitakppa atulppig amu, aa Nug madittep.

Mak 16:6

Ag anam baɗan heegeg amu nid bau amu nug aum. “Ag aib baɗappig. Ag Nasaret ted Jesus, ad emaitakppa atulppig ele maditteb, amge Nug ippa ii daatte. Nug eɗua hibaittom. Ag Nug meppig aben iikkude antteg!

Luk 1:13

Oo baɗom amge engel nug Sekaraia amegppa aum. “Na aib baɗame. Unuqittak nahip amu, Kayak Nug aakku doyom. Na waat Elisabet nug geha nid danab menueb, na nid onig Jon ataɗkkut.

Luk 1:30

Anam a amu engel nug amegppa aum. “Maria, na aib baɗame. Kayak nahipnu oo ena daatte.

Luk 2:10

engel nug amelagppa aum. “Ag aib baɗappig. Da oo maɗoɗppan gamag ahak okkainu nai ena danab oh dilagnu awe nemi.

Luk 24:38

Ag anam appig amge Nug ag amelagppa aum. “Ag aɗinu ottaitteb? Aɗinu dabmak aɗit ahilag dabmakppa bette?

Aposel 27:24

nug aum. ‘Pol na aib baɗame! Na am gona, Sisarnu hettoɗiakppa nug noobppa hippaidkkut. Am doye! Danab oh na ele uubppa daatteb amu, Kayak Nug unuqittak nahip doyom amunu, geha ag ele ii mauhmana,’ awa aum. Nug anam awa, da amelppa aum

Revelesen 1:17

Da Nug anam anttena, mauhak bia Nug baegppa nein qemi. Amge Nug eppeg naɗiap da qaɗelppa ma dayeye, Nug da amelppa aum. “Na aib baɗame. Da hanhan daattem; anuqakppa, batakppa ele da daattem.