Daniel 1:8 - Nobonob Baibel

⁸ Amu king nug nid danab amu dilag ee, wain ele ag mattaglagnu aum, amge ⌊ee, le ele amuam Kayak Nug ag Israel ag ee, le ele aɗi aɗi lakkulagnu ɗo ag mattom, amu ee le ele amuam ɗo atte bia iitta⌋ amunu, Daniel nug kingnu ee, wain ele amu lanana heeb, Kayaknu neekkakppa ooppa dubuttid tak ele daamanu dabmak awa aɗe, dabmak amuam ɠagattag eppa dayom. Daniel nuhig dabmak anam daye, nug ee, wain ele amu lab, nug Kayaknu neekkakppa dubuttid tak ele daamanu, nug kingnu ikki danab dilag okkai am ee amu, wain amu ele ii lamanu oɗ mettom.

Daniel 1:8 ပူးပေါင်းရင်းမြစ်များ

1 King 5:5

amunu, gemu da mettid lag laa, Yawe, dahil Kayak, Nug onig amuppa daakkunu buukkulnu hettem. Yawe Nug anukka da mamel, nug bekkanu nug amegppa nai aum am inam. ‘Da geha heppi, nahip nid laa na abenamppa king dayaya, amu nug geha mettid lag dahil, da onil amuppa daakkunu buukku.’ Yawe Nug nai anam aum amunu, gemu da Nug laug amu buukkulnu hettem.

Sam 106:28

Aakku ig alankad ag Peor appa Bal toppa dup nona binag meppig. Ao, ag doɗ manan kayak hambuppuak, kayak amu ag bau iitta, ag teppu amu ag madappig amu, ig alankad ag teppu amu lappig.

Sam 119:106

Da nahip ɗo, ag genab tutukkuib amu, da ɗo amu dim lamidkkulnu nai ɠagattag qetten ami. Da amu ain, da amuib hekkulnu baula ɠagattag ami.

Sam 119:115

Da dahil Kayaknu ɗo dim lamidkkulnu amu, laa ag nau hetteb ele, ag dahilnu awaidna ukkeg!

Sam 141:4

Na da ehaniɗppe, kobol nau haknu oo hak dahilppa ii daamanu oɗ medattem. Ao, na da ehaniɗppe, laa kobol nau hetteb ele amu, ag oolagppa dayaknu oo hak dahilppa ii daamanu unuqidttem. Danab eheɗ hetteb ele ag eheɗ henana, keeke aon, gamalag ahatte, amge da ag hetteb bia hepanu na ehaniɗna, na dahil ib amu oo nekkutnu oɗ medattem.

Prowerb 23:3

Nug ee amuppa buppuidkkunu hettetai; amunu na nuhig ee enanagnu aib oot huana heum.

Daniel 1:5

King Nebukatnesar nug Aspenas amegppa anam ana mala, Aspenas nug tituanatta maleb, nid tituanadkku amu, ag laa am ag kingnu ee lanak balalppa haen oh ahilag ee, wain ele aon madappeg lakkulagnu ele aum. Nid amu ag maɗ ewam sulppa daan, dimppa ag kingnu ikki danab daaglag.

Daniel 5:4

Ag wain lanana, ag ahilkad kayak gol, silwa, bras, aen, ad, menppa dottolkad hak ele, ag amu binalag meppig.

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

Aposel 15:20

Iitta. Ig imuib uɗugppa yaat apput dooglag. ‘Ag doɗ, danab ag doɗ amu main kayak hambuppuak dottolkad madappig ele, ag doɗ amu teppu ii lamana. Ag gappai kobol ii hemana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag doɗ tiig amu ele ii lamana.’ Ig amuib apput dooglag.

1 Korint 7:37

Amge danab laa nug amunu ii dabmaama, oo amuppa ɠagattag daatte, keeke laa nug ii duttuntte, nug nuhig dabmaknab awak dim lamidkkunu, nug amu aɗa oitte amu, nuhig ah makkun tituanak daatte amu ii aotte, ah nug anam hamu daatte, amu nug ele am ena hette.

2 Korint 9:7

Ag anen anen oh ahilag dabmakppa, ag akka ag oolag tutukku elele anidna, ahilag dabmakppa gane mattaglagnu dabmak aon, matteg! Danab laa nug keeke oo qeebeb, ehanittak keeke maama, dabmak nuhigppa, “Ag ɠagattag wagai mena heppig amunu, da mattami,” ii dabmema. Iitta. Kayak Nug danab nug oo gamag ahehe, ehanittak keeke laa medatte, Nug nuhignu ooppa ena dootte.

Duteronomi 32:38

Ag doɗ maha enanag main, kayak amu madappig. Ao, ag wain ele ahilagnu gokkaɗppig amu, kayak amu ag adeppa daatteb? Ag ahan ehanatteg! Ge, ag ahan, ahilag guppiɗ dayeg!