Daniel 1:5 - Nobonob Baibel

⁵ King Nebukatnesar nug Aspenas amegppa anam ana mala, Aspenas nug tituanatta maleb, nid tituanadkku amu, ag laa am ag kingnu ee lanak balalppa haen oh ahilag ee, wain ele aon madappeg lakkulagnu ele aum. Nid amu ag maɗ ewam sulppa daan, dimppa ag kingnu ikki danab daaglag.

Daniel 1:5 ပူးပေါင်းရင်းမြစ်များ

Genesis 41:46

Josep nug maɗ 30 dayaya, nug Isip dilag King Paronu uɗat digma, nug toppanu aha ukka, Isip wan ooppa talilia oiyom.

1 King 10:8

Kuin nug nai anam anana amu, nug baula aum. “Nahipad danab ag gamag ahak okkainab dootteb bia doottem. Nahip ehanittak anuqak danab ag hanhan na noomppa daan, nahip doyak dabmak ena ele dootteb amu, ag ele gamag ahak okkai dootteb bia doottem.

2 King 25:30

Deɗ oh Babilon dilag king nug Jehoiakin ee mette lattom. Jehoiakin nug bau dayeye, Babilon dilag king Ewil Merodak nug anamib Jehoiakin ee mette laawo ukke, nug mauhe batom.

2 Stori 9:7

Kuin nug nai anam anana amu, nug baula aum. “Nahipad danab ag gamag ahak okkainab dootteb bia doottem. Nahip ehanittak anuqak danab ag hanhan na noomppa daan, nahip doyak dabmak ena ele dootteb amu, ag ele gamag ahak okkai dootteb bia doottem.

Prowerb 23:3

Nug ee amuppa buppuidkkunu hettetai; amunu na nuhig ee enanagnu aib oot huana heum.

Jeremaia 15:19

Amu Yawe Nug da, Jeremaia, Nug da amelppa aum. “Na oot eɗueb amu, da heppi, na tuɗidna dahil propet, dagattolppa daakkut. Ao, na nai genab mattinna, nai hambuppuak, meu iitta ele ii madippe amu, da heppi, na da oɗel awa mattiak danab daakkut. Na ag ib ippuanatte! Na ahilag ib aib aon gome.

Daniel 1:19

Danab okkai amu nug ag diia ukka, Nebukatnesar noobppa maatte, king nug ag ele nai madippig, amge Daniel, Hanania, Misael, Asaria ele ag laa oh eɗadppig amunu, king nug he, ag nuhig ikki danab daappig.

Daniel 1:8

Amu king nug nid danab amu dilag ee, wain ele ag mattaglagnu aum, amge ⌊ee, le ele amuam Kayak Nug ag Israel ag ee, le ele aɗi aɗi lakkulagnu ɗo ag mattom, amu ee le ele amuam ɗo atte bia iitta⌋ amunu, Daniel nug kingnu ee, wain ele amu lanana heeb, Kayaknu neekkakppa ooppa dubuttid tak ele daamanu dabmak awa aɗe, dabmak amuam ɠagattag eppa dayom. Daniel nuhig dabmak anam daye, nug ee, wain ele amu lab, nug Kayaknu neekkakppa dubuttid tak ele daamanu, nug kingnu ikki danab dilag okkai am ee amu, wain amu ele ii lamanu oɗ mettom.

Matyu 6:11

Ig ee megattem amu, na gemunu ele megakkutnu na oɗ medattem.

Luk 1:19

A amu engel nug oɗeppa awa aum. “Da am Gabriel. Da Kayak noobppa daattem, amu Nug he, da amenppa nai ena imu appi dookkutnu uɗimi.

Luk 11:3

Ig ee megattem ele amu, gemunu ele megakkutnu na oɗ medattem.

Luk 21:36

Amunu ag hanhan tutukku dabmena daanna, keeke amu oh anidmananu amu, ag Danab Bekkalag da, da noolppa hippaidkkulagnu elele daaglagnu ele unuqitteg!” awa aum.

1 Samuel 16:22

Am Dawit nug keeke anam heehe amu, Saul nug Jesi toppa nai me ukke aum. “Da Dawitnu oolppa ena doottem amunu, nug da ele ippa daaɗa, da ehaniɗkkunu oɗ medattem,” awa aum.