Daniel 1:20 - Nobonob Baibel

²⁰ Ag kingnu ikki danab daaeg, king nug aɗi doyak dabmak ena elenu keeke, o diignu doyak tutukkunu keeke, nug amunu oɗ mattom amu, ahilag oɗmak nob amunu am ena, elelenab. Wan amuppan baɗ mak danab digdig, ag ele oɗmak amunu nob king medappig, amge ahilag nob, amunu meu am huppu nakokib awom. Daniel laikkud ele dilag nob am meu okkainab king ippunittom. Kingnu ɗo maɗoɗ ohppan danab amu, ag oh anamib.

Daniel 1:20 ပူးပေါင်းရင်းမြစ်များ

Genesis 31:7

amge nug dahilnu hambuppuak kobol ha, dahil uɗat nob haen kuɗum baoliom. Anam aakku, amge Kayak Nug he, Laban nug dahilnu kobol eheɗ laa ii heum.

Genesis 41:8

Nug amu doya, wagɗe buttuanab amu Paro nug tul niiak aɗitnu dabmak kuɗum awe, oo ii maitte, nug Isip dilag baɗ mak danab, doyak danab ele onilagppa e, nug noobppa goppig. Ag ukkaeg, Paro nug tul niiom, nug amu ag amelagppa mattiom, amge ag mehuqkkulagnu am elele iitta.

Nehemaia 4:12

Ag anam aegeg, haen eblaih laih ele Juda danab ag kekeɗ guguittak daatteb ele, ag ahan uɗin appig. “Danab amu ag aben ohppanu banenig uɗiglag,” aon appig.

Job 19:3

Haen kuɗum ag da eheɗ heminu aeg doomi; ag uɗa nak iitta ele banel uɗin, da amelppa nai maditteb.

Sam 119:99

Da hanhan nahip ɗonu dabmak unuqag awewe daattem amunu, dahil doyak dabmak ena ele am ippunittak danab dilag eɗidtte.

Eksodas 7:22

Le tiig anam beum, amge Isip dilag baɗ mak danab ag baɗ mak kobol ahilag hena, ag ele kobol amu heppig amunu, Paronu dabmak am ɠagattag eppakib dayom. Amu Yawe aumbia Paro nug Moses, Aron ele dilah nai amu ii doyom.

Eksodas 8:19

Am Isip dilag baɗ mak danab ag Paro amegppa appig. “Kayak nukka keeke imu heum,” aon appig. Ag anam appig, amge Paro nug nuhig dabmak ɠagattag eppa daye, Yawe aum bia nug Moses, Aron ele nai apiɗ amu, nug amu dabmetta, ii doyom.

Eksodas 8:7

Aron nug anam heum, amge Isip dilag baɗ mak danab ag ele baɗ ahilag heeg, og kuɗum le uun bena, Isip wanppa goppig.

Aisaia 19:3

Isip danab ah ag anam henana, dabmak kuɗum aoppeg, ag oolag na qeebeb, da geha heppi, Isip dilag maittak keeke laala hekkulagnu kaboliak dayeb, ag anam daanna, ag geha ahilkad kayak hambuppuak dottolkad ag ehanadkkulagnu oɗ mattanna, ag gona, mauhak ele gamag danab, mauhak ele mattiak danab ele gumadna gona, dabmak ahilag aoglagnu ele oɗ mattaglag.

Esekiel 28:3

Na nahip dabmakppa, na, “Doyak dabmak ena dahil am Danielnu eɗidtte; da keeke oh lokkumak daatte doottem,” anan oittem.

Daniel 1:17

Ag ee amuib laeg, Kayak Nug nid bau waɗele amu doyak ena ele matta, Nug ag kaya digdignu diignu doyak tutukku, am dabmak unuqagnu diignu doyak tutukku ele ag mattom. Nug amu matta, Nug he, Daniel nug tul niiak digdig, tulegleg digdig ele anattaknu diig doya, mehuqkkunu ehah ele mettom.

Daniel 2:13

Anam daye, Nebukatnesar nug doyak danab ag mauhkkulagnu ɗo me, ⌊daup amu hekkulag ele dilagppa⌋ ukkom. Nug nai me ukke, laa ag Daniel, nug laikkud ele diin aqaglagnu mattialadppig.

Daniel 2:21

Kayak Nug wanppa aɗi keeke bekkulag, aria haen adekkuppa bekkulag ele gumatte. Nug he, danab laa king abenabppa tette. Nug he, danab amu king abenabppa ii daatte. Nug he, danab doyak dabmak ena ele nug doyak dabmak ena amu tuɗid ele aotte. Nug he, danab diignu doyak tutukku ele, nug diignu doyak tutukku tuɗid ele daatte.

Daniel 5:17

King nug Daniel amegppa anam a, Daniel nug nob ma aum. “O king, na keeke ena ena meɗakkutnu attem am da aokkulnu ool ii daatte. Na keeke amu nahipnu aɗakkut, o laa medakkutnu ool daatte. Amge da nai eppeg gililppa yom daatte umu, da ebqein, meu ele appi dookkut.

Namba 14:22

danab ag binag amahlak oppiaawak ele dahil anidna, dahilnu dabmettaknu kobol danab haknu elele iitta, da Isip appa, atu taɗakppa ele hemi, amu ele ag anidna, ag wan imu da ag mamelkad aɗi amelagppa dahil nai ɠagattag qetten madakkulnu ami amu, ag wan amu iinab anidmana. Ag hak dahil, keeke anidppig, amge ag da oɗel ii doona, ag haen kuɗum ma anttak meɗan, ag dahilnu, ‘Keeke hamunab’ dooiɗppig amunu, ag wan amu iinab anidmana.