Daniel 1:2 - Nobonob Baibel

² Nebukatnesar, nuhikkud daup ele ag anam heeg, Naɗi Nug he, ag Juda dilag king Jehoiakim aoeg, nug Nebukatnesar eppegppa daye, Nebukatnesar nug Kayaknu mettid lagppan keeke laala ele diiom. Keeke amu nug awa ukka, nuhig kayaknu mettid lag Babilon wanppa daatte, amuppa, en maknu oo, nug appa meum. ⌊Nug keeke awa Babilon ukka, Nug Jehoiakim, Juda laala ele diia, ag Babilon wanppa diia ukka laih me dayak danab ah daaglagnu ukkom.⌋

Daniel 1:2 ပူးပေါင်းရင်းမြစ်များ

Genesis 10:10

Nimrot nug Sinar wan gumom. Wan amuppan aab okkai anuqak waɗele onilag am Babilon, Erek, Akat, Kalne ele.

Genesis 11:2

Aria, ag anam daan oinna, kaɗag uɗitteppanu gonana, ag uɗem, Sinar wanppa daatte, ag amu anidna, amuppa daadppig.

2 King 24:1

Haen Jehoiakim nug Juda dilag king dayeye, haen amuppa Babilon wanppanu King Nebukatnesar nug nuhikkud ban danab ele ag uɗin, Juda ele ban heppig. Ag ban hena, nug Juda eɗatta he, Jehoiakim nug waappa dayom. Amge maɗ ewam dimppa amu, Jehoiakim nug Nebukatnesar waappa dayebeb, gumakkunu dabmak eɗue, nug Nebukatnesar waappa daakkunu uua, nug nuhig nai tappe neum.

2 Stori 36:5

Jehoiakim nug maɗ 25 dayaya, nug king ba dayom. Nug king ba, nug maɗ 11 Jerusalem appa king dayom. Jehoiakim nug Yawe, nuhig Kayak, nug nuhig neekkakppa eheɗ heum.

2 Stori 36:7

Nebukatnesar nug anam ha, nug Yawenu mettid lagnu keeke laa ele awa Babilon ukka, appa nuhig kayaknu mettid lag, nug amuppa meum.

Esra 1:7

Ag mudippan lailkad ag keeke anam madappig, amge ag amu aakkuib ii aoppig. Iitta! King Sairus nug tappiɗ keeke, ahilag nob okkai ele, Nebukatnesar nug anukka Yawenu mettid lag Jerusalemnu akka ukka, Babilon appa nuhikkud kayak hambuppuak laulagppa meum amu, Sairus nug amu ele he, danab laa keeke amu akka ukka, ag mattom.

Aisaia 11:11

Aria haen amuppa Naɗi Nug baula inam hekku. Danab eppeg bahia, keeke laa aɗa, nug eppeg eɗua aotte, amubia Naɗi Nug nuhikkud danab ah oɗo yaak Asiria wanppa daatteb, Isip wanppa daatteb, Kus wanppa daatteb, Elam wanppa daatteb, Babilon wanppa daatteb, Hamat wanppa daatteb, yunu nudppa daatteb ele eɗua diikku.

Aisaia 42:24

Aun nug he, laa ag Jakop buɗub eɗadna diin gokkulagnu elele daatteb? Aun he, ban danab ɠagattag ag Israel buɗub eɗadna, ahilkad keeke, ag ele, ag eppelagppa aɗaglagnu elele daatteb? Am Yawe Nug amu iite heum? Ig Israel danab ah, ig Yawe, nuhigppa hipunin hemut. Nug kekeɗ ehanattomnu diig amu, ig Israel ig Nug dim lamidkkunignu uumut. Israel danab ah ag Yawe ippu ii dim lamidppig. Ag nuhig ɗo tappaeg neum.

Jeremaia 25:1

Amu Josaia bekka Jehoiakim nug Juda dilag king abenab awa, nuhig king dayaknu maɗ maɗ waɗele ooppa, maɗ amuam Babilon dilag king Nebukatnesar, nuhig king dayaknu maɗ digmak, maɗ amuppa Yawe Nug nuhig nai laa Juda danab ah dilagnu Jeremaia mette doyom.

Jeremaia 27:16

Da Sedekaia amegppa anam awoya, da mana mettak danab, danab ah laa oh ele amelagppa ami. “Yawe Nug inam atte. ‘Ag propet laa ag, “Haen elab iitta Yawe Nug heeb, Babilon dilag daup ag aɗi keeke Yawe laugppanu aon gona, Babilon wanppa meppig ele amu, laa ag keeke amu eɗun aon uɗilag,” atteb amu, ag mana mettak danab, danab ah laa oh ele, ag ahilag nai amu aib dooppig; aib dabmeppig. Aɗinu? Ag dimppa aɗi bekkunu nai hambuppuak aakku ag amelagppa maditteb.

Jeremaia 28:3

Amu da heppi, maɗ aɗit ii uuebeb, keeke oh Babilon dilag king Nebukatnesar nug Yawe laugppanu awa, Babilon ukkom amu, laa ag amu eɗun, aon uɗiglag.

Jeremaia 35:11

Ig mamenig anukkanu anam haknunab anak amu mekke, ig dim lamittutut uɗie, gemu ele hettem, amge Babilon dilag king Nebukatnesar nug wan imu aokkunu nuhikkud daup ele ban hekkulagnu uɗin, wan imuppa beeg, ig amut. ‘Ahappeg, ig Babilon dilag daup, Aram dilag daup ele eppelagppa daamtanu, ig gota, Jerusalem appa teta, nakok daagnig,’ amut amunu, ig uɗit, ippa Jerusalem iikku daattem.” Rekap buɗub ag Jeremaia amegppa anam appig.

Jeremaia 50:2

“Ag laa wanppan wan ohppa danab ah dooglagnu nai laa imu appeg doyeg! Ao, danab nug danab ah laa ag anidna, dabmak aon, at amu gumidna wakkulagnu nug pilak laa qabatte, ag anam hena, nai imu appeg doyeg! Ag nai huppu nakok laa aib uuppig! Ohnab appeg doyeg! Ag inam aig! ‘Kekeɗ ag Babilon eɗadppeg, Babilon ag eppelagppa daakku. Kekeɗ ag heppeg, Babilon dilag kayak Bel nug uɗa nekku. Babilon dilag kayak Marduk, nug baɗak eheɗ nau dookku. Babilon danab ah dilag kayak hambuppuak dottolkad am uɗa nak nau dooglag. Dottolkad amu, ag am baɗak eheɗ nau dooglag.

Jeremaia 51:44

Am Yawe Nug atte. “Da Babilon dilag kayak Bel bu medakkul. Da bu medappi, nug aɗi aɗi toppua ukkom ele amu baheb, eɗua bekku. Gemu wan laappan danab huanak ag Bel noobppa dup nona binag mekkulagnu gotteb, amge da Bel bu medappi, danab ah ag amu ii hemana. Da heppi, Babilon aabnu aɗ na qekku,” awa atte.

Daniel 5:13

Kuin kaino nug anam a, Belsasar doya he, laa ag Daniel omaleg, king toppa uɗie, king amegppa aum. “Da mamel nug danab ah laa Juda wanppan diia uɗie, ag ippa Babilon diia ukka, laih me dayak danab ah daatteb amu, na am amunu laate? Na Danielte?

Daniel 5:18

O king, Kayak Attannab Laa Oh Eɗadtte amu, Nug na mamen Nebukatnesar king abenab metta, ɠagattag, binag amahlak oppiaawak ele, aria ɠagattag okkai naɗi ele nug mettom.

Habakuk 1:16

Kakai eeɗak danab nug uhuippa kakai aotte amunu, nug en okkai ele daatte. Ao, nug ee ena enaib amuppa awa latte. Nug uhuippa anam awa lanana dootte amunu, nug uhuinu, ‘Dahil kayak,’ anan, uhui noobppa doɗ laa mana medatte. Ao, nug uhui diig laa ele nuhignu anam dootte amunu, nug kalu danab ile muttuɗig enanag bette ele awa, uhui noobppa amu ilatte.

Sekaraia 5:11

Da anam oɗ mettai, nug da amelppa aum. “Aa kaleg amu aoya, Babilon wanppa gottep. Appa qinob lag laa babaittak dayeb amu, kaleg amu lag amuppa nuhig abenppa meppeg daakku,” awa aum.

Duteronomi 32:30

Gadonnab! Laa Nug hanhan ɠagattag daatte, Nug ag uuattom. Ge! Yawe Nug ag kekeɗ eppelagppa mattom. Anam iitta dayeblob amu, kekeɗ laippu nug Israel danab 1,000 ii lamadlo. Ao, kekeɗ aɗit aa Israel danab 10,000 ii lamadlop.

Ikki Danab 2:14

Ag anam heeg, Yawe Nug Israel dilag oo nauhak okkai doyom amunu, Nug ag diia, danab ag ban hena, danab aqadna, ahilkad keeke aotteb amu, Nug ag eppelagppa me, ag ahilag keeke aoppig. Nug ag diia, kekeɗ taliliadna daappig ele ag eppelagppa meum amunu, ag ban hena, baula kekeɗ eɗadkkulagnu elele iitta daappig.

Ikki Danab 3:8

Ag anam heeg, Yawe Nug Israel danab ah dilagnu oo huana nauhe, Nug ag diia, King Kusan Risataim eppegppa meum. Kusan Risataim nug am Aram Naharaim dilag king. Israel ag Kusan Risataim waappa maɗ eblaih ewam ele daappig.

Ikki Danab 4:2

Ag eheɗ heppig amunu, Yawe nug ag diia, King Jabin eppegppa meum. Nug am Kanan dilag king; nug Hasor dayom. Nuhig ban daup ikki am Sisera. Sisera nug am Haroset Hagoim, appa daattom.

1 Samuel 5:2

Ag maon gona, Asdot tena, ag Kayaknu Tituanak Nainu Kunup aon, ahilag kayak hambuppuak Dagon, ag nug laug ooppa, Dagon dottog heqo laihppa, appa meppig.