Aposel 9:6 - Nobonob Baibel

⁶ Amge na ahan, aab okkai ooppa nona daabppe, geha na keeke aɗi hekkutnu amu, danab laa nug na amenppa akku,” awa aum.

Aposel 9:6 ပူးပေါင်းရင်းမြစ်များ

Sam 25:12

Am danab ah ag Yawenu ebehilag oh bodoetta le mette ele, Nug geha ag ib attenppa oiglagoitte amu, Nug ib amu ippunadkku.

Sam 94:12

O Yawe, danab na toliadna, bu madattem ele amu, ag itittak ena aoppig daatteb. Ao, danab na nahip ɗo ag ippunadttem ele amu, ag itittak ena aoppig daatteb.

Aisaia 57:18

Da dahilad danab ah ag attem hena oitteb amu, da antten malami, amge da heppi, ag eɗun, enaib daan oiglag. Da ahilag ulum aɗen, da oo mak ag madakkul.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Esekiel 2:1

Baag amu nai aum doomi am Yawenu, am Nug da Esekiel, Nug da amelppa inam aum. “Danab bekka, na hippaidna daappe, da na amenppa nai madikkul,” awa aum.

Esekiel 3:22

Am da daamippa, appa Yawe Nug da nuhig uɗat hekkulnu aɗaila, Nug da amelppa aum. “Na ahan, aab dimittim uɗem naɗippa gona daappe, appa da na amenppa nai madikkul,” awa aum.

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

Matyu 19:30

Amge danab kuɗum anuqak daatteb amu, ag dim daaglag. Am kuɗum laa ag dim daatteb amu, ag anuqkkulag,” awa aum.

Luk 3:10

Jon nug ag amelagppa anam a amu danab ag nug oɗ medappig. “Ig amu attem hekkunig?” aon appig.

Aposel 10:22

ag nug amegppa appig. “Kornilius, nug ban daup 100 dilag ikki daatte, nug he ig uɗimut! Nug am genab tutukku hak danab. Nug Kayaknu ebehi oh bodoetta le mette. Juda danab ah oh ag nuhignu ena elele dootteb. Amu Kayaknu engel oppiaawak laa na, Kornilius amegppa nahipnu, na Kornilius laugppa gona, na nai laala appe nug dookkunu aum amunu nug he, ig uɗimut,” aon appig.

Aposel 10:32

Amunu na heppe, danab laala Jopa gona, danab Saimon, nug onig laa Pita, appeg uɗiaɗ! Danab amu nug Saimon, doɗ gaɗa beɗamanu babaittak danab, nug laug amu yu ihippa daatte ele amu, nug danab amu ele daattep,’ awa aum.

Aposel 10:6

Saimon Pita nug Saimon, nug am doɗ gaɗa beɗamanu babaittak danab, nug laugppa daatte. Lag amu yu ihippa daatte. Ag nug appa anidkkulag,” awa aum.

Aposel 2:37

Ag nai mattie doona, nai amu ag oolagnab yom amunu, ag ahan, Pita, amu totol danab 11 ele ag amelagppa inam appig. “O ig lainkad, geha ig attemtai hekkunig?” aon appig.

Aposel 22:10

Nug nai amu mattia male amu da ami. ‘Naɗi, da aɗitai hekkul,’ awe ami. Ai amu Nug aum. ‘Na ahan, Damaskus gona daappe, appa amu danab laa nug Kayak na aɗi aɗi hekkutnu tituanittom daattem amu, nug ab na dookkut,’ awa aum.

Aposel 26:16

Amge na ahan, hippaidna daye! Da na dahil maɗi nid daakkutnu, na dahilnu aɗi anidme, amu dimppa da na aɗi ippunidkkul, na amunu aɗi heehe anttomnu mattiak danab daanna, laala amelagppa madikkutnu aakku tituanidttem amunu da gumitten uɗimi.

Aposel 9:5

Anam awa a, Saul nug aum. “Naɗi na am aun?” awa oɗ mettom. Oɗ mette amu Naɗi Nug eɗua aum. “Da am Jesus; na da eheɗ heiɗttem.

Rom 10:20

Anamib Aisaia nug ele oo ii baɗe, Nug oɗmak amunu ⌊Kayak oɗe awa,⌋ nai imu ⌊Kayak naippa yaak daatte⌋ aum. “Danab laa ag da aniɗkkulagnu uɗat ii heppig ele, ag am da aniɗppig. Ao, danab laa ag dahilnu oɗmak ii heppig amu, da ahilagppa miag atiak tule bemi,” awa aum.

Rom 10:3

Amu Israel ag Kayak Nug ihinignu, “Genab tutukku hak danab,” atte ele, ag amunu oolag ii maitte, ag akka ag oolagppanu kobol laappa genab tutukku daaglagnu amuib hena, ag Kayak Nug ahilagnu, “Genab tutukku hak danab,” akkunu amu ag uuppig.

Rom 5:20

Aria, Kayak Nug danab ɗo matte, danab ag hipunin tuɗidna, kuɗum heppig, amge hipunin okkai meeme, Kayaknu ehanittak okkai hamu mettak am okkainab meum

Rom 7:9

Anukka dahilppa ɗo ii dayeye, haen amuppa da bau daami. Amge dimppa Kayaknu ɗo dahilppa uɗie, hipunin dahilppa ele uɗie, da mauhmi.

Pilipai 2:12

Aria gamalad, anukka da ag ele daamut, haen amuppa ag hanhan Kayak oɗe dim lamidttappig, amubia gemu da ag ele ii daattem, da laih daattem amu, gemu ele ag nai nuhig dim lamidkkulagnu huana dabmenana heig! Amu Kayak Nug ag eɗua diiom, ag amu gogppa tekkunu ag nuhignu ag ebehilag oh bodoetta le meeb, ag oolag ottaiebeb, ag Nug oɗe dim lamitteg!

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

1 Samuel 16:3

Na gona, amu hekkutnu hena, na Jesi nug ele mana mettak amuppa uɗikkunu oɗ medappe, nug uɗieb, mana mettak amuppa aɗi keeke na hekkutnu da ool daatte amu, da geha ippunidkkul. Da danab aun nug king daakku ippunidppi, na nug king daakkunu goɗen gokkaɗakppa tituankkut,” awa aum.

1 Samuel 28:5

Pilistia, Israel ele ahilah ban danab ameg aɗit ag anam heegeg, haen Saul nug Pilistia ban danab amu anatta amu, nug eheɗ nau baɗom.