Aposel 9:41 - Nobonob Baibel

⁴¹ Anam dayeye, Pita eppeg aɗa, hume hibaittom. Nug eɗua ahe, Pita nug danab ah, Kayaknu oolagppa genab dooppig, ah qab ele, ag onilagppa e uɗieg, Tabita bau dayeye awa mattom.

Aposel 9:41 ပူးပေါင်းရင်းမြစ်များ

Genesis 45:26

Gona tena amu, ag Jakop amegppa appig. “Josep nug ii mauhom! Nug Isip wanppa bau daatte. Am genab, am laa ele amu, nug wan amu ohnu gawana daatte,” aon appig. Ag anam aeg amu, Jakop nug huan ottaia, ahilag nai amu ooppa genab ii doyom.

1 King 17:23

Nid nug eɗua, bau daye, Elaiya nug nid amu eɗua awa noa, anig medatta, nug nid anig amegppa aum. “Antte, nid nahip eɗua bau daatte!” awa aum.

2 King 6:7

Elisa nug anam ha mala, nug propet amegppa aum. “Na paha hebeb aeg amu awe!” awa aum. A, aria danab nug eppeg bahie no, hebeb aeg amu awom.

Job 29:13

Laa nug mauhkkunu heehe, da ehanitti, nug da itiɗom; da hei, ah qab, nug gamag ahak okkai doya, ahi ettom.

Sam 146:9

Nug wan laihnu danab atognoadtte. Amu Nug ah qab, aria nid ag mamelkad mauhppig ele ehanadtte. Nug anam anam hette, amge Nug nau hak danab dilag maittak he nauhtte.

Mak 1:31

Aeg doya amu, Jesus Nug gumitta wana, ah amu eppeg aɗa ehanitte ahe, beɗu gakkaɗak iitta me, nug aha digma ehanittak keeke babaitta ehanattom.

Luk 7:12

Nug ukka, aab amunu aɗnu od okkai amu guguitta noono, ag danab mauhak laa maon doppig. Danab mauhom nug anig am ah qab, nug bekka laippu amu aakkuib. Amu danab ah kuɗumnab aab amuppanu ag ah amu, nug ele uɗippig.

Luk 7:15

Anam a, danab mauhom amu eɗua aha dayaya, nai mattie, Jesus Nug eɗua awa, anig mettom.

Aposel 20:12

Nug ukke, ag nid bau amu nug bau ena dayeye, ag aon lakka ukkaeg, ag oolag eɗua enanag dayom.

Aposel 3:7

Pita nug anam awowa, eppeg bahia, eppeg naɗiap-ppa aɗa hume, pahanab baekuɗ kubuku bata noak oh ɠagattag ebapiɗ.

Aposel 6:1

Ag Jesus Kristusnu Nai Ena mehuqegeg, haen amuppa danab kuɗum Jesusnu oolagppa genab doyegeg, tamaniak amu tuɗittegeg okkai meum. Anam beebe, tamaniak danab ah oolagppa ameg laa ag Grik nai madittappig, ag ahan ameg laa Hibru nai madittappig, ag ag ele aeg ona aeg do amelagppa appig. “Ag deɗ oh uɗat imu tippaltteb. Ag ah qab ahilkad, ag ee iitta ele, ag ee madatteb, amge ag ihinkad ah qab daatteb amu, ag ii ehanadtteb,” aon appig.

Aposel 9:13

Naɗi Nug Ananias amegppa anam aum amu Ananias nug eɗua inam aum. “Naɗi, danab kuɗum ag danab amunu aeg doomi. Nug kobol ena iitta haaha, nahipad danab ah oppiaawak ele Jerusalem daatteb ele eheɗ hattom.

Aposel 9:32

Pita nug danab ag matatun aabaab gona daappig anadkkunu oiyaya, nug aab Lida noa, appa Kayaknu danab ah oppiaawak ele anatte daappig.

1 Timoti 5:3

Ah laa nug gamu mauhak, nid laa ele iitta, qabnab dayeb amu, na atognona ehanitte!

1 Timoti 5:5

Ah qab nug genab nukka baeg laippu daatte, nug Kayak ehanidkkunu dabmak aɗa dayaya, tuqanppa amunppa ele unuqidtte.