Aposel 9:38 - Nobonob Baibel

³⁸ Lida, Jopa ele ouqak daapiɗ amunu, danab Jesusnu oolagppa genab dooppig ele ag, “Pita Lida daatte,” amu dooppig amunu, ag danab aɗit, aa Pita amegppa, “Na paha ihinigppa uɗie! Na appa aib daame!” akkulahnu heeg gopiɗ.

Aposel 9:38 ပူးပေါင်းရင်းမြစ်များ

2 Stori 2:16

Amu da heppi, dahil uɗat nid ag digmena, Lebanon appa ad na uɗat amu hekkutnu elele oadnana heppeg, laa ag aon, yuppa mena, qagmena qakkan, aon gona, Jopa langppa eeɗkkulag. Appanu na aon, Jerusalem tekkut,” awa aum.

Esra 3:7

Persia dilag king Sairus nug Israel buɗub ag Lebanon wanppa ad sida aon, Yawenu mettid lagnu uɗat mettaglagnu aum amunu, Israel ag Taia danab, Saidon danab ele ag ad oadna, ad amu aon, yuppa mena, aon Jopa uɗiglagnu, Israel buɗub ag ee aeg, wain, olip goɗen ele Lebanon danab Tair aabppa, Saidon aabppa ele daappig amu, ag ag madappig. Ag mattan, ag danab menppa uɗat haknu dooppig, lag hak danab ele ag uɗat amu hekkulagnu men doɗo madappig.

Jona 1:3

Yawe Nug anam aum, amge Jona nug Yawe aum amu uua, aha oola, Tarsis aab okkaippa gokkunu ukkom. Nug aha gokkunu ukka, Jopa aabppa noa, nug uub laa Tarsis gokkunu heehe mattia antta, daden ma, uub attan ta ukkom. Nug Yawe uuitta, oola gokkunu dabmeum.

Aposel 10:5

Amunu na gemu danab laala heppe, Jopa gona, ag danab laa, nug onig Saimon, onig laa Pita, amu anidna appeg uɗiaɗ!

Aposel 10:8

Aria, Kornilius nug keeke oh beum danab ewam amu amelagppa awowa he, ag Jopa goppig.

Aposel 11:13

Lakka teut, danab amu nug engel, nug laug ooppa noa hibaitta dayaya, nai amegppa aum amu nug amunu ig amenigppa mattiom. Kornilius nug engel inam aumnu ig amenigppa aum. ‘Na danab heppe, Jopa gona, ag Saimon, nug onig laa Pita, nug appeg uɗia,

Aposel 11:26

antta, nug omale Antiok ukkaeh, maɗ laippu Kristen tamaniak appanu ele daanna, aa danab ah kuɗumnab Kayak nai ippunadpiɗ. Antiok appa danab ag tatam digmena, danab ag Jesusnu oolagppa genab dooppig, ag ahilagnu, Kristen appig.

Aposel 11:5

“Da Jopa aabppa unuqittette dayeye, da tuleglegppa keeke laa anidmi. Hab attannu keeke laa lamen okkai bia muɗi waɗele daug waɗeleppa qakkak dayeye, paɗaeg gumiɗa ne anidmi.

Aposel 9:19

Nug layattak awowa, dimppa nug ee laawo, beɗu ɠagattag qeum. Ɠagattag qe, Saul nug Damaskus appa deɗ laib laib danab Jesusnu oolagppa genab dooppig ele amu, nug ag ele oh daappig.

Aposel 9:32

Pita nug danab ag matatun aabaab gona daappig anadkkunu oiyaya, nug aab Lida noa, appa Kayaknu danab ah oppiaawak ele anatte daappig.

Aposel 9:36

Aria aab laa onig Jopa, appa amu ah laa Jesusnu ooppa genab doyaya dayom, nug onig Tabita, Grik naippa amu ag Dorkas atteb. Nug hanhan kobol ena haaha, nug danab ah keeke iitta ele amu ehanattatta, keeke madattom.

Aposel 9:42

Pita nug amu he, nai amu Jopa aab ohppa ukke, danab ah oh dooppig. Doona amu kuɗum ag Naɗinu oolagppa genab dooppig.

Aposel 9:43

Ag anam heeg, Pita nug deɗ kuɗum Jopa dayom. Nug danab laa, doɗ gaɗa beɗamanu babaittaknu uɗat hettom amu, nug ele daapiɗ. Nug onig Saimon.

Josua 19:46

Mejarkon, Rakon ele. Wan ag Israel dilag huu okkai Dan madappig ele amu, wan maha laa Jopa guguittak dayom, ag amu ele ag madappig.