Aposel 9:32 - Nobonob Baibel

³² Pita nug danab ag matatun aabaab gona daappig anadkkunu oiyaya, nug aab Lida noa, appa Kayaknu danab ah oppiaawak ele anatte daappig.

Aposel 9:32 ပူးပေါင်းရင်းမြစ်များ

1 Stori 8:12

Elpal bekkod am Eber, Misam, Semed, Beria, Sema ele. Semed nug aab Ono, Lot ele, aab naunau aab aɗit amu taliliatna daatteb ele, aab amu oh nug kalattom. Beria, Sema ele aa Aiyalon daayya, aa danab baelkadppa Ayalon appa daappig amu, aa amu dilag ikki daapiɗ. Aa wagai meya, Gat danab ah lamatteh, ag ahan, laih goppig.

Esra 2:33

Lot, Hadit, Ono elenu uɗippig, ahilag ebqak am 725.

Nehemaia 11:35

Lot, Ono ele. Benyamin buɗub laa ag aab amuppa daan, ag oolagppa laa ag oolnu noak laa, danab appa daappig ag am danab uɗat laalanu doyak okkai ele amu, ag appa ele daappig.

Nehemaia 7:37

Lot, Hadit, Ono elenu uɗippig, ahilag ebqak am 721.

Sam 16:3

Amu Yawenu danab ah ag nuhignu oo metta ii uuak kobol dim lamidna ihinig wanppa daatteb, ag am danabnab, ahnab ele daatteb. Da ahilagnu enanagnab doottem.

Prowerb 2:8

Nug danab ah ag nai doya mala hettoɗia epeɗia elele mettak kobol dim lamidna oitteb ele, Nug ag ehanatta, ena daaglagnu dabmadatte. Ao, nug danab ah ag nuhignu oo metta ii uuak kobol dim lamidtteb ele, Nug ag ena daaglagnu dabmadatte.

Matyu 27:52

Boumak aben laala ele matulatte, Kayaknu danab ah oppiaawak ele kuɗum anukka mauhadppig amu Kayak he, ag eɗun hippaidppig.

Aposel 1:8

Amge geha dimppa Kayak Ouɗi Nug ahilagppa neeb, ag ɠagattag aon, geha ag dahil aɗi heehe anttomnu mattiak danab daanna, ag dahilnu Jerusalem mehuqna, ag gona, Juda wan ohppa, Samaria appa ele mehuqna, ag wan atu ohppa ele gona mehuqkkulag,” awa aum.

Aposel 26:10

Da anam aakku Jerusalem appa hemi. Mana mettak danab okkai ag aeg amu, da Kayaknu danab ah oppiaawak ele kuɗum aɗalatten maniguittakppa maadmi. Maatti, laa mauhkkulagnu appig amu, da ele anam ami.

Aposel 8:14

Pilip anam he, totol danab 12 Jerusalem daappig ag Samaria danab ah Kayak nai doon, oolagppa genab dooppig doyona, ag heeg, Pita, Jon ele noya anadpiɗ.

Aposel 8:25

Amu Pita, Jon ele aa danab ah amelagppa Naɗinu nai mehuqeh doyeg, aria dimppa aa eɗuya Jerusalem gopiɗ. Aa ibppa goyaya, Samarianu aab kuɗumppa aa Nai Ena mehuqpiɗ.

Aposel 9:13

Naɗi Nug Ananias amegppa anam aum amu Ananias nug eɗua inam aum. “Naɗi, danab kuɗum ag danab amunu aeg doomi. Nug kobol ena iitta haaha, nahipad danab ah oppiaawak ele Jerusalem daatteb ele eheɗ hattom.

Aposel 9:33

Daanna aab amuppa Pita nug danab laa anttom, nug onig Ainias. Nug eppeg baeg ele mauhak amu, nug maɗ eblaih ewam ele anam abenppa niiakib niiom.

Aposel 9:41

Anam dayeye, Pita eppeg aɗa, hume hibaittom. Nug eɗua ahe, Pita nug danab ah, Kayaknu oolagppa genab dooppig, ah qab ele, ag onilagppa e uɗieg, Tabita bau dayeye awa mattom.

Rom 1:7

Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

Epesus 1:1

Da Pol, da Kristus Jesusnu totol danab daakkulnu Kayak Nug da tituaniɗom amu, da Epesus danab ah ag Kayaknu danab ah oppiaawak ele, ag Jesus Kristusnu daaglagnu oo metta ii uuak kobol dim lamidtteb ele, da ahilagnu iikku yaattem.

Pilipai 1:1

Da Pol, amu Timoti ele, i oh am Kristus Jesusnu maɗi nid, i uɗug imu Kayaknu danab ah oppiaawak ele oh Jesus Kristusnu daan Pilipai daatteb, amu ahilkad gumak ikki danab, amu ahilkad toliak danab oh ele, ahilagnu yaattep.