Aposel 9:31 - Nobonob Baibel

³¹ Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.

Aposel 9:31 ပူးပေါင်းရင်းမြစ်များ

1 Stori 22:18

nug aum. “Yawe, ahilag Kayak, Nug ag ele iite daatteb? Nug he, ahilag kekeɗ ag taliliadna daatteb ele, gemu ag ban hemananu toettan iite daatteb? Aɗinu? Yawe Nug he, danab wan imuppa daappig ele eɗatti, gemu wan imuam Yawenu, nuhig danab ah dilag ele daatte.

1 Stori 22:9

Amge na bekkat, na menukkut amu, nug maɗoɗ danab, nug ban hak danab ii daama. Amu da heppi, kekeɗ nuhikkud ag taliliadna daatteb ele ag ahan, ban ii hemana. Nug onig Solomon daakku amunu, nug king dayebeb, da heppi, haen amuppa Israel danab ah ag maɗoɗ, ban hak iitta daaglag.

Nehemaia 5:15

Juda dilag gawana tatam daappig, da ahilag okkai ii bemi haenppa amu, okkai amu ag Juda danab ah uug okkai madappig. Ag deɗ anen anen 500 gram silwa, ee digdig, wain ele mattaglagnu aeg madappig. Okkai amu dilag ehanittak anuqak ele ag eheɗ heegeg, Juda danab ah ag ahilkad maɗi nid bia daappig. Laa da okkai ii daami haenppa okkai daappig amu, ag anam heppig, amge da Kayaknu ebehil oh bodoetta le meum amunu, da anam ii hemi.

Nehemaia 5:9

Ag anam oɗelag qamutna, nai iitta daaegeg, da tuɗitten ami. “Ag hetteb ele amu, ag amuppa kobol genab tutukku ii hetteb. Ag ihinig kekeɗ, ag am iitta aɗi amu, ag anigna, aon aon iqaglagnu ib laa ii anidmananu, ag Kayaknu ebehilag oh bodoetta le meeb, oɗe dim lamidlob am ena.

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Sam 111:10

Danab nug Yawenu ebehi oh bodoetta le mette ele amu, danab amu nug digma, doyak dabmak ena ele aokkunu hette. Ao, danab ah oh ag Yawenu oo yaak nai ɗo bia dim lamidtteb ele amu, ag diignu doyak tutukku ele. Ag Nug binag hanhan meig!

Sam 86:11

O Yawe, da nahip doyak diig genabib dim lamidkkulnu amu, na nahip ib ippuniɗkkutnu oɗ medattem. Ao, da nahipnu ebehil oh bodoetta le mekkunu na heppe, da na dim lamidkkulnu oo laippu dayak dayeye oikkulnu unuqidttem.

Sam 94:13

Na nau hak danab heppe nauhkkulag, amge ag ii nauhppig haenppa, haen amuppa nau hak danab ag heeg, uug digdig nahipad danab ah aqadkkun betteb, amu uug amu nahipad danab ah aqatta aot autanab aomanu, na ehanadttem.

Prowerb 1:7

Amu Yawenu ebehi oh bodoetta le mak kobol am doyak digma awak aakku; amge danab ag Kayak dab-ii-menan ii dim lamidtteb ele ag doyak dabmak ena elenu, aria tolittak awaknu ele, ag amu dilahnu ena iinab dootteb.

Prowerb 23:17

Na hipunin danab dilagnu aib amen qe, oot elele ii dayom; iitta, na hanhan Yawenu ebehin oh bodoetta le mekkunu yag-nab-bak doye!

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Aisaia 11:10

Haen amuppa am inam daakku. Jesi buɗub nug geha king daakku. Nug pilak laa, pilak amuam ad elab attan ta ukkak galaeg daatte, nug amubia daakku, amu wanppan huu anen anen ohppan danab ah ag geha nuhigppa uɗin, gumidna dona, nug dooglagnu ba daakku. Nug anam dayebeb, wanppan wan ohppan danab ah ag nug gumidna goppeg, nuhig dayaknu aben am binag amahlak oppiaawak ele daakku.

Aisaia 33:6

Nugib ig ena daagnignu ukkunab daatte. Doyak dabmak ena ele, doyak, amu padal mematanu ehanittak ele Nug eppegppa huanak, ig aognignu daatte. Danab nug amu aokkun amu, nug Yawenu ebehi oh bodoetta le meeb oiyaɗ! Nug amu hekku amu, nug amu oh aokku.

Sekaraia 8:20

Amu Yawe Nukka Ɠagattag Oh Ele Nug inam atte. “Wan atu laih laihnu danab ah, aab okkai kuɗumppan danab ah ele ag Jerusalem tekkulagnu uɗiglag.

Aposel 12:24

Amge Kayaknu nai am tuɗitta okkai ma, tuala ukkom.

Aposel 16:5

Ag anam heppig amunu, Kristen tamaniak ag nai doyegeg, Jesusnu ooppa genab doyak ahilag am okkai meeme, deɗ oh Kristen dilag ebqak amu tuɗitteg okkai meum.

Aposel 2:47

Ag anam hena, haen oh Kayak binag meegeg, danab ah laa oh ahilagnu oolag enaib dayom. Haen amu deɗ ohppa Naɗi Nug danab ah laala eɗua diieye, ag Kristen tamaniak ooppa daappig ele amu, ag ele tuɗidppig.

Aposel 20:32

Am gemu da ag Naɗi eppegppa maatte, nuhig ehanittak okkai hamu megatte, nai amu waappa daaglagnu ele aakku maadttem. Nuhig ehanittak hamu mekkak, amuam heeb, ag ɠagattag, amu keeke, aug bia, Kayak Nug oppiaawak danab madakkunu aum ele, ag amu oh aoglagnu elele.

Aposel 5:11

Amu kobol amu be, Kristen tamaniaknu danab ah oh, amu danab ag keeke amunu nai dooppig ele, ag ele huan baɗappig.

Aposel 6:7

Aria, Kristen tamaniak ag anam hena, ⌊totol danab aɗi⌋ ag Kayak nai mehuqegeg, danab ah kuɗum ag oolagppa genab dooppig. Jerusalem appa danab kuɗum ag oolagppa genab doona, Kristen tamaniak ooppa ukkaeg, nuhig ebqak okkainab meeme, mana mettak danab kuɗum ele oolag eɗuom.

Aposel 8:1

Stiven menppa makkuɗeg mauhehe, Saul nug amunu oo ena dayom. Amu genab tutukku hak danab laala ag nug gaɗa aon gona boumna, mahiak okkai heppig. Aria, haen amuppa Juda dilag okkai ag ahan digmena, Kristen tamaniak Jerusalem dayom amu heeg nauha auta awom amunu, Kristen ag ahan, matatun gona, Judanu wan atu, Samarianu wan atu eleppa daappig. Kristen ag ahan goppig, amge totol danab 12 ag Jerusalem ii uuppig; ag daappig.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Rom 14:19

Amunu tamaniakppa ig kobol laala, ig kobol amu dim lamittutut, danab laa ele maɗoɗ daattem, amu kobol laala ig kobol amu dim lamidtutut, ig lainkad ele, ig oh ihinig ooppa genab doyak nug ɠagattag qedattem, ig kobol amuib dim lamidta hetu!

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

Rom 5:5

Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.

1 Korint 14:12

Amu ag ele anamib. Ag ele Kayak Ouɗinu ɗo hamu mettak aoglagnu oolag huana daatte amunu, Kayak Ouɗi Nug ag Kristen tamaniak ɠagattag madakkunu ɗo hamu mettak amu ag anen anen madatte amu, ag ɗo hamu mettak amu elelenab hekkulagnu wagai meig!

1 Korint 14:26

Anam daatte amunu O lailad, ag ahi ettaglagnu qagmena, ag attemtai hekkulag? Ag inam hekkulag. Haen ag oh qagmetteb, laa nug ahiettak laa edakku, laa nug ɠagattag aqaknu nai ippuanadkku, laa nug Kayak nai ippunittom amu mehuqkku, laa nug nai laappa nai madikku, am laa nug nai amu eɗukku. Ag keeke amu oh anam hekkulag, amge ag keeke oh Kristen tamaniak ɠagattag qekkunu heig!

2 Korint 10:8

Am Naɗi Nug ig ahilag ooppa genab doyak ɠagattag qettagnignu uɗat amunu ehah mekkom. Ig anam hepput, ahilag ooppa genab doyak na qekkunu ii mekkom amunu, da ehah amu onig okkai humattem dayeb amu, da uɗal ele ii nema. Da aɗi hekkulnu attem am da hekkul.

2 Korint 12:19

Da ii doottem. Ag ihinignu, “Ag ig ahilagnu, ahilag haknu ele ena dooglagnu anam yaatteb,” dabmettebtai. Amge iitta. Ig Kristusnu daattem amunu, ig Kayak noobppa nai imu madittem. O lailad, gadonnab, da nai yaami imu oh amu ahilag ooppa genab doyak amu ɠagattag qedakkulnu yaami.

2 Korint 13:10

Gemu da ippa dayeye, da ahilag nai imu yaami amu, amunu diig am, da nai imu yaappi, ag anidna ebqena, ag da yaami bia keeke bappaidppeg, geha da goppi ag ele daatta amu, uɗatnu ɠagattag, Naɗi Nug da meɗom imuppa, da amuppa ag epeɗiadkkulnu uɗat laa ii daama. Nug ɠagattag da meɗom imu am, ahilag ooppa genab doyak amu ɠagattag qedakkunu meɗom. Da heppi, ag nena qekkulagnu ii meɗom.

2 Korint 7:1

O da gamalad, Kayak Nug ihinignu nai qakka anak amu aum amunu, ig meunignu, amu ouɗinignu dubuttid ele oh geɗidta, ig Kayaknu ebehinig oh bodoetta le mak dootta, ig meunig ohppa Kayaknu oppiaawak ele daat oitu!

Epesus 4:12

Kristus Nug beɗu ena, ɠagattag daakkunu amu, Nug Kayaknu danab ah oppiaawak ele ag uɗat ena hekkulagnu, uɗat anen anen danab amu anam mattom.

Epesus 4:16

Danab beɗunu laih kuɗum oh ag diɗippa tuɗittak daanna, ahilag uɗat anen anen pehettak heegeg, beɗu ena ɠagattag mette, amubia ig tamaniak ooppa daattem ele, ig ihinig ikki Kristus nuhigppa laippu daat, ig uɗat ihinig anen anen hetata, ig nug oo mauhakppa oitut, tamaniak ena, ɠagattag mette.

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

Epesus 5:21

Ag Kristusnu ebehilkad oh bodoetta le meeb, ag akka akka ag nug waappa dayeg!

Duteronomi 12:10

Ag haen elab iitta, Jodan le mataɗna wana, ag wan Yawe, ahilag Kayak, Nug ag madatte, ag amuppa daaglag. Wan amuam ag aulag daakkunu ag madatte. Yawe Nug ag ehanatteb, ahilkad kekeɗ eɗadna, ag appa aben aon, baɗak iittappa daanna amu,

Pilipai 2:1

Aria, ag Kristusnu daatteb, amu Nug he, ag oolag ɠagattag qak dootteb. Kayaknu oo mauhak am ag oo mak madatte. Kayak Ouɗi Nug he, ag tamaniak laippu daan, ag nug oo bodoettak, amu ag nug oo bodoetta le mak ele doon daatteb.

Kolosi 1:10

Anam dayeb amu, ag Naɗinu dabmak dim lamidkkulagnu, ag Nug oo niitte ohppa oiglagnu elele daanna, ad meu ena otte, amubia ag anen anen ag oinna, ag uɗat ena oh hekkulag, amu ag doyak Kayaknu tuɗidna aoglag.

1 Tesalonaika 5:11

Anam amunu, ag gemu hetteb amu, ag tuɗidna, anamib henana, akka akka nug ehanidna, nug oo ɠagattag qettak ele heig!

1 Timoti 1:4

Laa ele, ag kaya hamu, amu alalkad memetalkad onilag kuɗumnab batak iitta amu, amunuib aib dabmenana madippig. Ag keeke aɗit amu mattinna, tamaniak ooppan danab ah dilag dabmak kabolitteb. Nai ag maditteb ele amu, Kayaknu uɗat ii ehanidtte. Iitta. Kayaknu keeke am ooppa genab doyak, ib amuppaib bette.

Hibru 4:9

amunu, Kayak Nug nuhikkud danab ag hik aon daaglagnu hik awak ⌊enanag, hanhannu ele⌋ babaittom daatte. Amuam deɗ eblaih aɗit elenu hik awaknab ahilag.

Josua 21:44

Amu Yawe Nug he, Israel dilag kekeɗ ag nakok laa heeg, Israel ag ii baɗadna, ag maɗoɗ, ena daappig. Yawe Nug ag mamelkad aɗi amelagppa Nug anamnab hekkunu nuhig nai ɠagattag qetta aum amu, Nug amu bianab heum. Yawe Nug Israel ehanattom amunu, ahilkad kekeɗ laa ag Israel ele ban hena, eɗadkkulagnu elele iitta daappig.

Jut 1:20

Amge O lailad, ag oolag ɠagattag qettan, ooppa genab doyak oppiaawak ele ahilag aɗeg! Ag hanhan Kayak Ouɗinu ɠagattagppa unuqitteg!

Ikki Danab 3:30

Ag anam heppig amunu, Israel danab deɗ amuppa ag Moap danab eɗadna heeg, Moap ag waalagppa daaeg, maɗoɗ dayak, maɗ 80 wan amuppa dayom.