Aposel 9:23 - Nobonob Baibel

²³ Nug anam heehe, deɗ kuɗum ukke, Juda ag qagmena, Saul qeppeg mauhkkunu nai qagappig.

Aposel 9:23 ပူးပေါင်းရင်းမြစ်များ

Aposel 13:50

Appanu ag Naɗinu nai dooppig, amge Juda ag ahan, aab okkai amuppan ikki danab amu ah laala onilag ele, ag Kayaknu ebehilkad oh bodoetta le meum amu, ag oolag yaaeg, ag ahan, Pol, Barnabas ele eheɗ haatna, aa wan atu amuppanu lamatppig.

Aposel 14:19

Aria, aa Listra daaeheh, Juda laala Antioknu Aikoniamnu ele uɗiadppig. Ag appa uɗin, danab ah amu eeɗadna, Pol qeppeg mauhkkunu oolagppa noeg, ag menppa Pol makkuɗeg, mauhak bia niieye, ag eeɗna, aab okkai giginppa gona meppig. Ag, “Nug mauhom,” anana, anam heppig.

Aposel 14:2

Amge Juda laala, ag oolagppa genab doyaknu uuppig ele ag ahan, iitta aɗi oolag yaaeg, ag Kristen dilag oolag aeg beum.

Aposel 15:26

Anukka aa Jesusnu nai mehuqyaya oieheh, danab laala ag aqatkkulagnu dabmeppig, amge aa ihinig Naɗi Jesus Kristus onignu uug maoya mauhkkulahnu ii baɗaya, uɗat amu ii uupiɗ, gemu ele anam oittep.

Aposel 20:3

Grik wanppa ta, appa nug kalam ewam dayowa, amu dimppa nug aha, uub awa Siria gokkunu haaha, Juda ag nug qeppeg mauhkkunu nai qagappig doyom amunu, nug eɗua Makedonia gokkunu dabmeum.

Aposel 23:12

Naɗi Nug Pol amegppa anam a, wagɗe deɗ amuppa Juda laala ag qagmena, ag keeke hekkulagnu nai ahilag ɠagattag qettan, ag inam appig. “Ig Pol qepput mauhkku. Ig ee le ele paha ii lamata. Iitta, Ig hamu daata, ig Pol qepput mauheb, ig eɗut ee le ele lakkunig,” aon appig.

Aposel 9:16

Geha nug da onil ag ippuanattatta, amuppa nug uug nau digdig maokkunu daatte amu da nug ippunidkkul,” awa aum.

Aposel 9:22

Ag anam aegeg amu Saul nug Jesusnu, Kayak Nug Nug tituanom, Kristus daatte, amu tutukkunab nai ebehi eleppa ippuanatte, Juda ag Damaskus daappig, ag nuhig nai tabappeg nokkunu ib laa ii anidppig.

2 Korint 11:26

Da haen kuɗum ib uma amu gomi. Da leppa padal mekkulnu hemi. Danab nau ibppa daanna, danab ukkaegeg, makkuɗadna keeke ahilag aɗuadtteb ele amu, ag eppelagppa heeg nauhkkulnu hemi. Da lailad ag eheɗ heiɗkkulagnu heegeg, iitta aɗi danab ele, ag da eheɗ heiɗkkulagnu heppig. Aab okkaippa ag da eheɗ heiɗkkulagnu heppig, atu taɗakppa danab iittappa, ag eheɗ heiɗkkulagnu heppig. Yuppa da padal mak abenppa daami amu, Kristen tamaniak ooppanu hambuppuak danab, ag ele da eheɗ heiɗkkulagnu heppig.