Aposel 9:22 - Nobonob Baibel

²² Ag anam aegeg amu Saul nug Jesusnu, Kayak Nug Nug tituanom, Kristus daatte, amu tutukkunab nai ebehi eleppa ippuanatte, Juda ag Damaskus daappig, ag nuhig nai tabappeg nokkunu ib laa ii anidppig.

Aposel 9:22 ပူးပေါင်းရင်းမြစ်များ

Genesis 49:24

Amge nuhig lat ii hahaɗom. Ao, nug eppeg laih laih oh am enaib daapiɗ. Laa Ɠagattag Okkai Ele, nuhignu amu, da, Jakop, da Nug binag mettem amu, Nug nug ehanidtte. Ao, Sipsip Gumitta Danab Ena, Nug kekeɗ nuhikkud danab aqamnanu ehanittak daatte, Nug nug itittak ena medatte.

Job 17:9

Genab tutukku hak danab ag ib oittebppa daan oiglag; ag ib ii apiɗidmana. Ge, laa ag eheɗ ii hetteb ele, ag ɠagattag daatteb amu, ag tuɗidna, ɠagattagnab daaglag.

Sam 51:13

Am na anam hekkut dayeb amu, da geha nahip haknu hipunin danab ah ippunadppi, ag nahip-ppa eɗun uɗiglag.

Sam 84:7

Ag oitteb haenppa, Yawe Nug ag dabmatta atognoattatta, ɠagattag madette, ag anen anen Sion appa Kayak toppa gotteb.

Aisaia 40:29

Nug danab beɗu bodoettom ele ɠagattag medatte. Ao, Nug danab gai-iitta meum ele he, nug ɠagattag ele daatte.

Luk 21:15

Aɗinu? Da geha da dakka ag nai akkulagnu oɗelagppa mein, dabmak ena ele madakkul. Geha kekeɗ ahilkad ag da nai madakkul amu otaɗna tabappeg nokkunu ele iitta.

Aposel 17:3

Nug Kayak nai amu diig mehuqaqa amelagppa aum. “Kristus Nug nuhig uɗat ha malakkunu amu, Nug guittak nauppa mauha, eɗua hippaidkkunu dayom,” awa aum. Nug nai mehuqe doyegeg, nug aum. “Jesus, da nuhignu ag amelagppa attem ele amu, Nug amu Kristus,” awa aum.

Aposel 18:5

Am Pol nug anam heehe, dimppa Silas, Timoti ele aa ahai, Makedonia uuya neeh, Pol nug uɗat laa heum amu uua, nug Kayak naiib deɗ oh mehuqom. Nug Juda danab amelagppa, “Jesus Nug am Kristus,” mattia aum.

Aposel 28:23

Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

Aposel 9:20

Saul ag ele, ag appa daanna nug ameg mak ii heum. Iitta. Nug ukka, Juda dilag nai doyak lag laalappa noa, nug Jesusnu nai mehuqa, amelagppa inam aum. “Jesus Nug Kayak Bekka,” awa aum.

Aposel 9:21

Nug Jesusnu nai amelagppa mehuqeqe doonna, danab oh ag nuhignu ottaina dabmak kuɗum aonna, ag appig. “Danab amu nug aakkuib danab ah ag Jesusnu oolagppa genab doon unuqidtteb ele amu, nug ag aqattom. Nug Jerusalem uppa anam ha, ippa ele nug ag hippalatta diia, mana mettak danab okkai eppelagppa maadkkunu uɗiom,” aon appig.

Aposel 9:23

Nug anam heehe, deɗ kuɗum ukke, Juda ag qagmena, Saul qeppeg mauhkkunu nai qagappig.

Aposel 9:27

Ag nug baɗidppig, amge Barnabas nug Saul omala, totol danab 12 gumatta ukka, ibppa Saul nug Naɗi Jesus antte, amegppa nai aum amu Barnabas nug amunu amelagppa mattia, nug Saul Damaskus dayaya nug baɗak iitta ele, Jesus onigppa nai mehuqom.

1 Korint 1:27

Amge ag amunu aib ottaippig. Kayak Nug kobol laala, wan danab ag amunu, “Dabmak tutukku iittappan kobol,” aon atteb ele amu, Nug wanppan doyak dabmak ena ele danab uɗalag nekkunu, kobol amu tituanattom. Amu keeke wan danab ag amunu, “Keeke ɠagattag iitta,” atteb ele amu, Kayak Nug wanppan danab ɠagattag ele amu, ag uɗalag nekkunu keeke amu tituanattom.

Galesia 1:18

Aria, dimppa maɗ ewam ukke amu, da Pita ele nai mattignihnu Jerusalem gomi. Am da Pita ele deɗ 15 daamuɗ,

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

1 Timoti 1:12

Da Kristus Jesus, ihinig Naɗi, Nug da uɗat imu hekkulnu ɠagattag meɗom amu, da Nug amegppa, “Ena heme,” awe attem. Aɗinu? Nug uɗat imu da eppelppa meeb hekkulnu elele aniɗa, Nug nukka da uɗat imunu tituaniɗom.