Aposel 9:18 - Nobonob Baibel

¹⁸ Anam awa a, Saul ameg laih laihppa keeke kakai gonelag bia aɗaya daapiɗ amu, nug ameg doɗoppanu tolai neya qeeh, ameg ena daye, aha layattak awom.

Aposel 9:18 ပူးပေါင်းရင်းမြစ်များ

Aposel 2:38

Aon aeg am, Pita nug amelagppa aum. “Kayak Nug ahilag hipunin uhuqatta madakkunu amu, ag oh akka anen anen ag oolag eɗueb, Jesus Kristus onigppa layattak aweg! Ag anam heppeg, Kayak Nug nuhig Ouɗi ag ɗo hamu mettak bia madakku.

Aposel 2:41

Am danab ag Pita nai mattiom, ag amu genab doonna, ahilag ebqak am 3,000 keeke, amu ag layattak aoppig. Aona, ag Jesusnu oolagppa genab dooppig ele, ag amu oolagppa ukkaeg, oh laippu daanna,

Aposel 22:13

Da daaiyi, danab amu nug da gumiɗa uɗia, gukkuiɗa hibaitta dayaya, nug da amelppa aum. ‘Lai Saul, na amen eɗua obateb, na neekke!’ awa aum. Nug anam a, haen amuppanab da neegppi ukkeb nug anidkkulnu elele daami.

Aposel 22:16

Aria, na aib hamu daame! Na ahan, layattak aon, na Jesus onigppa unuqidppeppe, Nug hipunin nahip uhuqa medakku.’ Ananias nug anam da amelppa aum.

Aposel 9:17

Amunu Ananias nug ukka, Saul dayom ele, lag amu ooppa noa, eppeg qaɗeppa ma, nug amegppa aum. “Lai Saul, Naɗi Jesus Nug na ibppa gumitta neum ele amu, Nug na eɗun bau neegkkutnu, Kayak Ouɗi na ootppa ambekku Nug aakku he, da na gumitten uɗimi,” awa aum.

Aposel 9:19

Nug layattak awowa, dimppa nug ee laawo, beɗu ɠagattag qeum. Ɠagattag qe, Saul nug Damaskus appa deɗ laib laib danab Jesusnu oolagppa genab dooppig ele amu, nug ag ele oh daappig.

Aposel 9:8

Nug nai mattia male, aria Saul nug wanppanu aha gokkunu neekkom, amge nug ameg gatatu mane, ag nug eppeg aɗan, omalna Damaskus noppig.

2 Korint 3:14

Amge Israel danab ag dabmak ahilag am ɠagattag eppom daatte. Anukkanu uɗie gemu ele anam. Ag haen amu oh tituanak alagnu yaak amu ag ebqeppig, gemu ele ebqetteb, amge ag amunu meunab ii dooppig, gemu ele ii dootteb. Danab nug iɗu am iɗu hautaknu lamen qattippa hautak daatte, ahilag dabmak am amubia ina daatte. Ag ii aotteb. Iitta. Danab nug Kristusnu ooppa genab dootte dayeb, Kayak Nug lamen amu maut-tte.