Aposel 9:13 - Nobonob Baibel

¹³ Naɗi Nug Ananias amegppa anam aum amu Ananias nug eɗua inam aum. “Naɗi, danab kuɗum ag danab amunu aeg doomi. Nug kobol ena iitta haaha, nahipad danab ah oppiaawak ele Jerusalem daatteb ele eheɗ hattom.

Aposel 9:13 ပူးပေါင်းရင်းမြစ်များ

Esekiel 3:14

Da amu dooi, Ouɗi da humiɗa, omaiɗa ukkom. Da ugekke, ⌊Yawe Nug uɗat da meɗom, da amunu⌋ uug naunab nau doye, ⌊da lailad, Israel danab ah dilag haknu da⌋ ool nauhom. Anam, amge Yawe Nug da ⌊nuhig uɗat hekkulnu⌋ ɠagattag aɗaile, ⌊da ukken hekkulnuib daye,⌋ da gomi.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Aposel 22:4

Amu Kristen danab ah ag Jesusnu oolagppa genab doona, nuhig ib imu dim lamidppig ele amu, da ag eheɗ hattami. Da laala aqai mauhppig; laala amu, ag danabte o ahte, da ag aɗalatten diie ukken, maniguittakppa maadmi.

Aposel 8:3

Amu Saul nug aha, Kristen tamaniak heeb iitta mekkunu uug madatta, nug ukka lag lag oiyaya, Kristen danab amu ah ele diia ukka, maniguittakppa inattom.

Aposel 9:1

Amu haen gamag amuppa ele Saul nug danab ah Jesusnu oolagppa genab dooppig ele, nug ag aqeb mauhkkulagnu, nug ɠagattag anana, wagai ma haaha, nug mana mettak ikki danab gumitta ukka

Aposel 9:21

Nug Jesusnu nai amelagppa mehuqeqe doonna, danab oh ag nuhignu ottaina dabmak kuɗum aonna, ag appig. “Danab amu nug aakkuib danab ah ag Jesusnu oolagppa genab doon unuqidtteb ele amu, nug ag aqattom. Nug Jerusalem uppa anam ha, ippa ele nug ag hippalatta diia, mana mettak danab okkai eppelagppa maadkkunu uɗiom,” aon appig.

Aposel 9:32

Pita nug danab ag matatun aabaab gona daappig anadkkunu oiyaya, nug aab Lida noa, appa Kayaknu danab ah oppiaawak ele anatte daappig.

Aposel 9:41

Anam dayeye, Pita eppeg aɗa, hume hibaittom. Nug eɗua ahe, Pita nug danab ah, Kayaknu oolagppa genab dooppig, ah qab ele, ag onilagppa e uɗieg, Tabita bau dayeye awa mattom.

Rom 1:7

Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

Rom 15:31

Amu ag Kayak da ehaniɗa, Juda laala ag oolagppa genab ii dootteb ele, Nug da ag eppelagppanu eɗua awiɗkkunu unuqitteg! Ag Kayak Nug heeb, nuhikkud danab ah oppiaawak ele Jerusalem daatteb ele, da uɗat ag ehanadkkunu hekkulnu hettem imu amu, ag amunu oolag hekkunu unuqitteg!

Rom 16:15

Ag humittak dahil Pilologus, Julia, Nereus, ah laa, nug Nereus ele aa am eappinag, amu Olimpas ele, amu Kayaknu danab ah oppiaawak ele oh ag ele daatteb, amu oh ele matteg!

Rom 16:2

Nug ag ele oh ag Jesusnu oolagppa genab dootteb amunu, ig Kayaknu danab ah oppiaawak ele, ig laa nug bia ehanidkkunignu doottem, amubia ag nug aon ehanidkkulagnu oɗ madattem. Nug keeke laanu oo uug dayeb, ag ehanitteg! Aɗinu? Nug danab kuɗum laa ehanattom, da ele ehaniɗom amunu, nug ag anam ehanidkkulagnu elele daatte.

1 Korint 1:2

i nai imu uɗugppa yaattep. I Kayaknu Kristen tamaniak Korint daatteb, ahilagnu yaattep. Ag Kristus Jesusnu, oppiaawak danab ah daatteb. Nug ag oppiaawak daaglagnu ag onilagppa eum. Amge Nug agib onilagppa ii eum. Iitta! Nug danab ah oh ag wan atu ohppa daana, ag Naɗi Jesus Kristus onigppa unuqidtteb amu, ag oh onilagppa eum. Jesus amu, Nug am ag ig ele, ig oh ihinig Naɗi daatte.

1 Korint 14:33

Aɗinu? Kayak Nug mauhnoak dayak ii he bette. Iitta. Nug he, oo laippu, maɗoɗ ele dayak bette. Kristen tamaniak qagmak ohppa

1 Korint 16:1

Gemu da ag men doɗo qagmena, Kayaknu danab ah oppiaawak ele mattaglagnu hetteb, da amunu akkulnu hettem. Da tatam Galesia Kristen tamaniak ib ippuanatti hetteb, amubia ag ele heig!

1 Korint 6:5

Da nai imu attem amu, ag uɗalag neeb kobol tutukku hekkulagnu attem. Ag oolagppa danab laa, nug danab aɗit dilah nai epeɗikkunu doyak dabmak ena ele laa iittate?

Epesus 1:1

Da Pol, da Kristus Jesusnu totol danab daakkulnu Kayak Nug da tituaniɗom amu, da Epesus danab ah ag Kayaknu danab ah oppiaawak ele, ag Jesus Kristusnu daaglagnu oo metta ii uuak kobol dim lamidtteb ele, da ahilagnu iikku yaattem.

Pilipai 1:1

Da Pol, amu Timoti ele, i oh am Kristus Jesusnu maɗi nid, i uɗug imu Kayaknu danab ah oppiaawak ele oh Jesus Kristusnu daan Pilipai daatteb, amu ahilkad gumak ikki danab, amu ahilkad toliak danab oh ele, ahilagnu yaattep.

Pilipai 4:22

Kayaknu danab ah oppiaawak ele oh ippanu, ag ag Pilipai daatteb ele humadtteb, amge Kristen danab ag Sisar laugppa uɗat hetteb ele, ag humattak amu hekkulagnunab hetteb.

Kolosi 1:2

i uɗug imu ag danab ah Kolosi daatteb, i laintad, ag Kayaknu danab ah oppiaawak ele, ag Kristusnu daaglagnu oo metta ii uuak kobol dim lamidtteb, i ahilagnu yaattep. Ig Mamenig Kayak, nuhig ehanittak okkai hamu mettak, amu nuhig maɗoɗ ele ahilagppa daaglahnu oonih daatte.

Hibru 13:24

Amu ag ihinig humittak nai ahilkad ikki danab oh mattanna, Kayaknu danab ah oh ele matteg! Amu Kayak baekkudppan danab Italinu ag humittak nai ahilagppa meeg gotte.

Jut 1:3

O lailad, da tatam Kayak Nug uɗat naɗi ig eɗua awigkkunu heum ele, da amunu yaakkulnu dabmein aute aomi. Amge gemu amu, da nai imu yaakkulnu duttunak doyeye, da uɗug imuppa ag Kristennu ooppa genab doyak kaboliak daamanu ag wagai mekkulagnu, da ahilag dabmak maɗedakkulnu nai imu yaattem. Kayak Nug haen laippu ooppa genab doyak amu nuhikkud danab ah oppiaawak ele matta malom, baula ii mattama; auntai baolikkunu ele elele iitta.

1 Samuel 16:2

Yawe Nug Samuel amegppa aum, amge Samuel nug eɗua aum. “Da ukken, amu heppi, Saul nug amu doya, nug da iweb mauhkkul.” Samuel nug anam a amu, Yawe Nug Samuel amegppa aum. “Na makau balat laa aon ele goppe, laa nug na oɗ metta, ‘Na aɗinu Betlehem uɗime?’ aab amu, aria na inam akkut, ‘Da Yawenu mana mettak laa hekkulnu uɗimi,’ akkut.