Aposel 9:11 - Nobonob Baibel

^11-12 A amu Naɗi Nug amegppa aum. “Na ahan, ib onig Tutukku, amuppa gona, Judas laugppa tena, na Tarsus danab laa anidkkut, nug onig Saul. Nug unuqidtte. Amu da hei, nug tuleglegppa, nug eɗua neegkkunu elele daakkunu amu nug danab onig Ananias nug ukka, nug eppeg qaɗeppa me anttom,” awa aum.

Aposel 9:11 ပူးပေါင်းရင်းမြစ်များ

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Jon 4:10

Ah anam a amu, Jesus oɗeppa awa aum. “Na Kayak Nug ɗo medakkunu hette doolom, amu na danab aun Nug nahipnu, ‘Na le aon doppe lai!’ aum ele, na Nug ele doolom amu, na Nug amegppa appe, Nug na le bauklel ele mettalo,” awa aum.

Aposel 11:13

Lakka teut, danab amu nug engel, nug laug ooppa noa hibaitta dayaya, nai amegppa aum amu nug amunu ig amenigppa mattiom. Kornilius nug engel inam aumnu ig amenigppa aum. ‘Na danab heppe, Jopa gona, ag Saimon, nug onig laa Pita, nug appeg uɗia,

Aposel 11:25

Aria, Barnabas nug Saul anidkkunu Tarsus ukka

Aposel 2:21

‘Anam amge aun laa nug Naɗi onigppa eeb amu, Naɗi Nug ehanitteb, nug padal ii mema.’ Joel anam yom.

Aposel 21:39

Oɗ mette am Pol nug aum. “Da amu Juda danab; da aab okkai onig Tarsus, Silisia wanppa daatte, amuppan danab. Aab okkai dahil amu onig okkai ele. Amu na appe, da danab ah amelagppa nai madikkulnu ool daatte,” awa aum.

Aposel 22:3

Ag anam daaegeg, Pol nug nai tuɗitta aum. “Da am Juda danab. Da anil amu nug da aab okkai Tarsus, Silisia prowinsppa daatte, nug appa da menuiɗom, amge da aab okkai imuppa ena mein, Gamalielnu sulppa sul hei, nug ig alankad dilag ɗo amu oh nug da tutukku ippuniɗom. Ippuniɗe amu, da Kayak dim lamidkkulnu wagainab memi, gemu ag ɗo amu dim lamidna, wagai mena hetteb amubia.

Aposel 8:22

Am na kobol nau nahip amunu oot eɗueb, na Naɗi ⌊Nug nahip hipunin uhuqa medakkunu⌋ unuqitte! Na anam hekkut amu, Nug dabmak nau nahip dabmakppa beum uhuqa medakku.

Aposel 8:26

Aria Naɗinu engel laa nug Pilip amegppa aum. “Na ahan, laih yau uɗitteppanu gona, ib laa Jerusalemnu Gasa ukkakppa daatte amu appa ukke! Ib amuam atu taɗakppanu ib,” awa aum.

Aposel 9:30

Anam heegeg, Kristen tamaniakppanu nug laikkud ag amu doona, ag Saul omalna Sisaria nona meeg, Tarsus ukkom.

Duteronomi 4:29

Ag geha wanppan wan laalappa anam appa daanna, ag Yawe, ahilag Kayak, ag Nug anidna dim lamidkkulagnu Nug mattiglag. Amu ag meulag ohppa, oolag ohppa ele Nug anidna dim lamidkkulagnu Nug mattiglag dayeb, haen amuppa ag Nug anidkkulag.