Aposel 9:1 - Nobonob Baibel

¹ Amu haen gamag amuppa ele Saul nug danab ah Jesusnu oolagppa genab dooppig ele, nug ag aqeb mauhkkulagnu, nug ɠagattag anana, wagai ma haaha, nug mana mettak ikki danab gumitta ukka

Aposel 9:1 ပူးပေါင်းရင်းမြစ်များ

Sam 27:12

Danab laa ag hettoɗiakppa nai hambuppuak dahilnu maditteb amu, ag da guittak nau mauhnoak meɗaglagnu hetteb amunu, kekeɗ dahilad amu ag dabmak ahilag dim lamidna, ag da eɗilna, iuppeg mauhpanu, na da ii uuiɗmananu oɗ medattem.

Aposel 7:58

Ag aɗan, aon aab okkai amu dimittim eeɗna gona, ag digmena, menppa nug makkuɗppig. Tatam danab ag nug beɗuppa nai yaappig ele amu, ag ahilag ulahnu lamen uɗan, nid bau laa gumakkunu medappig. Nid amu onig Saul.

Aposel 8:3

Amu Saul nug aha, Kristen tamaniak heeb iitta mekkunu uug madatta, nug ukka lag lag oiyaya, Kristen danab amu ah ele diia ukka, maniguittakppa inattom.

1 Korint 15:9

Amu da totol danab oolagppanu amu da onig iitta bia daattem. Laa ele amu laa ag dahilnu, “Nug totol danab,” aon ii alob bia. Aɗinu? Da Kayaknu Kristen tamaniak amu heppi, iitta mekkulagnu eheɗ hadattami,

Galesia 1:13

Am da kobol anukka, haen da Juda dilag kobol dim lamittette, kobol hemi amu, ag amu dootteb. Kayaknu Kristen tamaniak danab eheɗ hattak danab nau am da iikku; ag iitta mekkulagnu da wagai mein hemi.

Pilipai 3:6

Yag-nab-bak doyaya uɗat huana hak kobolnu amu, da ɠagattag hein, da Kristen tamaniak eheɗ nau hattami. Amu ɗo dim lamittakppa genab tutukku hak danab daakkunu amu, da huana hei, laa nug ɗo aɗi aɗi hekkunignu ippunigtte amu, nug dahilppa eheɗ hak laa anidkkunu elele iittanab.

1 Timoti 1:13

Anukka da Kayaknu dabittak nai mattimi. Da danab nuhikkud eheɗ hadattami; da ele beɗuppa tak danab daami, amge Kayak Nug dahilnu oo gai-iitta doya oo meɗa ehaniɗom. Aɗinu? Da Jesusnu oolppa genab ii doyeye, da ool ele ii maittette, da eheɗ hemi.