Aposel 8:3 - Nobonob Baibel

³ Amu Saul nug aha, Kristen tamaniak heeb iitta mekkunu uug madatta, nug ukka lag lag oiyaya, Kristen danab amu ah ele diia ukka, maniguittakppa inattom.

Aposel 8:3 ပူးပေါင်းရင်းမြစ်များ

Aposel 16:19

Aakku nid ahin amunu gumak danab ag ahilag men doɗo awaknu diig amu iitta meum anidna, ag Pol, Silas ele aɗualatna eeɗatna, danab gumaknu ehah ele noolagppa ee oɗiak abenppa goppig.

Aposel 22:19

A am da ami. ‘Naɗi ag da dooiɗtteb. Anukka da Juda dilag nai doyak lag ohppa oiyeye, danab ah ag nahipnu oolagppa genab dooppig ele amu, da diie maniguittakppa maatten, da ag bu aqami.

Aposel 7:58

Ag aɗan, aon aab okkai amu dimittim eeɗna gona, ag digmena, menppa nug makkuɗppig. Tatam danab ag nug beɗuppa nai yaappig ele amu, ag ahilag ulahnu lamen uɗan, nid bau laa gumakkunu medappig. Nid amu onig Saul.

Aposel 9:21

Nug Jesusnu nai amelagppa mehuqeqe doonna, danab oh ag nuhignu ottaina dabmak kuɗum aonna, ag appig. “Danab amu nug aakkuib danab ah ag Jesusnu oolagppa genab doon unuqidtteb ele amu, nug ag aqattom. Nug Jerusalem uppa anam ha, ippa ele nug ag hippalatta diia, mana mettak danab okkai eppelagppa maadkkunu uɗiom,” aon appig.

1 Korint 15:9

Amu da totol danab oolagppanu amu da onig iitta bia daattem. Laa ele amu laa ag dahilnu, “Nug totol danab,” aon ii alob bia. Aɗinu? Da Kayaknu Kristen tamaniak amu heppi, iitta mekkulagnu eheɗ hadattami,

Galesia 1:13

Am da kobol anukka, haen da Juda dilag kobol dim lamittette, kobol hemi amu, ag amu dootteb. Kayaknu Kristen tamaniak danab eheɗ hattak danab nau am da iikku; ag iitta mekkulagnu da wagai mein hemi.

Pilipai 3:6

Yag-nab-bak doyaya uɗat huana hak kobolnu amu, da ɠagattag hein, da Kristen tamaniak eheɗ nau hattami. Amu ɗo dim lamittakppa genab tutukku hak danab daakkunu amu, da huana hei, laa nug ɗo aɗi aɗi hekkunignu ippunigtte amu, nug dahilppa eheɗ hak laa anidkkunu elele iittanab.

1 Timoti 1:13

Anukka da Kayaknu dabittak nai mattimi. Da danab nuhikkud eheɗ hadattami; da ele beɗuppa tak danab daami, amge Kayak Nug dahilnu oo gai-iitta doya oo meɗa ehaniɗom. Aɗinu? Da Jesusnu oolppa genab ii doyeye, da ool ele ii maittette, da eheɗ hemi.

Jems 2:6

Amge ag, da nai imu ahilagnu yaattem ele amu, ag daɗek danab heeg uɗalag nette. Ag dootteb, danab enulag ele ag heeg, ag Kristen ag aakku uug anidtteb. Danab enulag ele ag aakku eeɗatteg, hettoɗiak abenppa watteb.