Aposel 8:27 - Nobonob Baibel

²⁷ A amu, aria Pilip nug aha ukkom. Amu ibppa nug Itiopia danab laa uɗa teum. Danab amu nug am Itiopia dilag Kwin Kandasi, nuhig ehanittak anuqak danab okkai laa. Nug am danab hipab qak ele. Nug Kandasinu men doɗo oh gumttom. Danab amu nug Kayak noobppa dup noa binag mekkunu Jerusalem ukkom.

Aposel 8:27 ပူးပေါင်းရင်းမြစ်များ

1 King 10:1

Amu Seba wanppanu kuin nug Solomonnu, “Yawe nug Solomonnu ena he, Solomon nug onig okkai beum,” nai amu nug doyom. Nug doyom amunu, kuin nug Solomon anidkkunu, nug oɗmak ɠagattag laala, Solomon nuhig doyak dabmak ena ele, nug amunu ma anttak oɗ medakkunu uɗiom.

Sam 68:29

Na nahip mettid lag Jerusalem daatte amu, wanppan king anen anen ag en takis bia, na mettaglagnu aon uɗin, appa na medatteb.

Sam 68:31

O Kayak, na anam heppe, dimppa Isip danab ah ag nagattoppa uɗiglag. Na anam heppe, dimppa Kus danab ah ag uɗin, na noomppa dup nona binan mekkulag.

Sam 87:4

Yawe atte. ⌊“Israel danab ah ag da noolppa dup nona, da binal metteb amunu, da ag onilkad dahil bukppa yaami.⌋ Dimppa, Isip danab ah, Babilon danab ah ele, ⌊ag da noolppa dup nona binal mekkulag amunu,⌋ da ag onilkad, Israel onilkad dahil bukppa yaak daattebppa yaakkul. Yo, dimppa danab ah Pilistianu, Tairnu, amu Kus appanu ele, ⌊ag da noolppa dup nona binal mekkulag. Ag anam heppeg,⌋ da ahilagnu, ‘Imu ag Sion appa menuadppig!’ akkul.” Yawe Nug anam atte.

Aisaia 18:7

Haen amuppa wan laappan danab ah, ag danab ah elab elab; ag beɗulag anttaknu am ena, qa oppiaawaknab, danab wan amuppanu ag am ban danab nau, laa ohbia ag ag baɗadtteb, wan amuam wan ɠagattag, wan amuppan ban danab ag wan laa eɗadtteb, ahilag wanppa amu, le kuɗum wan oppatatte, obatak obatak daatte, amu danab ah huu wan amuppan ag geha keeke ɗo mettak ena amu Sion qaukoppa aon uɗin, Yawe Nukka Ɠagattag Oh Ele, Nug aguppa daatte, ag keeke amu nuhig daakkunu, hamu mettaglag. Ag geha keeke amu aon uɗin, aben laa, aben amuppa Yawe Nukka Ɠagattag Oh Ele, Nug onig aben amuppa daatte amu, ag aben amuppa keeke amu Nug mettaglag.

Aisaia 43:6

Da danab ah ag yawalti uɗitteppanu daatteb, da ag amelagppa, ‘Ag dahilad danab ah paɗadppeg, ag eɗun wanelagppa ukkeg!’ appi dooglag. Amu danab ah yau uɗitteppanu daatteb amu, da ag amelagppa, ‘Ag danab ah dahilad aib aɗualadppig!’ appi dooglag. Da wan ohppa, dahilad danab ah aguppa daatteb ele, da amu amelagppa ag dahilad danab ah omaladppeg, ag eɗun, ahilag wanppa uɗiglagnu appi dooglag.

Aisaia 45:14

Amu Yawe Nug atte. “O danab ah dahilad, da heppi, Isip dilag en, am Kus dilag en ele ag Israel, ahilag daakku. Sabea danab, ag danab elab, ag uɗin, ag Israel noolagppa dup nona, ahilag ehanittak daaglag. Ag maɗi nid ag okkai ahilag uɗat hekkulagnu senppa daanna, nug dim lamidtteb, amubia Sabea danab ah ag uɗin, ahilag ehanittak daaglag. Ag uɗin, ag noolagppa dup nona, ag oo doyakppa oɗ mattan akkulag. ‘Genab, Kayak Nug ag ele daatteb; laa ii daatte. Ge, Kayak laa ii daatte ⌊amu ig ele Nug noobppa dup nota, Nug binag mekkunignu oonig hette⌋!’ akkulag.” Yawe Nug anam awa atte.

Aisaia 60:3

Juda danab ah, amahlak Yawenu ahilagppa uɗitte amu, wanppan wan ohppan danab ag ahilag amahlak, amuppa uɗiglag. Ao, king ag aam buttua ba, wan atu oh amahlak medatte, amubia king ag amahlak okkai ahilag am anidkkulagnu uɗiglag.

Aisaia 60:6

Wan laappan danab ag en mawadna uɗiglagnu ag kamel bau kuɗumnab qaɗelagppa maadna uɗippeg, ahilag kamel am ag Juda, ahilag wan tonaglag. Danab amu ag Midian wanppanu, Epa wanppanu ele uɗiglag. Seba danab ag gol, prankinsens ele aon uɗinna, ag Yawe binag mekkulag.

Aisaia 66:19

Da uɗat naɗi, da heminu at daatte ag oolagppa heppi, ⌊aun laa nug amu antta, da dim lamiɗa amu, nug bau daakku⌋. Laa amu ag bau daaglag amu, da ag oolagppan laala ag maadppi, danab ah huu laa dilagppa gona, ag binag amahlak oppiaawak ele dahilnu ag amelagppa mattiglag. Danab amu ag da onil okkainu nai laanu ii dooppig; ag binag amahlak oppiaawak ele dahil ele ii anidppig daatteb. Danab amu ag am Tarsis, Libia, Lidia, Tubal amu Grik danab, amu nud umanabnu danab ele. Lidia danab ag am lat ewaknu doyak okkai ele.

Jeremaia 13:23

Kus danab nug nukka nug heeb, nug gaɗa eɗua, laa daakkunu elelete? Doɗ lepad, gaɗa otultul ele, nug nukka nug heeb, otultul amu eɗua, laa daakkute? Amubia ag eheɗ tuɗidib hetteb ele, ag akka ag hena, ag ena hekkulagte?

Jeremaia 38:7

Ag amu heeg, Jeremaia anam dayom, amge Ebetmelek, nug Kus danab, nug Juda dilag kingnu lag enanagnabppa king ehanitta, uɗat heum amu, nug ag Jeremaia le moɗppa meppig doya, king nug aabnu aɗ od onig Benyaminnu Od, nug amuppa heɗep na dayeye,

Jeremaia 39:16

“Na ahan gona, Kus danab Ebetmelek amegppa inam appe doyaɗ! ‘Yawe Nukka Ɠagattag Oh Ele, Nug Israel dilag Kayak, Nug inam atte. “Da matu aab okkai imuam nauhakib daakkunu, ena ii daamanu ami. Da anam ami, amu haen elab iitta, da heppi, nai amu meu okku. Haen amuppa na amenppanab nai amu meu oobob anidkkut,” awa atte.

Sepanaia 3:10

Amu da heppi, dahilad danab ah, ag da noolppa dup nona binal metteb, ag Kus wanppan le digdig eɗatta onak tamtam daatteb amu, ag eɗun uɗin, doɗ manadna da meɗaglag.

Matyu 12:42

Amu ele haen Kayak Nug danab ah epeɗiadkku, haen amuppa wan laappan kwin, wan amuam yau uɗitteppanu daatte, nug aha, danab ah haen gemunu dilag eheɗ hak amu miag atikku. Aɗinu? Nug wan batakppanu, amge nug Solomonnu doyak dabmak ena ele, nug amu dookkunu Solomon gumitta uɗiom. Nug anam uɗiom, amge gemu laa nug Solomon eɗittak am iikku daatte,” awa aum.

Jon 12:20

Amu haen amuppa Grik laala ag ele Jerusalem appa Juda danab ah ag hobul amu anidkkulagnu ukkaegeg, ag ele oh Kayak noobppa dup nona binag mekkulagnu goppig.

Aposel 8:28

Amu deɗ Pilip ukkom, deɗ amuppa Itiopia danab nug eɗua ugakka, nuhig karisppa dayaya, nug propet Aisaianu yaak ebqaaqa ukkom.

Duteronomi 30:13

O ɗo nai imu wan laa yu daug laihppa uppa dayebte, laa nug inam akku. “Aun laa nug wan yu daug laihppa ukka, ɗo nai ig dim lamidkkunignu awa uɗia mehuqkku?” awa akku.

Hibru 11:8

Abraham nug ele Kayaknu ooppa genab doyom amunu, nug Kayak oɗe dim lamitta, Kayak Nug wan atu laa nug aug daakkunu medakkunu aum, amuppa ukkom. Amu nug appag diignab uua aha, aab attenppanab ukka daakkunu amu, nug oo ii maittette ukkom.