Aposel 8:26 - Nobonob Baibel

²⁶ Aria Naɗinu engel laa nug Pilip amegppa aum. “Na ahan, laih yau uɗitteppanu gona, ib laa Jerusalemnu Gasa ukkakppa daatte amu appa ukke! Ib amuam atu taɗakppanu ib,” awa aum.

Aposel 8:26 ပူးပေါင်းရင်းမြစ်များ

Genesis 10:19

ahilag wan tom gigin amu Saidon aabppa digma ukka ukka, Gasa, Gerar guguittak, amuppa bata, eɗua ukka Sodom, Gomora ele wana eɗua, Atma, Seboim ele ukka amu, Lasa aabppa batom.

2 King 1:3

Ahasia anam heum, amge Yawenu engel nug propet Elaiya, Tisbe ted, nug nug amegppa aum. “Na ahan gona, Samarianu king nug danab maatte, Ekron gotteb, na ag uɗalag tena, amelagppa inam akkut. ‘Aɗinu ag Balsebup, Ekron dilag kayak, ag nug oɗ mettaglagnu gotteb? Israel ippa am Kayak laa iite daatte amunu, ag appa gotteb?’ ⌊Ag eɗun gona, king amegppa inam aig!⌋

Sekaraia 9:5

Askelon danab ah ag Tair nauheb anidna, ag eheɗ baɗaglag. Gasa danab ah ag anidna, ag eheɗ nau dooglag. Ekron danab ah ele anamib. Aɗinu? Ag ena bekkulagnu dabmak aɗan oiglagnu ib laa ii anidmana. Kekeɗ ag Gasa danab ah eɗadna, king ahilag ele qeppeg mauhkku. Danab laa Askelon appa ii daama.

Aposel 10:22

ag nug amegppa appig. “Kornilius, nug ban daup 100 dilag ikki daatte, nug he ig uɗimut! Nug am genab tutukku hak danab. Nug Kayaknu ebehi oh bodoetta le mette. Juda danab ah oh ag nuhignu ena elele dootteb. Amu Kayaknu engel oppiaawak laa na, Kornilius amegppa nahipnu, na Kornilius laugppa gona, na nai laala appe nug dookkunu aum amunu nug he, ig uɗimut,” aon appig.

Aposel 10:7

Engel nug Kornilius amegppa anam awowa ugekke, aria Kornilius nug nuhikuɗ maɗi nid aɗit laa, amu daup laippu ele onilagppa e doppig. Daup amu nug Kayaknu ooppa genab doya, nug Kornilius ehanittom.

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Aposel 27:23

Pol nug anam awowa amu nug tuɗitta aum. “Gemu tuqan imuppa, Kayak, da nuhig dayeye, da Nug noobppa dup noin binag mettem ele amu, nuhig engel nug da gukkuiɗa hibaitta dayaya,

Aposel 5:19

amge tuqan amuppa Naɗinu engel nug maniguittak lag od matula he dimittim doeg, nug amelagppa aum.

Aposel 8:29

Nug amu ebqaaqa ugekke, Kayak Ouɗi Nug Pilip amegppa aum. “Na karis umu gukkuidna ukke!” awa aum.

Aposel 8:5

Amu Kristen ag anam heegeg, danab laa onig Pilip nug aab okkai laa onig Samaria, appa noa, appa nug Kristusnu nai mehuqom.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Josua 13:3

Wan amuam Kanan danab dilag wan maha laa aakku. Wan amunu tom am, le Siho, appanu yawalti uɗitteppanu ukka, Ekron wana batak. Le Siho amu, Isipnu tom, Isipnu laih kaɗag uɗitteppanu daatte. Amu Pilistia dilag aab anuqak tanig ele, Gasa, Asdot, Askelon, Gat, Ekron ele amu, aab amu oh wan amuppa daaegeg, ahilkad danab okkai aakku guman daatteb. Ele amu, laih yau uɗitteppanu, Awim danab dilag wan, amu ele ag eɗadna aoglagnu daatte. Aria, laih yawalti uɗitteppanu Kanan danab dilag wan, Meara ukka Apek batak, wan amu oh am ag eɗadna aoglagnu daatte. Meara am Saidon dilag aab laa, amu Apek am Amo dilag tomppa daatte.

Josua 15:47

Ag anam Asdot, aab laala Asdot guguittak daappig, amu aab naunau taliliattak daappig Juda mattan, amu ag Gasa, aab laala Gasa guguittak daappig, am aab naunau taliliadna daappig ele, ag Juda madappig. Ag aab amu mattaeg, tom amuam le laa onig Isip Le, amuppa bate, am ukka Mediterenia yuppa batom.